Oil For Hair: ಈ ಎಣ್ಣೆಯನ್ನು ಪ್ರತಿದಿನ ನೆತ್ತಿಗೆ ಹಚ್ಚಿದ್ರೆ ತಲೆಹೊಟ್ಟು ಸಮಸ್ಯೆ ಮಾಯವಾಗುತ್ತೆ

ನೀವು ಆಲಿವ್ ಎಣ್ಣೆಯನ್ನು ಕಂಡೀಷನರ್ ಬದಲಾಗಿ ಬಳಕೆ ಮಾಡಬಹುದು. ಇದು ನಿಮ್ಮ ಕೂದಲ ತೇವಾಂಶ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಆಲಿವ್ ಎಣ್ಣೆಯನ್ನು ಸ್ವಲ್ಪ ಬಿಸಿ ಮಾಡಿಕೊಂಡು ನಂತರ ನೆತ್ತಿಯ ಮೇಲೆ ಹಚ್ಚಿ.

ಆಲಿವ್ ಎಣ್ಣೆಯನ್ನು ಬಳಸಿ ನೀವು ಹೇರ್ ಸ್ಪಾ ಮಾಡಿಕೊಳ್ಳುವುದು ನಿಮ್ಮ ಕೂದಲು ಸಿಕ್ಕು ಸಿಕ್ಕಾಗುವುದನ್ನ ತಡೆಯುತ್ತದೆ. ಮುಖ್ಯವಾಗಿ ನೆತ್ತಿಯ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಆಲಿವ್ ಎಣ್ಣೆ ಸಹಾಯ ಮಾಡುತ್ತದೆ.

ರೇಷ್ಮೆಯಂತಹ ಕೂದಲು ಬೇಕು ಎಂಬ ಆಸೆ ಎಲ್ಲರಿಗೂ ಇರುತ್ತದೆ. ಅದಕ್ಕಾಗಿ ರಾಸಾಯನಿಕಯುಕ್ತ ಉತ್ಪನ್ನಗಳನ್ನು ಬಳಕೆ ಮಾಡುತ್ತಾರೆ. ಅದರ ಬದಲು ಈ ಆಲಿವ್ ಎಣ್ಣೆಯನ್ನು ಬಳಕೆ ಮಾಡುವುದು ಉತ್ತಮ. ನೀವು ಆಲಿವ್ ಎಣ್ಣೆಯನ್ನು ಕೂದಲಿಗೆ ಹಚ್ಚಿ ಒಂದು ಗಂಟೆಗಳ ನಂತರ ಶಾಂಪೂ ಬಳಸಿ ತಲೆಸ್ನಾನ ಮಾಡಿ. ಈ ರೀತಿ ವಾರಕ್ಕೆ 3 ಬಾರಿ ಮಾಡುವುದು ಹೆಚ್ಚು ಲಾಭ ನೀಡುತ್ತದೆ.

ತಲೆಹೊಟ್ಟು ಸಮಸ್ಯೆ ಎಲ್ಲರನ್ನೂ ಕಾಡುತ್ತಿದೆ. ಇದಕ್ಕೆ ಪರಿಹಾರವೇ ಇಲ್ಲವೇನೂ ಎನ್ನುವ ಭಾವನೆ ಸಹ ಎಲ್ಲರಲ್ಲಿ ಮೂಡಿದೆ. ಆದರೆ ಆಲಿವ್​ ಎಣ್ಣೆ ತಲೆಹೊಟ್ಟಿನ ಸಮಸ್ಯೆ ಹೋಗಲಾಡಿಸಲು ಸಹಾಯ ಮಾಡುತ್ತದೆ.

ಸ್ವಲ್ಪ ಆಲಿವ್ ಎಣ್ಣೆಗೆ ನಿಂಬೆರಸವನ್ನು ಮಿಕ್ಸ್ ಮಾಡಿ, ಇದನ್ನು ನಿಮ್ಮ ಕೂದಲು ಮತ್ತು ನೆತ್ತಿಗೆ ಹಚ್ಚಿ. ಈ ರೀತಿ ವಾರಕ್ಕೆ 3 ಬಾರಿಯಾದರೂ ತಲೆಹೊಟ್ಟು ಹೋಗುವವರೆಗೆ ಮಾಡಿ. ಸುಮಾರು 2 ತಿಂಗಳ ಒಳಗೆ ನಿಮಗೆ ಪರಿಹಾರ ಸಿಗುತ್ತದೆ.

ಕೂದಲ ಸಮಸ್ಯೆಗಳಲ್ಲಿ ಸೀಳು ಒಡೆಯುವಿಕೆ ಸಹ ಒಂದು. ಕೂದಲ ತುದಿಯಲ್ಲಿ ಸೀಳು ಒಡೆದಾಗ ಬೆಳವಣಿಗೆ ಆಗುವುದಿಲ್ಲ, ಕೂದಲು ಉದುರುವುದು ಸಹ ಹೆಚ್ಚಾಗುತ್ತದೆ. ಅದಕ್ಕೆ ಆಲಿವ್​ ಎಣ್ಣೆಯನ್ನು ಬಳಸಿ ಪರಿಹಾರ ಪಡೆಯಬಹುದು.

ನೀವು ಆಲಿವ್ ಎಣ್ಣೆಯನ್ನು ಕಂಡೀಷನರ್, ಹೇರ್ ಆಯಿಲ್ ರೀತಿ ಮಾತ್ರವಲ್ಲದೇ ತಲೆಸ್ನಾನ ಮಾಡಿದ ನಂತರ ಬಳಸುವ ಹೇರ್ ಸೀರಮ್ ರೀತಿ ಸಹ ಬಳಸಬಹುದು. 2 ಹನಿ ಆಲಿವ್ ಎಣ್ಣೆಯನ್ನು ತಲೆಸ್ನಾನದ ನಂತರ ಕೂದಲಿಗೆ ಹಚ್ಚಿದರೆ ಹೆಚ್ಚು ಲಾಭ ಸಿಗಲಿದೆ.

ಒಂದು ಬಟ್ಟಲಿನಲ್ಲಿ ಆಲಿವ್ ಎಣ್ಣೆ ಮತ್ತು ತೆಂಗಿನ ಎಣ್ಣೆಯನ್ನು ಮಿಶ್ರಣ ಮಾಡಿ, ಇದನ್ನು ಸ್ವಲ್ಪ ಬಿಸಿ ಮಾಡಿಕೊಳ್ಳಿ. ನಂತರ ನಿಮ್ಮ ನೆತ್ತಿ ಹಾಗೂ ಕೂದಲಿಗೆ ಚೆನ್ನಾಗಿ ಹಚ್ಚಿ ಮಸಾಜ್ ಮಾಡಿ. ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಟವೆಲ್​ ನೆನೆಸಿ ಚೆನ್ನಾಗಿ ಹಿಂಡಿ, ಅದನ್ನು ಕಟ್ಟಿ. ಸುಮಾರು 1 ಗಂಟೆಯ ನಂತರ ಹೇರ್ ವಾಶ್​ ಮಾಡಿ.