Benefits of Massage: ಎಣ್ಣೆ ಮಸಾಜ್​ ಮಾಡಿದ್ರೆ ನಿಮ್ಮ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತಂತೆ

ಕರೋನಾ ಸೋಂಕುಗಳ ಸಂಖ್ಯೆಯು ಸ್ವಲ್ಪಮಟ್ಟಿಗೆ ಕಡಿಮೆಯಾಗಲು ಪ್ರಾರಂಭಿಸಿದರೂ, ನಮ್ಮ ರೋಗನಿರೋಧಕ ಶಕ್ತಿಯನ್ನು ನಾವು ಬಲವಾಗಿರಿಸಿಕೊಳ್ಳುವುದು ಮುಖ್ಯವಾಗಿದೆ. ನಿಮ್ಮ ರೋಗನಿರೋಧಕ ಶಕ್ತಿಯು ಪ್ರಬಲವಾಗಿದ್ದರೆ, ಸಾಂಕ್ರಾಮಿಕ ರೋಗಗಳ ಸಾಧ್ಯತೆಗಳು ಕಡಿಮೆಯಾಗುತ್ತವೆ.

ಸರಿಯಾದ ಆಹಾರ ಮತ್ತು ವ್ಯಾಯಾಮವು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ, ಎಣ್ಣೆ ಮಸಾಜ್ ಮೂಲಕ ಇದೇ ರೀತಿಯ ಪ್ರಯೋಜನಗಳನ್ನು ಪಡೆಯಬಹುದು. ರೋಗನಿರೋಧಕ ಶಕ್ತಿಯ ಹೊರತಾಗಿ ಮಸಾಜ್‌ನಿಂದ ನೀವು ಇನ್ನೂ ಹಲವಾರು ಪ್ರಯೋಜನಗಳನ್ನು ಪಡೆಯುತ್ತೀರಿ.

ಒತ್ತಡದ ಸಮಸ್ಯೆಯಿಂದ ಬಳಲುತ್ತಿರುವವರು, ಅದರಿಂದ ಪಾರಾಗಲು ಮಸಾಜ್ ಬಗ್ಗೆ ಯೋಚಿಸುತ್ತಾರೆ. ಸಾಮಾನ್ಯ ಮಸಾಜ್ ಎಂದರೆ ತಲೆಗೆ ಮತ್ತು ಮೈ ಭಾಗಗಳಿಗೆ ರಿಲೀಫ್ ನೀಡುತ್ತದೆ.

. ಆಯಿಲ್ ಮಸಾಜ್‌ನ ಪ್ರಯೋಜನಗಳು
ಎಣ್ಣೆ ಮಸಾಜ್ ನಿಮ್ಮ ದೇಹದಲ್ಲಿ ರಕ್ತದ ಹರಿವನ್ನು ಹೆಚ್ಚಿಸುತ್ತದೆ. ಇದು ನಿಮ್ಮ ದೇಹ ಮತ್ತು ಸ್ನಾಯುಗಳಲ್ಲಿನ ನೋವನ್ನು ಕಡಿಮೆ ಮಾಡುತ್ತದೆ. ಮಾನಸಿಕ ಆರೋಗ್ಯ ಚೆನ್ನಾಗಿದ್ದರೆ ದೇಹದ ರೋಗನಿರೋಧಕ ಶಕ್ತಿ ಸಹಜವಾಗಿ ಹೆಚ್ಚುತ್ತದೆ

ಮಸಾಜ್‌ಗೆ ಸರಿಯಾದ ಸಮಯ
ಎಣ್ಣೆ ಮಸಾಜ್ ಅನ್ನು ದಿನದ ಯಾವುದೇ ಸಮಯದಲ್ಲಿ ಮಾಡಬಹುದು. ನಿಮಗೆ ಮಾಡಲು ಹೆಚ್ಚು ಕೆಲಸವಿಲ್ಲದಿರುವಾಗ ಮತ್ತು ಶಾಂತ ವಾತಾವರಣದಲ್ಲಿ ಇದನ್ನು ಮಾಡಬೇಕು. ಅದೇ ಸಮಯದಲ್ಲಿ, ಎಣ್ಣೆ ಮಸಾಜ್ ಸಂಪೂರ್ಣ ಪ್ರಯೋಜನಗಳನ್ನು ಪಡೆಯಲು, ಬೆಳಗ್ಗೆ ಮಾಡಬೇಕು ಎನ್ನಲಾಗುತ್ತದೆ. ಬೆಳಗ್ಗೆ ಮಸಾಜ್ ಮಾಡುವುದರಿಂದ ದಿನವಿಡೀ ನಿಮಗೆ ಉಲ್ಲಾಸ ಸಿಗುತ್ತದೆ. ಅದೇ ರೀತಿ ಊಟದ ಒಂದು ಗಂಟೆಯ ನಂತರ ಮಸಾಜ್ ಮಾಡಬಹುದು.

ಮಸಾಜ್ ಮಾಡುವಾಗ ಗಮನಿಸಬೇಕಾದ ಅಂಶಗಳು
ನೀವು ಏನನ್ನೂ ತಿನ್ನದೆ ಖಾಲಿ ಹೊಟ್ಟೆಯಲ್ಲಿ ಮಸಾಜ್ ಮಾಡಬಾರದು. ಏಕೆಂದರೆ ಮಸಾಜ್ ಮಾಡುವಾಗ ನಿಮ್ಮ ಜೀರ್ಣಶಕ್ತಿ ಹೆಚ್ಚುತ್ತದೆ ಮತ್ತು ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಕಡಿಮೆಯಾಗುತ್ತದೆ.

ಮಸಾಜ್ ಮಾಡುವಾಗ ಗಮನಿಸಬೇಕಾದ ಅಂಶಗಳು
ಬೆಳಗ್ಗೆ ಮಸಾಜ್ ತೆಗೆದುಕೊಳ್ಳುವುದಾದರೆ ಕೆಲವು ಹಣ್ಣುಗಳು ಅಥವಾ ತಿಂಡಿಗಳನ್ನು ಸೇವಿಸಿದ ನಂತರ ಮಸಾಜ್ ಮಾಡುವುದು ಉತ್ತಮ. ಅದೇ ಸಮಯದಲ್ಲಿ, ಹೆಚ್ಚು ಆಹಾರ ಸೇವನೆ ಮಾಡಿದ ನಂತರ ಹೊಟ್ಟೆಯನ್ನು ಮಸಾಜ್ ಮಾಡುವುದನ್ನು ತಪ್ಪಿಸಬೇಕು. ಇದು ಮಲಬದ್ಧತೆಯ ಸಮಸ್ಯೆಗಳನ್ನು ಉಂಟುಮಾಡಬಹುದು

ಮಸಾಜ್‌ಗೆ ಯಾವ ಎಣ್ಣೆಯನ್ನು ಬಳಸಬಹುದು
ಲವಂಗದ ಎಣ್ಣೆ, ಬಾಲ್ಸಾಮ್, ಟ್ರೀ ಆಯಿಲ್, ಲ್ಯಾವೆಂಡರ್ ಎಣ್ಣೆ ಬಳಕೆ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಕೆಲವರು ತುಪ್ಪವನ್ನು ಸಹ ಬಳಸುತ್ತಾರೆ. ಇದು ದೇಹಕ್ಕೆ ತುಂಬಾ ತಂಪಾಗಿರುತ್ತದೆ. ಮಸಾಜ್ ಮಾಡಿದ ನಂತರ, ತಂಪಾದ ನೀರಿನಿಂದ ಸ್ನಾನ ಮಾಡುವುದು ಒಳ್ಳೆಯದು.