Fashion Tips: ನೈಲ್​ ಪಾಲಿಶ್​ ಹಚ್ಚಿದ ತಕ್ಷಣ ಒಣಗಬೇಕಾ? ಹಾಗಾದ್ರೆ ಈ ಟಿಪ್ಸ್​ ಫಾಲೋ ಮಾಡಿ!

ಬಣ್ಣ ಬಣ್ಣದ ನೈಲ್ ಪಾಲಿಶ್ ಖರೀದಿಸಿ ಆಸೆಯಿಂದ ಹಚ್ಚಿಕೊಂಡರೂ ನೈಲ್ ಪಾಲಿಶ್ ಸರಿಯಾಗಿ ಒಣಗದೇ ಹಾಳಾಗಿ ಹೋದರೆ ಮನಸ್ಸಿಗೆ ತುಂಬಾ ಬೇಸರವಾಗುತ್ತದೆ. ನಿಮಗೂ ಈ ಅನುಭವ ಆಗಿದ್ಯಾ? ನೈಲ್ ಪಾಲಿಶ್ ಬಳಸುವವರು ಒಮ್ಮೆಯಾದರೂ ಈ ಸಮಸ್ಯೆಯನ್ನು ಎದುರಿಸಿರುತ್ತಾರೆ. ಆದರೆ, ಈ ಬಗ್ಗೆ ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲ.

ನೈಲ್ ಪಾಲಿಶ್ ಅನ್ನು ಹಚ್ಚಿಕೊಳ್ಳಲು ಕೆಲವು ಟಿಪ್ಸ್​ಗಳಿವೆ. ಇದನ್ನು ಫಾಲೋ ಮಾಡುವ ಮೂಲಕ ನೀವು ಇಷ್ಟಪಟ್ಟಂತೆ ಸುಂದರವಾದ ಉಗುರು ಬಣ್ಣದಿಂದ ನಿಮ್ಮ ಕೈಗಳನ್ನು ತ್ವರಿತವಾಗಿ ಅಲಂಕರಿಸಬಹುದು. ಆ ರೀತಿಯಲ್ಲಿ ನೈಲ್ ಪಾಲಿಶ್ ಅನ್ನು ಬೇಗ ಒಣಗಿಸಲು ಯಾವ ಟ್ರಿಕ್ಗಳನ್ನು ಬಳಸಬಹುದು ಎಂಬುದನ್ನು ಈಗ ತಿಳಿದುಕೊಳ್ಳೋಣ ಬನ್ನಿ.

ತಣ್ಣೀರು ಬಳಸಿ: ಉಗುರು ಬಣ್ಣವನ್ನು ತ್ವರಿತವಾಗಿ ಒಣಗಿಸಲು ತಣ್ಣೀರು ಬಳಸಿ. ನೈಲ್ ಪಾಲಿಶ್ ಅನ್ನು ಹಚ್ಚಿದ ನಂತರ ನಿಮ್ಮ ಉಗುರನ್ನು ತಣ್ಣನೆಯ ನೀರಿನಲ್ಲಿ ಅದ್ದುವುದಾಗಿರುತ್ತದೆ. ನಾಲ್ಕೈದು ನಿಮಿಷಗಳ ಕಾಲ ನಿಮ್ಮ ಕೈಗಳನ್ನು ತಣ್ಣೀರಿನಲ್ಲಿ ಇರಿಸಿ. ಹೀಗೆ ಮಾಡುವುದರಿಂದ ನೈಲ್ ಪಾಲಿಶ್ ಬೇಗ ಒಣಗಲು ಸಹಾಯ ಮಾಡುತ್ತದೆ.

ಡ್ರೈಯರ್ ಅನ್ನು ಬಳಸಬಹುದು: ಅನೇಕ ಮಹಿಳೆಯರು ಪಾರ್ಟಿಗೆ ಹೋಗುವ ಮುನ್ನ ನೈಲ್ ಪಾಲಿಶ್ ಅನ್ನು ಹಚ್ಚಿಕೊಳ್ಳುವ ಅಭ್ಯಾಸವನ್ನು ಹೊಂದಿರುತ್ತಾರೆ. ಅವಸರದಲ್ಲಿ ಹೊರಗೆ ಹೋಗುವಾಗ ನೈಲ್ ಪಾಲಿಶ್ ಹಚ್ಚಿಕೊಳ್ಳುವುದರಿಂದ ಅದನ್ನು ಒಣಗಿಸಲು ಸಮಯವಿರುವುದಿಲ್ಲ. ಅಂತಹ ಸಮಯದಲ್ಲಿ, ಬ್ಲೋ ಡ್ರೈಯರ್ನಿಂದ ಉಗುರು ಬಣ್ಣವು ಬೇಗನೆ ಒಣಗಿಸಬಹುದು. ಇದು ನೈಲ್ ಪಾಲಿಶ್ ಬೇಗ ಒಣಗಲು ಸಹಾಯ ಮಾಡುತ್ತದೆ.

