Christmas Gift Idea: ಈ ಬಾರಿ ಕ್ರಿಸ್​ಮಸ್​ಗೆ ವಿಭಿನ್ನವಾದ ಗಿಫ್ಟ್ ಕೊಡಿ, ಇಲ್ಲಿದೆ ನೋಡಿ ಸೂಪರ್ ಐಡಿಯಾ

ಕ್ರಿಸ್ಮಸ್ ಆಗಮನ ಮತ್ತು ಹೊಸ ವರ್ಷದ ತಂಗಾಳಿಯು ನಮ್ಮ ಜೀವನದಲ್ಲಿ ಹೊಸ ಭರವಸೆಗಳು ಮತ್ತು ಗುರಿಗಳನ್ನು ತರುತ್ತದೆ ಎನ್ನಬಹುದು. ಡಿಸೆಂಬರ್‌ ಆರಂಭವಾಗಿದೆ. ಈ ಹಬ್ಬಕ್ಕೆ ಏನು ಗಿಫ್ಟ್ ಕೊಡಬೇಕು ಎನ್ನುವ ಆಲೋಚನೆ ಎಲ್ಲರನ್ನು ಕಾಡುತ್ತದೆ. ಅದಕ್ಕೆ ನಾವು ಸಹಾಯ ಮಾಡುತ್ತೇವೆ.

ನೀವು ಮಹಿಳೆಯರಿಗೆ ಮುಖ್ಯವಾಗಿ ನಿಮ್ಮ ತಾಯಿಗೆ ಗಿಫ್ಟ್ ಕೊಡುವ ಆಲೋಚನೆಯಲ್ಲಿದ್ದರೆ ಅಡುಗೆ ಮನೆಯ ವಸ್ತುಗಳಿಗಿಂತ ಬೇರೆ ಯಾವುದೂ ಉತ್ತಮವಿಲ್ಲ ಎನ್ನಬಹುದು. ಅವರಿಗೆ ಇಷ್ಟವಾಗುವ ಕುಕ್ಕಿಂಗ್ ಸೆಟ್​ ಕೊಡುವುದು ಒಳ್ಳೆಯ ಗಿಫ್ಟ್​ ಆಗುತ್ತದೆ.

ಕ್ರಿಸ್​ಮಸ್​ ಎಂದ ಮೇಲೆ ಮನೆಯನ್ನು ಅಲಂಕಾರ ಮಾಡುವುದು ಸಾಮಾನ್ಯ. ಅದಕ್ಕೆ ದೀಪಗಳನ್ನು ಹೆಚ್ಚಾಗಿ ಬಳಸುತ್ತಾರೆ. ನೀವು ಯಾರಿಗಾದರೂ ಗಿಫ್ಟ್​ ಕೊಡಬೇಕು ಎನ್ನುವ ಆಲೋಚನೆಯಲ್ಲಿದ್ದರೆ ಒಂದು ಸುಂದರ ಲೈಟಿಂಗ್ ಲ್ಯಾಪ್ ಕೊಡಬಹುದು.

ಕಾಫಿ ಮಗ್​ ಕೊಡುವುದು ಸಾಮಾನ್ಯ, ಆದರೆ ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ವಿಭಿನ್ನವಾದ ಮಗ್​ಗಳು ಲಭ್ಯವಿದೆ, ಅದನ್ನು ನೀವು ಗಿಫ್ಟ್​ ನೀಡಬಹುದು. ಅದರ ಮೇಲೆ ಸಹ ನಿಮಿಷ್ಟದ ಬರಹಗಳನ್ನು ಬರೆಸಿ ನೀಡಬಹುದು.

ಸಾಮಾನ್ಯವಾಗಿ ಕ್ರಿಸ್​ಮಸ್​ ಸಮಯದಲ್ಲಿ ವೈನ್​ಗಳಿಗೆ ಬೇಡಿಕೆ ಹೆಚ್ಚಿರುತ್ತದೆ. ಅದಕ್ಕೆ ನೀವು ಯಾವುದಾದರೂ ವಿಶೇಷ ವೈನ್​ ಅಥವಾ ಅವರ ನೆಚ್ಚಿನ ಡ್ರಿಂಕ್ಸ್​ ಗಿಫ್ಟ್​ ಕೊಡಬಹುದು. ಈಗ ಮಾರುಕಟ್ಟೆಯಲ್ಲಿ ಅದೂ ಕೂಡ ಸುಲಭವಾಗಿ ಲಭ್ಯವಿದೆ.

ಆಹಾರ ಪ್ರಿಯರಾಗಿದ್ದರೆ ಅವರಿಗೆ ಗಿಫ್ಟ್​ ಕೊಡುವುದು ಬಹಳ ಸುಲಭ. ಅವರಿಷ್ಟದ ಆಹಾರಗಳನ್ನು ಒಂದು ಬುಟ್ಟಿಯಲ್ಲಿ ಹಾಕಿ ಕೊಡಬಹುದು. ಸಿಂಗಾರವಾಗಿರುವ ಬುಟ್ಟಿಗಳು ನಿಮಗೆ ಸಿಗುತ್ತದೆ. ಅದನ್ನು ನೀಡಬಹುದು.

ಸ್ಕಿನ್​ ಕೇರ್​ ವಸ್ತುಗಳನ್ನು ಇಷ್ಟಪಡದವರು ಯಾರೂ ಇಲ್ಲ. ಅವುಗಳನ್ನು ಸಹ ನೀವು ಕೊಡಬಹುದು. ಕೆಲ ಕಂಪನಿಗಳು ಗಿಫ್ಟ್​ ನೀಡಲು ಹ್ಯಾಂಪರ್​ಗಳನ್ನು ಬಿಡುಗಡೆ ಮಾಡುತ್ತವೆ. ಅವುಗಳನ್ನು ಕೊಡಬಹುದು.

ಅಡುಗೆ ಮನೆ ವಸ್ತು ಹಾಗೂ ಸ್ಕಿನ್ ಕೇರ್ ನಂತರ ಮಹಿಳೆಯರು ಇಷ್ಟಪಡುವ ಗಿಫ್ಟ್​ ಎಂದರೆ ಗಾರ್ಡನಿಂಗ್ ಮಾಡಲು ಸಹಾಯ ಮಾಡುವ ವಸ್ತುಗಳು. ಕೆಲ ಪುರುಷರೂ ಸಹ ಇದನ್ನು ಇಷ್ಟ ಪಡುತ್ತಾರೆ.