Surya Namaskar ಮಾಡಿದ್ರೆ ಸಾಕು ಎಲ್ಲಾ ರೋಗಗಳಿಗೂ ಹೇಳ್ಬೋದು ಗುಡ್​ ಬೈ​!

ಇಂದಿನ ಒತ್ತಡದ ಜೀವನದಲ್ಲಿ ವ್ಯಾಯಾಮ ಮತ್ತು ಆಹಾರ ನಿಯಮಿತವಾಗಿರಲೇಬೇಕು. ಎಲ್ಲ ಸರಿಯಾಗಿದ್ದರೂ ಒಂದಲ್ಲ ಒಂದು ಆರೋಗ್ಯ ಸಮಸ್ಯೆ ಕಾಡುವ ಇಂದಿನ ದಿನಗಳಲ್ಲಿ ವ್ಯಾಯಾಮ ಮಾಡದೇ ಆಹಾರದಲ್ಲಿ ನಿಯಂತ್ರಣ ಇಲ್ಲದೇ ಹೋದರೆ ಮುಗಿದೇ ಹೋಯಿತು. ಯೋಗ ಒಂದು ಅತ್ಯುತ್ತಮ ವ್ಯಾಯಾಮವಾಗಿದೆ. ಅನೇಕ ರೋಗಗಳು ಬಾರದಂತೆ ತಡೆಯುವ ಈ ಯೋಗ ಅನೇಕ ಸಮಸ್ಯೆಗಳು ಬಂದ ಮೇಲೂ ಅವುಗಳಿಗೆ ಉತ್ತಮ ಪರಿಹಾರವಾಗುತ್ತವೆ.

ಸೂರ್ಯ ನಮಸ್ಕಾರವು 12 ಆಸನಗಳನ್ನು ಒಳಗೊಂಡಿದ್ದು, ಅವುಗಳೆಂದರೆ ಪ್ರಣಾಮಾಸನ, ಹಸ್ತ ಉತ್ತಾನಾಸನ, ಪಾಸ ಹಸ್ತಾಸನ, ಅಶ್ವ ಸಂಚಲನಾಸನ, ದಂಡಾಸನ, ಅಷ್ಟಾಂಗ ನಮಸ್ಕಾರ, ಭುಜಂಗಾಸನ, ಅಧೋಮುಖ ಶ್ವಾನಾಸನ, ಅಶ್ವ ಸಂಚಲನಾಸನ, ಹಸ್ತಪಾದಾಸನ, ಹಸ್ತ ಉತ್ತಾನಾಸನ, ತಾಡಾಸನ. ಆದರೆ ಇವುಗಳನ್ನು ಸರಿಯಾದ ಉಸಿರಾಟದ ಕ್ರಮದಲ್ಲಿ, ಸರಿಯಾದ ವಿಧಾನದಲ್ಲಿಯೇ ಮಾಡುವುದು ಕೂಡ ಅಷ್ಟೇ ಮುಖ್ಯ.

ಬಾಲಿವುಡ್‌ ನಟಿಯರಾದ ಕರೀನಾ ಕಪೂರ್‌, ಬಿಪಾಶಾ ಬಸು, ಶಿಲ್ಪಾ ಶೆಟ್ಟಿ ಮುಂತಾದವರು ಸೂರ್ಯ ನಮಸ್ಕಾರ ಮಾಡುವ ವಿಡಿಯೋಗಳನ್ನು ಆಗಾಗ ಸೋಶಿಯಲ್‌ ಮೀಡಿಯಾಗಳಲ್ಲಿ ಹಂಚಿಕೊಳ್ಳುತ್ತಾರೆ. ಇನ್ನು ನೀವು ಸೂರ್ಯ ನಮಸ್ಕಾರವನ್ನು ಏಕೆ ಮಾಡಬೇಕು ಅನ್ನೋದಕ್ಕೆ 5 ಪ್ರಮುಖ ಕಾರಣಗಳು ಇಲ್ಲಿವೆ.

ತೂಕವನ್ನು ಕಳೆದುಕೊಳ್ಳಲು ಸಹಕಾರಿ: ಪ್ರತಿದಿನವೂ ತಪ್ಪದೇ ಸೂರ್ಯನಮಸ್ಕಾರ ಮಾಡುವುದರಿಂದ ನೀವು ತೂಕವನ್ನು ಕಳೆದುಕೊಳ್ಳಬಹುದು. ಸೂರ್ಯ ನಮಸ್ಕಾರವು ಹೃದಯರಕ್ತನಾಳದ ವ್ಯಾಯಾಮವಾಗಿ ಕಾರ್ಯನಿರ್ವಹಿಸುತ್ತದೆ. ಕಿಬ್ಬೊಟ್ಟೆಯ ಸ್ನಾಯುಗಳನ್ನು ವಿಸ್ತರಿಸುತ್ತದೆ. ಅಲ್ಲದೇ ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ತೂಕ ಕಳೆದುಕೊಳ್ಳುವ ಗುರಿಯನ್ನು ಹೊಂದಿರುವವರು ಸೂರ್ಯ ನಮಸ್ಕಾರವನ್ನು ಪ್ರತಿದಿನವೂ ಮಾಡಬಹುದು.

