Hair Care: ಏನೇ ಮಾಡಿದ್ರೂ ತಲೆ ಹೊಟ್ಟು ಹೋಗ್ತಿಲ್ವಾ? ಈ ಟ್ರಿಕ್ಸ್ ಟ್ರೈ ಮಾಡಿ 7 ದಿನದಲ್ಲೇ ಮಾಯವಾಗುತ್ತೆ!

ಇಂದು ಎಲ್ಲಾ ಯುವಕರು ಎದುರಿಸುತ್ತಿರುವ ಕೆಲವು ಸಮಸ್ಯೆಗಳಲ್ಲಿ ತಲೆಹೊಟ್ಟು ಕೂಡ ಒಂದು. ತಲೆಹೊಟ್ಟು ನಿವಾರಣೆಗೆ ನಾವು ಪ್ರಯತ್ನಿಸದೇ ಇರುವ ಯಾವುದೇ ಚಿಕಿತ್ಸೆ ಇಲ್ಲ. ಆದರೆ ನಮಗೆ ಮಾತ್ರ ತಲೆಹೊಟ್ಟು ಸಮಸ್ಯೆಗೆ ಇನ್ನೂ ಪರಿಹಾರ ಸಿಕ್ಕಿಲ್ಲ. ನೀವು ತಲೆಹೊಟ್ಟು ತೊಡೆದುಹಾಕಲು ಬಯಸಿದರೆ, ಕೂದಲಿಗೆ ಪೌಷ್ಠಿಕಾಂಶದ ಈರುಳ್ಳಿ ರಸವನ್ನು ಹಚ್ಚಿ.

ನಾವು ಈರುಳ್ಳಿ ರಸವನ್ನು ನೇರವಾಗಿ ಕೂದಲಿಗೆ ಅಥವಾ ಇತರ ಕೂದಲ ರಕ್ಷಣೆಯ ಉತ್ಪನ್ನಗಳೊಂದಿಗೆ ಸಂಯೋಜಿಸಬಹುದು. ಆ ರೀತಿಯಲ್ಲಿ ತಲೆಗೆ ಬಳಸುವ ಶಾಂಪೂಗೆ ಈ ಈರುಳ್ಳಿ ರಸವನ್ನು ಸೇರಿಸುವುದರಿಂದ ಕೂದಲಿನ ಆರೈಕೆಗೆ ಉತ್ತಮ ಫಲಿತಾಂಶ ಸಿಗುತ್ತದೆ.

ತುರಿದ ಬೀಟ್ರೂಟ್ ತುಂಡುಗಳನ್ನು 1 ಟೇಬಲ್ ಸ್ಪೂನ್ ಈರುಳ್ಳಿ ರಸದೊಂದಿಗೆ ಮಿಕ್ಸಿಂಗ್ ಜಾರ್ನಲ್ಲಿ ಪೇಸ್ಟ್ ಮಾಡಿ ಮತ್ತು ಹೇರ್ ಮಾಸ್ಕ್ ಆಗಿ ಬಳಸಿ. 3-4 ಗಂಟೆಗಳ ಕಾಲ ಹಾಗೆ ಬಿಡಿ. ನಂತರ ತೊಳೆಯಿರಿ.

ಸಿಪ್ಪೆ ತೆಗೆದು ಈರುಳ್ಳಿ ತೆಗೆದುಕೊಳ್ಳಿ. ಇದನ್ನು ಮಿಕ್ಸರ್ ಜಾರ್ ಗೆ ಹಾಕಿ 5 ಚಮಚ ಅಕ್ಕಿ ತೊಳೆದ ನೀರನ್ನು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ. ಈಗ, ಬಿಳಿ ಬಟ್ಟೆ ಅಥವಾ ಜರಡಿ ತೆಗೆದುಕೊಳ್ಳಿ. ಇದಕ್ಕೆ ತುರಿದ ಈರುಳ್ಳಿ ಸೇರಿಸಿ ಸೋಸಿಕೊಳ್ಳಿ. ಸ್ನಾನಕ್ಕೆ ಹೋಗುವುದಕ್ಕೆ 30 ನಿಮಿಷಗಳ ಮುನ್ನ ನೀರನ್ನು ತಲೆಗೆ ಹಚ್ಚಿದರೆ ತಲೆಹೊಟ್ಟು ಗುಣವಾಗುತ್ತದೆ.

ಒಂದು ಚಮಚ ಈರುಳ್ಳಿ ರಸವನ್ನು ಒಂದು ಚಮಚ ನಿಂಬೆ ರಸದೊಂದಿಗೆ ಬೆರೆಸಿ ಕೂದಲಿಗೆ ಮಸಾಜ್ ಮಾಡಿ. ನಂತರ 20 ನಿಮಿಷಗಳ ತೊಳೆಯಿರಿ.

3 ಚಮಚ ಈರುಳ್ಳಿ ರಸಕ್ಕೆ 2 ಚಮಚ ತೆಂಗಿನೆಣ್ಣೆ ಮತ್ತು ಒಂದು ಚಮಚ ನಿಂಬೆ ರಸವನ್ನು ಬೆರೆಸಿ ಕೂದಲಿಗೆ ಮಸಾಜ್ ಮಾಡಿ. ಈ ಪ್ಯಾಕ್ ಅನ್ನು 20-30 ನಿಮಿಷಗಳ ಕಾಲ ನೆನೆಸಿ ನಂತರ ತಣ್ಣೀರಿನಿಂದ ತೊಳೆಯಿರಿ.

ಒಂದು ಚಮಚ ಈರುಳ್ಳಿ ರಸಕ್ಕೆ 3 ಚಮಚ ಅಲೋವೆರಾ ಜೆಲ್ ಸೇರಿಸಿ ತಲೆಗೆ ಹಚ್ಚಿ ಮಸಾಜ್ ಮಾಡಿ. ನಂತರ ಈ ಪ್ಯಾಕ್ ಅನ್ನು 15-20 ನಿಮಿಷಗಳ ಕಾಲ ಬಿಡಿ. ನಂತರ ಉತ್ತಮ ರಿಸಲ್ಟ್ ಪಡೆಯಿರಿ.