Cosmetics: ಮೇಕಪ್ ವಸ್ತುಗಳನ್ನ ಕೊಳ್ಳುವ ಮೊದಲು ಲೇಬಲ್ ಮೇಲೆ ಇವೆಲ್ಲಾ ಇದ್ಯಾ ನೋಡಿ, ಇಲ್ಲದಿದ್ರೆ ಮೋಸ ಹೋಗ್ತೀರಾ!

ಕಡಿಮೆ ಬೆಲೆಗೆ ಸಿಗುತ್ತಿದೆ ಎನ್ನುವ ಕಾರಣಕ್ಕೆ ಮೇಕಪ್ ವಸ್ತುಗಳನ್ನು ಬಳಸುವುದು ಸರಿಯಲ್ಲ. ಹಾಗಂತ ದುಬಾರಿ ವಸ್ತುಗಳನ್ನು ಕೊಂಡರೆ ಎಲ್ಲವೂ ಉತ್ತಮವಾಗಿದೆ ಎಂದರ್ಥವಲ್ಲ. ಯಾವುದೇ ಕಾಸ್ಮೆಟಿಕ್ಸ್ ಕೊಂಡರೂ ಅದರಲ್ಲಿ ಕೆಲವೊಂದಷ್ಟು ಮಾಲಿಕ್ಯೂಲ್ಸ್ ಇದೆಯಾ ಎಂದು ಗಮನಿಸಬೇಕು. ಪ್ರತೀ ಪ್ಯಾಕೇಜಿಂಗ್ ಹಿಂದೆಯೂ ಇರುವ ಮಾಹಿತಿಯನ್ನು ತಪ್ಪದೇ ಓದಬೇಕು.

ಹಾಗಿದ್ದರೆ ನಾವು ಕೊಳ್ಳುವ ಮೇಕಪ್ ಸಾಮಗ್ರಗಳಲ್ಲಿ ಯಾವೆಲ್ಲಾ ವಸ್ತುಗಳು ಇರಲೇಬೇಕು ಎಂದು ತಿಳಿಯೋಣ. ಮೊದಲಿಗೆ Antioxidants. ಇವು ಚರ್ಮ ಸುಕ್ಕುಗಟ್ಟುವುದನ್ನು ತಡೆಯುತ್ತವೆ. ಹಾಗಾಗಿ ಇವುಗಳು ಇರುವುದು ಬಹಳ ಮುಖ್ಯ.

Paraffin Free: ಪ್ಯಾರಾಫಿನ್ ಇರುವ ಮೇಕಪ್ ಸಾಮಗ್ರಿಗಳನ್ನು ಬಳಸಬೇಡಿ. ಪ್ಯಾರಾಫೀನ್ ಇದ್ದರೆ ಅದು ಹೊಸಾ ಚರ್ಮ ಬೆಳೆಯುವುದನ್ನು ತಡೆಯುತ್ತದೆ. ಅಂದ್ರೆ ಕೊಲ್ಯಾಜನ್ ಉತ್ಪತ್ತಿಯನ್ನು ಕುಂಠಿತಗೊಳಿಸುತ್ತದೆ, ಇದು ಬಹಳ ಅಪಾಯಕಾರಿ. ಹಾಗಾಗಿ ನೀವು ಕೊಳ್ಳುವ ವಸ್ತುವಿನಲ್ಲಿ ಪ್ಯಾರಫಿನ್ ಇಲ್ಲ ಎನ್ನುವುದನ್ನು ದೃಢಪಡಿಸಿಕೊಳ್ಳಿ.

Sulphate Free: ಸಲ್ಫೇಟ್ ನಮ್ಮ ಚರ್ಮದ ಮೇಲೆ ನೈಸರ್ಗಿಕವಾಗಿ ಉತ್ಪತ್ತಿಯಾಗುವ ಜಿಡ್ಡಿನ ಅಂಶವನ್ನು ಸಂಪೂರ್ಣವಾಗಿ ಕರಗಿಸಿಬಿಡುತ್ತದೆ. ಆಗ ಚರ್ಮ ಬಹಳ ಡ್ರೈ ಆಗಿ ತುರಿಕೆ ಶುರುವಾಗುತ್ತದೆ. ಹಾಗಾಗಿ ಚರ್ಮ ಮತ್ತು ಕೂದಲು ಎರಡಕ್ಕೂ ಸಲ್ಫೇಟ್ ಇರುವ ವಸ್ತುಗಳನ್ನು ಬಳಸಬಾರದು.

ನೀವು ಕೊಳ್ಳುವ ಪ್ರಾಡಕ್ಟ್​ಗಳಲ್ಲಿ Retinal ಇದ್ದರೆ ಒಳ್ಳೆಯದು. ಇದು ನಿಮ್ಮ ಚರ್ಮದ ಮೇಲಿನ ಸುಕ್ಕುಗಳನ್ನು ಹೋಗಲಾಡಿಸುತ್ತದೆ. ಮೇಕಪ್ ಧರಿಸಿದರೂ ಚರ್ಮ ಹಾಳಾಗದಂತೆ ನೋಡಿಕೊಳ್ಳಲು ಈ ರಾಸಾಯನಿಕ ಬಹಳ ಮುಖ್ಯ.

ನೀವು ಕೊಳ್ಳುವ ಮೇಕಪ್ ವಸ್ತುವಿನಲ್ಲಿ Hyaluronic Acid ಇದೆಯಾ ಎಂದು ನೋಡಿ. ಇದು ಚರ್ಮದ ತೇವಾಂಶವನ್ನು ಕಾಪಾಡುತ್ತದೆ. ಈ ರಾಸಾಯನಿಕ ಇದ್ದರೆ ಆಗ ಮೇಕಪ್ ಮಾಡಿದ್ದರಿಂದ ಕೆಲವರಿಗೆ ಉಂಟಾಗುವ ಮೊಡವೆ ಸಮಸ್ಯೆಯಿಂದ ಪಾರಾಗಬಹುದು