ಸೊಂಪಾದ ಕೂದಲು ಮತ್ತು ಹೊಳೆಯುವ ಚರ್ಮಕ್ಕಾಗಿ ಸೂರ್ಯ ನಮಸ್ಕಾರ: ಸೂರ್ಯನಮಸ್ಕಾರ ಮಾಡಿದಾಗ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಮೆದುಳಿಗೆ ರಕ್ತ ಪ್ರವಹಿಸುವ ಮೂಲಕ ಕೂದಲ ಆರೋಗ್ಯ ಸುಧಾರಿಸುತ್ತದೆ. ಅಲ್ಲದೇ ಕೂದಲನ್ನು ಮೃದುಗೊಳಿಸಲೂ ಇದು ಸಹಾಯಕ. ಜೊತೆಗೆ ಚರ್ಮದ ಆರೋಗ್ಯಕ್ಕೂ ಸೂರ್ಯನಮಸ್ಕಾರ ಒಳ್ಳೆಯದು. ಮುಖವನ್ನು ತಾಜಾತನದಿಂದ ಇರಿಸುವುದಲ್ಲದೇ ಚರ್ಮಕ್ಕೆ ಹೊಳಪನ್ನು ನೀಡುತ್ತದೆ. ಆಸನಗಳನ್ನು ಮಾಡುವಾಗ ಉಸಿರಾಟವನ್ನು ಒಳಗೆ ಎಳೆದುಕೊಳ್ಳುವುದು ಹಾಗೂ ಉಸಿರನ್ನು ಹೊರಹಾಕುವ ಪ್ರಕ್ರಿಯೆಯಿಂದ ದೇಹದಲ್ಲಿನ ವಿಷಕಾರಿ ಅಂಶಗಳು ಹೊರಹೋಗುತ್ತವೆ.

ಸ್ನಾಯುಗಳು ಮತ್ತು ಕೀಲುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ: ಸೂರ್ಯನಮಸ್ಕಾರ ಮಾಡುವುದರಿಂದ ಸ್ಟ್ರೆಚಿಂಗ್ ಸ್ನಾಯುಗಳು, ಕೀಲುಗಳು, ಅಸ್ಥಿರಜ್ಜುಗಳು ಮತ್ತು ಸಂಪೂರ್ಣ ಕೀಲುಗಳ ವ್ಯವಸ್ಥೆಯನ್ನು ಬಲಗೊಳ್ಳುತ್ತವೆ. ಜೊತೆಗೆ ಇದು ಬೆನ್ನುಮೂಳೆಯ ಆರೋಗ್ಯವನ್ನೂ ಬಲಪಡಿಸುತ್ತದೆ. ಆದ್ದರಿಂದ ದಿನವೂ ಸೂರ್ಯನಮಸ್ಕಾರ ಮಾಡುವುದರಿಂದ ಸ್ನಾಯುಗಳ, ಕೀಲುಗಳು ಬಲಗೊಳ್ಳುತ್ತವೆ.

ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುತ್ತದೆ: ಮಧುಮೇಹ ಇಂದು ಸಾಮಾನ್ಯವಾಗಿದೆ. 12 ಆಸನಗಳ ಸೂರ್ಯ ನಮಸ್ಕಾರವು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದರೊಂದಿಗೆ ಹೃದ್ರೋಗದ ಸಾಧ್ಯತೆಗಳನ್ನೂ ಇದು ಕಡಿಮೆ ಮಾಡುತ್ತದೆ.

ನಿಯಮಿತ ಋತುಚಕ್ರಕ್ಕಾಗಿ ಸೂರ್ಯನಮಸ್ಕಾರ: ಇಂದಿನ ಮಹಿಳೆಯರಲ್ಲಿ ಸಾಮಾನ್ಯ ಕಾಯಿಲೆಯಾಗಿರುವ ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್ (ಪಿಸಿಓಎಸ್)ಅಥವಾ ಥೈಯಾಯ್ಡ್‌ನಂಥ ಹಾರ್ಮೋನು ಸಮಸ್ಯೆಗಳಿಂದ ಬಳಲುವವರಿಗೆ ಸೂರ್ಯ ನಮಸ್ಕಾರ ಬಹಳಷ್ಟು ಪ್ರಯೋಜನಕಾರಿಯಾಗಿದೆ.

ಅದರಲ್ಲೂ ವಿಶೇಷವಾಗಿ ಸೂರ್ಯ ನಮಸ್ಕಾರದ ಆಸನಗಳು ತೂಕವನ್ನು ಕಳೆದುಕೊಳ್ಳಲು ಸಹಾಯ ಮಾಡುವುದರ ಜೊತೆಗೆ ಋತುಚಕ್ರವನ್ನು ಕ್ರಮಬದ್ಧಗೊಳಿಸಲು ಉಪಯುಕ್ತವಾಗಿವೆ. ಆದ್ದರಿಂದ ಹಾರ್ಮೋನು ಸಮಸ್ಯೆಗಳಿಂದ ಬಳಲುತ್ತಿರುವವರು ಯಾರಾದರೂ ಸಹ ಸೂರ್ಯನಮಸ್ಕಾರವನ್ನು ಪ್ರತಿದಿನವೂ ಮಾಡುವಂತ ರೂಢಿ ಇಟ್ಟುಕೊಳ್ಳುವುದು ಒಳಿತು.