Morning Breakfast Recipe: ದಿನಾ ಒಂದೇ ರೀತಿ ಇಡ್ಲಿ ತಿಂದು ಬೋರಾಗಿದ್ರೆ ಈ ರೀತಿ ಗುಲಾಬಿ ಇಡ್ಲಿ ಮಾಡಿ

ಇಡ್ಲಿಯು ಜನಪ್ರಿಯ ದಕ್ಷಿಣ-ಭಾರತೀಯ ಪಾಕವಿಧಾನವಾಗಿದೆ. ನೀವು ಕೂಡಾ ಮನೆಯಲ್ಲಿ ಯಾವಾಗಲೂ ದೋಸೆ ಹಾಗೂ ಇಡ್ಲಿಯನ್ನೇ ಮಾಡುತ್ತಿದ್ದರೆ ಇದು ಚೂರು ವಿಶೇಷವಾಗಿದೆ. ತುಂಬಾ ಇಷ್ಟಪಟ್ಉ ತಿನ್ನಬಹುದಾದ ಇಡ್ಲಿ ಇದು.

ಇದನ್ನು ಹೇಗೆ ಮಾಡುವುದು ಎಂಬ ಕುತೂಹಲ ನಿಮಗಿದ್ದರೆ ಇದನ್ನು ಸಂಪೂರ್ಣವಾಗಿ ಓದಿ. ನಂತರ ನೀವೇ ಸ್ವತಃ ಮನೆಯಲ್ಲೇ ಇದನ್ನು ಮಾಡಿ ತಿನ್ನಿ. ಮಕ್ಕಳು ಇದರ ಬಣ್ಣಕ್ಕೆ ಮಾರು ಹೋಗುತ್ತಾರೆ.

ಸಾಂಬಾರ್ ಮತ್ತು ಚಟ್ನಿಯೊಂದಿಗೆ  ನೀವು ಇದನ್ನು ತಿನ್ನಬಹುದಾಗಿದೆ. ಮೊದಲಿಗೆ ಇಡ್ಲಿಗೆ ಬೇಕಾದ ರವೆಯನ್ನು ಅಳತೆ ಮಾಡಿ ತೆಗೆದಿಟ್ಟುಕೊಳ್ಳಿ.

ಅಕ್ಕಿ 2 ಕಪ್, ತುರಿದ ಬೀಟ್​ರೂಟ್​ 1 ಕಪ್, ಅವಲಕ್ಕಿ, ಅರ್ಧ ಕಪ್, ತೆಂಗಿನಕಾಯಿ ತುರಿ ಅರ್ಧ ಕಪ್, ರವೆ ಅರ್ಧ ಕಪ್, ಗಟ್ಟಿ ಮೊಸರು ಅರ್ಧ ಕಪ್ ಇವಿಷ್ಟು ಬೇಕಾಗುವ ಸಾಮಗ್ರಿಗಳಾಗಿದೆ.

ಒಂದು ಬಾಣಲೆಯನ್ನು ತೆಗೆದುಕೊಂಡು ಅದಕ್ಕೆ 2 ಕಪ್ ಅಕ್ಕಿ ಹಾಕಿ, ಅದನ್ನ ಸ್ವಲ್ಪ ಹುರಿದುಕೊಂಡು ನಂತರ  ನೀರಲ್ಲಿ ನೆನೆಸಿ. ಎರಡು ಗಂಟೆಯಾದರೂ ಅಕ್ಕಿ ನೆನಸಿದ ಬಳಿಕ, 1 ಕಪ್‌ನಷ್ಟು ಬೀಟ್​ರೂಟ್​ ಸಿಪ್ಪೆ ತೆಗೆದುಕೊಂಡು ತುರಿದುಕೊಂಡು ಹಾಕಿ.

ನೀವು ಸಾಮಾನ್ಯವಾಗಿ ಇಡ್ಲಿಯನ್ನು ಯಾವ ರೀತಿ ಮಾಡುತ್ತೀರೋ ಅದೇ ರೀತಿ ಮಾಡಿ ಅದಕ್ಕೆ ಬಿಟ್ರೂಟ್​ ರಸವನ್ನು ಸೇರಿಸಿ ನೀರಿನ ಬದಲು ರಸವನ್ನೇ ಯೂಸ್​ ಮಾಡಿ.

ನಂತರ ಅದಕ್ಕೆ ಒಂದು ಹಿಡಿ ಅವಲಕ್ಕಿ, 1/2 ಕಪ್‌ ತೆಂಗಿನಕಾಯಿ ತುರಿಯನ್ನೂ, ಚಿಟಿಕೆಉಪ್ಪು ಸೇರಿಸಿ ರುಬ್ಬಿಟ್ಟುಕೊಳ್ಳಿ. ರುಬ್ಬುವಾಗ ನೀರನ್ನ ಹಾಕಿ. ಹಿಟ್ಟು ದಪ್ಪವಾಗಿ, ಇಡ್ಲಿಯ ಹದಕ್ಕೆ ಇರಲಿ. ಈ ರೀತಿ ಮಾಡಿ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ನಂತರ ಇಡ್ಲಿ ತಟ್ಟೆಗೆ ಈ ಮಿಕ್ಸ್​​ಅನ್ನು ಹಾಕಿ.

ಸರಿಯಾಗಿ ಹತ್ತರಿಂದ ಹದಿನೈದು ನಿಮಿಷ ಬೇಯಿಸಿದರೆ ಇಡ್ಲಿ ಸವಿಯಲು ಸಿದ್ದ. ಇದಕ್ಕೆ ಸರಿಹೊಂದುವ ರುಚಿಕರವಾದ ಒಂದು ಚಟ್ನಿ ಮಾಡಿ ಬಡಿಸಿ.