Beauty Tips: ಕಣ್ಣಿಗೆ ಕಾಡಿಗೆ ಹಚ್ಚಿ ಡಾರ್ಕ್ ಸರ್ಕಲ್ ಜಾಸ್ತಿ ಆಗಿದ್ರೆ, ಇಷ್ಟು ಮಾಡಿ ಸಾಕು!

ಮುಖದಲ್ಲಿ ಕಣ್ಣುಗಳು ಕಳಶ ಇದ್ದಂತೆ, ಅವುಗಳಿಂದಲೇ ಮುಖಕ್ಕೆ ಒಂದು ಮೆರಗು. ಮುಖಕ್ಕೆ ಮೇಕಪ್ ಮಾಡಿದಷ್ಟೇ, ಕಣ್ಣಿಗೂ ನಾನಾ ರೀತಿಯಲ್ಲಿ ಮೇಕಪ್ ಮಾಡುತ್ತಾರೆ ಹೆಂಗಳೆಯರು.

ಕೆಲವರಿಗೆ ಪ್ರತಿದಿನ ಕಣ್ಣಿಗೆ ಕಾಡಿಗೆ ಹಚ್ಚುವ ಅಭ್ಯಾಸವಿರುತ್ತದೆ. ಕಣ್ಣಿನ ಬಗ್ಗೆ ಕಾಳಜಿ ತೋರಿಲ್ಲವಾದರೆ ಮುಖದ ಅಂದ ಹಾಳಾಗೋದು ಗ್ಯಾರಂಟಿ. ಕಾಡಿಗೆ ಹಚ್ಚಿ ಕಣ್ಣಿನ ಸುತ್ತಲೂ ಕಪ್ಪಾಗಿದ್ರೆ ಸಿಂಪಲ್ ಟಿಪ್ಸ್ ಫಾಲೋ ಮಾಡಿ.

ಕಣ್ಣಿನ ಸುತ್ತಲಿನ ಕಪ್ಪು ಸುಕ್ಕುಗಳನ್ನು ಹೋಗಲಾಡಿಸಲು ಏನು ಮಾಡಬೇಕು ಎಂಬ ಅನುಮಾನ ಇರುವವರಿಗೆ ಡಾ.ಜುಶ್ಯಾ ಭಾಟಿಯಾ ಸರಿನ್ ಇನ್​ಸ್ಟಾಗ್ರಾಮ್​ನಲ್ಲಿ ಉತ್ತಮ ಮಾಹಿತಿ ನೀಡಿದ್ದಾರೆ. ಕಾಡಿಗೆ ಹಚ್ಚುವುದರಿಂದ ಡಾರ್ಕ್ ಸರ್ಕಲ್ ಉಂಟಾಗುತ್ತದೆ ಎಂದು ಹೇಳಲಾಗುತ್ತದೆ. ಆದರೆ ಅದು ಹೇಗೆ ಬರುತ್ತದೆ..? ಅವುಗಳನ್ನು ತಪ್ಪಿಸಲು ಏನು ಮಾಡಬೇಕೆಂದು ಜುಶ್ಯಾ ವಿಡಿಯೋ ಮೂಲಕ ಹೇಳಿದ್ದಾರೆ.

ಕಣ್ಣುಗಳ ಕೆಳಗೆ ಮತ್ತು ಕಣ್ಣುಗಳ ಸುತ್ತ ಸುಕ್ಕುಗಳು ಮತ್ತು ಕಪ್ಪು ವೃತ್ತಗಳನ್ನು ಹೋಗಲಾಡಿಸಲು ಏನು ಮಾಡಬೇಕು? ಪರಿಹಾರವೇನು? ಮೇಕಪ್ ಹಚ್ಚುವುದನ್ನು ತಪ್ಪಿಸಲು ಸಾಧ್ಯವಿಲ್ಲ. ಆದ್ದರಿಂದ, ಮಲಗುವ ಮುನ್ನ ಕಣ್ಣುಗಳನ್ನು ಸ್ವಚ್ಛಗೊಳಿಸುವುದು ಒಂದೇ ಪರಿಹಾರವಾಗಿದೆ.

ಅಂಡರ್ ಐ ಕ್ರೀಮ್ ಅನ್ನು ಡಾರ್ಕ್ ಲೈನ್ಸ್ ಹಾಗೂ ಸುಕ್ಕುಗಳನ್ನು ಹೋಗಲಾಡಿಸಲು ಬಳಸಬಹುದು. ಆದರೆ ಇದು ಸುಕ್ಕುಗಳು ಮತ್ತು ಗೆರೆಗಳನ್ನು ಸಂಪೂರ್ಣವಾಗಿ ತೆಗೆದುಹಾಕುವುದಿಲ್ಲ.

ಕಣ್ಣಿನ ಕಾಡಿಗೆಯನ್ನು ತೆಗೆದುಹಾಕಲು ಸುಲಭವಾದ ಮಾರ್ಗ ಇಲ್ಲಿದೆ. ತೆಂಗಿನ ಎಣ್ಣೆಯನ್ನು ಬಳಸಿ ಕಾಡಿಗೆಯನ್ನು ತೆಗೆಯಬಹುದು. ಸ್ವಲ್ಪ ಕೊಬ್ಬರಿ ಎಣ್ಣೆಯನ್ನು ತೆಗೆದುಕೊಂಡು ಅದನ್ನು ಮುಖಕ್ಕೆ ಹಚ್ಚಿ. ಎಲ್ಲಾ ಮೇಕಪ್​ ಹೋಗುವವರೆಗೆ ಮುಖವನ್ನು ಮಸಾಜ್ ಮಾಡಿ. ಬಳಿಕ ಮುಖ ಒರೆಸಿದರೆ ಸಾಕು.

ಸ್ಕ್ರಬ್ ಮಾಡಿದ ನಂತರ ಮುಖವನ್ನು ಕ್ಲೆನ್ಸರ್​​ನಿಂದ ಚೆನ್ನಾಗಿ ತೊಳೆಯಿರಿ. ಮಲಗುವ ಮುನ್ನ ಮುಖಕ್ಕೆ ಒಳ್ಳೆಯ ಬ್ರ್ಯಾಂಡ್​​ನ ನೈಟ್ ಕ್ರೀಮ್ ಹಚ್ಚಿದರೆ ಕಪ್ಪು ರೇಖೆಗಳು ಮತ್ತು ಸುಕ್ಕುಗಳನ್ನು ತಡೆಯುತ್ತದೆ.