Black Cardamom: ಅಸ್ತಮಾ ಸಮಸ್ಯೆಗೆ ಮಸಾಲೆಗಳ ರಾಣಿ ಕಪ್ಪು ಏಲಕ್ಕಿಯೇ ಮದ್ದು

ಹೃದಯದ ಆರೋಗ್ಯಕ್ಕೆ: ಕಪ್ಪು ಏಲಕ್ಕಿಯು ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಈ ಮೂಲಕ ಹೃದಯದ ಸಮಸ್ಯೆಗಳು ಸಹ ಬರದಂತೆ ತಡೆಯುತ್ತದೆ. ಅಲ್ಲದೇ ಇದು ರಕ್ತ ಹೆಪ್ಪುಗಟ್ಟುವಿಕೆಯನ್ನು ಸಹ ಇದು ತಡೆಯಲು ಸಹಕಾರಿ.

ಬಾಯಿಯ ಆರೋಗ್ಯಕ್ಕೆ: ನಿಮಗೆ ಬಾಯಿಯ ಯಾವುದೇ ಸಮಸ್ಯೆ ಇದ್ದರೆ ಈ ಕಪ್ಪು ಏಲಕ್ಕಿ ಪರಿಹಾರ ನೀಡುತ್ತದೆ. ಬಾಯಿಯಿಂದ ಬರುವ ದುರ್ವಾಸನೆ, ಒಸಡುಗಳಲ್ಲಿ ಉಂಟಾಗುವ ರಕ್ತಸ್ರಾವ ಹೀಗೆ ನಿಮ್ಮ ಬಾಯಿಯ ಆರೋಗ್ಯ ಕಾಪಾಡಿಕೊಳ್ಳಲು ಈ ಕಪ್ಪು ಏಲಕ್ಕಿ ಬಳಕೆ ಮಾಡಬಹುದು.

ಹೊಟ್ಟೆಯ ಸಮಸ್ಯೆ: ಈ ಕಪ್ಪು ಏಲಕ್ಕಿ ನಿಮ್ಮ ಜೀರ್ಣಕ್ರಿಯೆ ಸಮಸ್ಯೆಯನ್ನು ಸಹ ಹೋಗಲಾಡಿಸುತ್ತದೆ. ಅಸಿಡಿಟಿ ಸೇರಿದಂತೆ ಕರುಳಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹ ಸಹಾಯ ಮಾಡುತ್ತದೆ.

ವಿಟಮಿನ್ ಸಿ: ಈ ಕಪ್ಪು ಏಲಕ್ಕಿಯಲ್ಲಿ ಹಲವಾರು ಪೋಷಕಾಂಶಗಳಿದ್ದು, ಇದರಲ್ಲಿ ವಿಟಮಿನ್ ಸಿ ಸಮೃದ್ಧವಾಗಿದೆ. ಇದು ನಿಮ್ಮ ದೇಹದ ಪ್ರತಿ ಅಂಗಕ್ಕೂ ರಕ್ತ ಸರಿಯಾಗಿ ಹೋಗುವಂತೆ ನೋಡಿಕೊಳ್ಳುತ್ತದೆ

ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ: ಇದರಲ್ಲಿರುವ ಆ್ಯಂಟಿ ಆಕ್ಸಿಡೆಂಟ್​ ಮತ್ತು ಇತರ ಪೋಷಕಾಂಶಗಳು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಸಹ ಹೊಂದಿದೆ. ಇದು ನಿಮ್ಮ ರೋಗನಿರೋಧಕ  ಶಕ್ತಿ ಹೆಚ್ಚಿಸುವ ಮೂಲಕ ಸೋಂಕುಗಳು ತಾಗದಂತೆ ತಡೆಯುತ್ತವೆ.

ಅಸ್ತಮಾ ಸಮಸ್ಯೆಗೆ: ಈ ಕಪ್ಪು ಏಲಕ್ಕಿಯಲ್ಲಿ ಅಸ್ತಮಾ ಸಮಸ್ಯೆಗೆ ಪರಿಹಾರ ನೀಡುವ ಅಂಶಗಳಿದೆ. ಚಳಿಗಾಲದಲ್ಲಿ ಈ ಉಸಿರಾಟದ ಸಮಸ್ಯೆ ಜಾಸ್ತಿ, ಹಾಗಾಗಿ ಮಿಸ್ ಮಾಡದೇ ಕಪ್ಪು ಏಲಕ್ಕಿ ಸೇವನೆ ಮಾಡುವುದು ಉತ್ತಮ.

ಚರ್ಮದ ಆರೋಗ್ಯಕ್ಕೆ: ಕಪ್ಪು ಏಲಕ್ಕಿಯು ಆ್ಯಂಟಿ ಆಕ್ಸಿಡೆಂಟ್​, ವಿಟಮಿನ್ ಸಿ ಸಮೃದ್ಧವಾಗಿದ್ದು, ಇದರಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಸಹ ಇರುವುದರಿಂದ ನಿಮ್ಮ ತ್ವಚೆಯ ಅಂದ ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಕೂದಲಿಗೆ: ಈ ಕಪ್ಪು ಏಲಕ್ಕಿ ನಿಮ್ಮ ಕೂದಲ ಸಮಸ್ಯೆಗಳಿಗೆ ಸಹ ಪರಿಹಾರ ನೀಡುತ್ತದೆ. ಆಂಟಿ-ಆಕ್ಸಿಡೇಟಿವ್ ಗುಣಲಕ್ಷಣಗಳ ಕಾರಣದಿಂದ ಇದು ನೆತ್ತಿಯ ಆರೋಗ್ಯವನ್ನು ಕಾಪಾಡುತ್ತದೆ. ತಲೆಹೊಟ್ಟು ಮತ್ತು ಕೂದಲು ಉದುರುವಿಕೆ ತಡೆಯುತ್ತದೆ.