ಟಾಪ್ ಕೋಟ್ ಪೇಂಟ್ ಖರೀದಿಸಿ: ಅನೇಕ ಮಹಿಳೆಯರು ನೈಲ್ ಪಾಲಿಶ್ ಹಚ್ಚಿದ ನಂತರ ಟಾಪ್ ಕೋಟ್ ಹಾಕುವುದನ್ನು ಮಿಸ್ ಮಾಡುತ್ತಾರೆ. ಆದರೆ ಟಾಪ್ ಕೋಟ್ ಮಾಡುವುದು ಬಹಳ ಮುಖ್ಯ. ಇದನ್ನು ಬಳಸಿದಾಗ ನೈಲ್ ಪಾಲಿಶ್ ಬೇಗ ಒಣಗುತ್ತದೆ. ಅಲ್ಲದೇ, ಉಗುರು ಬಣ್ಣವು ಹೆಚ್ಚು ಹೊಳೆಯುತ್ತದೆ.

ನೀವು ಯಾವ ರೀತಿಯ ನೈಲ್ ಪಾಲಿಶ್ ಅನ್ನು ಬಳಸುತ್ತಿರುವಿರಿ ಎಂಬುದನ್ನು ಪರಿಗಣಿಸಿ: ಬ್ರ್ಯಾಂಡೆಡ್ ನೈಲ್ ಪಾಲಿಶ್ಗಳು ಅಂಗಡಿಯಲ್ಲಿ ಖರೀದಿಸಿದ ನೈಲ್ ಪಾಲಿಶ್ಗಳಿಗಿಂತ ಬೇಗ ಒಣಗುತ್ತವೆ. ಹಾಗಾಗಿ ಇಂತಹ ನೈಲ್ ಪಾಲಿಶ್ಗಳನ್ನು ಖರೀದಿಸಿ ಬಳಸುವುದು ಒಳ್ಳೆಯದು. ಹಾಗಾಗಿ ನೈಲ್ ಪಾಲಿಶ್ ಖರೀದಿಸುವಾಗ ಇದನ್ನು ಬಳಸುವುದು ಉತ್ತಮ.

ಡಬಲ್ ಕೋಟ್ನ ಕೆಲವು ಟಿಪ್ಸ್: ನೈಲ್ ಪಾಲಿಶ್ ಹಚ್ಚಿದ ತಕ್ಷಣ ಡಬಲ್ ಕೋಟ್ ಮಾಡುವುದು ಒಳ್ಳೆಯದಲ್ಲ. ಇದು ಉಗುರು ಬಣ್ಣವನ್ನು ಒಣಗಿಸುವ ಸಮಯವನ್ನು ವಿಳಂಬಗೊಳಿಸುತ್ತದೆ. ಹಾಗಾಗಿ ಮೊದಲ ಲೇಪನವನ್ನು ಹಾಕಿ, ಅದು ಒಣಗಿದ ನಂತರವಷ್ಟೇ ಎರಡನೇ ಕೋಟ್ ಅನ್ನು ಹಾಕುವುದು ಜಾಣತನ.

ಲೈಟ್ ಕಲರ್ ಆಯ್ಕೆ ಮಾಡಿ : ನಿಮ್ಮ ನೈಲ್ ಪಾಲಿಶ್ ಬೇಗ ಒಣಗಬೇಕೆಂದು ನೀವು ಅಂದುಕೊಂಡರೆ, ನೀವು ಖಂಡಿತವಾಗಿಯೂ ತಿಳಿ ಬಣ್ಣದ ನೈಲ್ ಪಾಲಿಶ್ಗಳನ್ನು ಖರೀದಿಸಬೇಕು. ಏಕೆಂದರೆ ಡಾರ್ಕ್ ಕಲರ್ ನೈಲ್ ಪಾಲಿಶ್ ಒಣಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಆದ್ದರಿಂದ ನ್ಯೂಡ್, ಕ್ಲಾಸಿ ಮತ್ತು ಮೆಟಾಲಿಕ್ ನೈಲ್ ಪಾಲಿಶ್ ಗಳನ್ನು ಆಯ್ಕೆ ಮಾಡಿ ಮತ್ತುಹಚ್ಚಿ.

ನೈಲ್ ಪಾಲಿಶ್ಗಳ ತೆಳುವಾದ ಪದರಗಳನ್ನು ಅನ್ವಯಿಸಿ. ನೀವು ತೆಳುವಾದ ಪದರಗಳನ್ನು ಅನ್ವಯಿಸಿದಾಗ ಉಗುರು ಬಣ್ಣವು ಬೇಗನೆ ಒಣಗುತ್ತದೆ. ಆದ್ದರಿಂದ ಯಾವಾಗಲೂ ದಪ್ಪ ಪದರಗಳನ್ನು ಅನ್ವಯಿಸುವುದನ್ನು ತಪ್ಪಿಸಿ.

ಈ ಪೋಸ್ಟ್ನಲ್ಲಿ ನೈಲ್ ಪಾಲಿಶ್ ವೇಗವಾಗಿ ಒಣಗಲು ಸಹಾಯವಾಗುವಂತಹ 7 ಟಿಪ್ಸ್ಗಳನ್ನು ನೀಡಲಾಗಿದೆ. ಇದು ಖಂಡಿತವಾಗಿಯೂ ನಿಮಗೆ ಸಹಾಯ ಮಾಡುತ್ತದೆ ಎಂದು ನಾವು ಭಾವಿಸುತ್ತೇವೆ. (Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)