Health Tips: ಕಾಫಿ, ಟೀ ಸೇವಿಸುವ ಮೊದ್ಲು ಇದೇ ಕಾರಣಕ್ಕೆ ನೀರು ಕುಡಿಬೇಕಂತೆ

ಭಾರತೀಯರೊಂದಿಗಿನ ಚಹಾ ಮತ್ತು ಕಾಫಿಯ ನಂಟು ಅವಿನಾಭಾವವಾಗಿದೆ. ಹೆಚ್ಚಿನ ಜನರು ಬೆಳಗ್ಗೆ ಬಿಸಿ ಚಹಾ ಅಥವಾ ಕಾಫಿ ಕುಡಿಯದೆ ತಮ್ಮ ದಿನವನ್ನು ಪ್ರಾರಂಭಿಸುವುದಿಲ್ಲ.  ಬೆಳಗ್ಗೆ ಮಾತ್ರವಲ್ಲ. ಗೆಳೆಯರ ಜೊತೆ ಮೋಜು ಮಸ್ತಿ ಮಾಡಲು ಹೊರಟರೂ, ಚಳಿಯ ವಾತಾವರಣವಿದ್ದರೂ ಟೀ ಕುಡಿಯುವ ಅಭ್ಯಾಸ ನಮ್ಮದು. ಕೆಲವರು ದಿನಕ್ಕೆ ಐದಾರು ಕಪ್ ಟೀ ಕುಡಿಯುತ್ತಾರೆ. 

ಟೀ, ಕಾಫಿ ಕುಡಿಯುವ ಮೊದಲು ನೀರು ಕುಡಿಯುವ ಅಭ್ಯಾಸ ಅನೇಕರಿಗೆ ಇರುತ್ತದೆ. ನೀರು ಚಹಾ-ಕಾಫಿ ಕುಡಿಯುವ ಮೊದಲು ನೀರು ಕುಡಿಯಬಹುದಾ ಎನ್ನುವ ಗೊಂದಲ ಹಲವರಲ್ಲಿರುತ್ತದೆ. ಕೆಲವರು ಕುಡಿಯಬಾರದು ಎಂದರೆ ಇನ್ನೂ ಕೆಲವರು ಖಂಡಿತಾ ಕುಡಿಯಲೇಬೇಕು ಎಂದು ಹೇಳುತ್ತಾರೆ.

ಚಹಾ ಮತ್ತು ಕಾಫಿಯಲ್ಲಿರುವ ಕೆಫೀನ್ ಆರೋಗ್ಯಕ್ಕೆ ಹಾನಿಕಾರಕ. ಹಾಗಾಗಿ ಈ ಪಾನೀಯಗಳನ್ನು ಸೇವಿಸುವ ಮೊದಲು ನೀರು ಕುಡಿಯುವುದು ಉತ್ತಮ. ಕನಿಷ್ಠ 10-15 ನಿಮಿಷಗಳ ಮೊದಲು ನೀರು ಕುಡಿಯುವುದು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ವೈದ್ಯರು ಹೇಳುತ್ತಾರೆ. ಇದು ದೇಹವನ್ನು ಅನೇಕ ರೋಗಗಳಿಂದ ರಕ್ಷಿಸುತ್ತದೆ ಎನ್ನುತ್ತಾರೆ.

ಟೀ, ಕಾಫಿ ಕುಡಿದರೆ ಹಲ್ಲು ಹುಳುಕಾಗುತ್ತದೆ ಎಂಬ ಭಯ ಹಲವರಿಗೆ ಇರುತ್ತದೆ. ಇವುಗಳಲ್ಲಿ ಇರುವ ಟ್ಯಾನಿನ್ ಹಲ್ಲುಗಳ ಬಣ್ಣವನ್ನು ಹಾಳು ಮಾಡುತ್ತದೆ. ಹಾಗಾಗಿ ಕಾಫಿ, ಟೀ ಕುಡಿಯುವ ಮೊದಲು ನೀರು ಕುಡಿಯುವುದರಿಂದ ಹಲ್ಲುಗಳಿಗೆ ಹಾನಿಯಾಗುವುದಿಲ್ಲ. ಏಕೆಂದರೆ ನೀರು ಹಲ್ಲುಗಳ ಮೇಲೆ ರಕ್ಷಣಾತ್ಮಕ ಪದರವನ್ನು ರೂಪಿಸುತ್ತದೆ

ಖಾಲಿ ಹೊಟ್ಟೆಯಲ್ಲಿ ಟೀ-ಕಾಫಿ ಕುಡಿಯುವುದು ಒಳ್ಳೆಯದಲ್ಲ. ಖಾಲಿ ಹೊಟ್ಟೆಯಲ್ಲಿ ಕುಡಿದರೆ ಅಸಿಡಿಟಿ ಸಮಸ್ಯೆ ಶುರುವಾಗುತ್ತದೆ. ಇದು ನಿಮ್ಮ ಹೊಟ್ಟೆಗೆ ಹಾನಿ ಮಾಡುತ್ತದೆ. ಈ ಸಮಸ್ಯೆಯನ್ನು ತಪ್ಪಿಸಲು, ಚಹಾ ಮತ್ತು ಕಾಫಿ ಕುಡಿಯುವ 15 ನಿಮಿಷಗಳ ಮೊದಲು ನೀರನ್ನು ಕುಡಿಯಿರಿ. ಇದರಿಂದ ಅಲ್ಸರ್ ಅಪಾಯವನ್ನೂ ಕಡಿಮೆ ಮಾಡಬಹುದು.

ಅಲ್ಲದೇ, ಖಾಲಿ ಹೊಟ್ಟೆಯಲ್ಲಿ ಚಹಾ ಅಥವಾ ಕಾಫಿ ಕುಡಿಯುವುದು ನಿರ್ಜಲೀಕರಣಕ್ಕೆ ಕಾರಣವಾಗಬಹುದು. ಇದು ಅನೇಕ ರೋಗಗಳನ್ನು ಉಂಟುಮಾಡುತ್ತದೆ. ಟೀ-ಕಾಫಿಗಿಂತ ಮೊದಲು ನೀರು ಕುಡಿಯುವುದರಿಂದ ನಿರ್ಜಲೀಕರಣದ ಸಮಸ್ಯೆಯನ್ನು ತಡೆಯಬಹುದು. ಹಾಗೆಯೇ, ಟೀ ಮೊದಲು ನೀರನ್ನು ಕುಡಿಯುವುದರಿಂದ ದೇಹದಲ್ಲಿ ಪೋಷಕಾಂಶಗಳ ಕೊರತೆಯಾಗುವುದಿಲ್ಲ.

ಹಕ್ಕುತ್ಯಾಗ: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಪರಿಶೀಲಿಸಿಲ್ಲ. ಇವುಗಳನ್ನು ಕಾರ್ಯಗತಗೊಳಿಸುವ ಮೊದಲು ಸಂಬಂಧಪಟ್ಟ ತಜ್ಞರನ್ನು ಸಂಪರ್ಕಿಸುವುದು ಸೂಕ್ತ