Hair Care: ನಿಮ್ಮ ಕೂದಲಿಗೆ ಎಣ್ಣೆ ಹಚ್ಚಿಕೊಳ್ಳುವ ಮುನ್ನ ನೆನಪಿನಲ್ಲಿರಲಿ ಈ ವಿಚಾರಗಳು!

ಸೂರ್ಯನ ಶಾಖ, ಗಾಳಿ, ಧೂಳು ಮತ್ತು ಮಾಲಿನ್ಯದಿಂದ ಉಂಟಾಗುವ ಒಣ ಕೂದಲನ್ನು ಹೈಡ್ರೇಟ್ ಮಾಡುವ ಟಾನಿಕ್ ಅಂದರೆ ಎಣ್ಣೆ. ಹಾಗಾಗಿಯೇ ನಮ್ಮ ಪೂರ್ವಜರು ವಾರಕ್ಕೊಮ್ಮೆಯಾದರೂ ತೆಂಗಿನೆಣ್ಣೆಯನ್ನು ತಲೆಗೆ ಹಚ್ಚಿಕೊಂಡು ಸ್ನಾನ ಮಾಡಬೇಕು ಎಂದು ಒತ್ತಾಯಿಸುತ್ತಿದ್ದರು.

ಎಣ್ಣೆಯನ್ನು ಹಚ್ಚುವುದರಿಂದ ಕೂದಲನ್ನು ತಾಜಾ ಮತ್ತು ಒಣಗಿಸುವುದು (Dry Hair) ಮಾತ್ರವಲ್ಲದೇ, ತೈಲಗಳು ವಿವಿಧ ಪೋಷಕಾಂಶಗಳನ್ನುಒದಗಿಸುತ್ತದೆ. ಅವುಗಳನ್ನು ನಿಮ್ಮ ಕೂದಲಿಗೆ ಅನ್ವಯಿಸುವುದರಿಂದ ಆರೋಗ್ಯಕರ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ. ಅಲ್ಲದೇ ಎಣ್ಣೆಯನ್ನು ಹಚ್ಚುವುದರಿಂದ ತಲೆಬುರುಡೆಯಲ್ಲಿರುವ ನಿರ್ಜೀವ ಕೋಶಗಳನ್ನು ತೆಗೆದುಹಾಕುತ್ತದೆ. ನೆತ್ತಿಯನ್ನು ಸ್ವಚ್ಛವಾಗಿಡುತ್ತದೆ ಮತ್ತು ಕೂದಲು ಉದುರುವುದನ್ನು ತಡೆಯುತ್ತದೆ.

ಆದರೆ ಕೂದಲಿಗೆ ಎಣ್ಣೆ ಹಚ್ಚಿದರೆ ಸಾಕಾಗುವುದಿಲ್ಲ, ಅದನ್ನು ಹಚ್ಚುವ ವಿಧಾನವೂ ವ್ಯತ್ಯಾಸವನ್ನುಂಟು ಮಾಡುತ್ತದೆ. ಸರಿಯಾಗಿ ಎಣ್ಣೆಯನ್ನು ಹಚ್ಚದಿದ್ದರೆ ಅಥವಾ ಕಡಿಮೆ ಎಣ್ಣೆ ಹಚ್ಚಿದರೆ, ಅದು ನಿಮ್ಮ ಕೂದಲು ಮತ್ತು ನೆತ್ತಿಯ ಮೇಲೆ ಹಾನಿಯನ್ನುಂಟುಮಾಡುತ್ತದೆ. ಎಣ್ಣೆಯುಕ್ತ ಕೂದಲು ಕೂದಲನ್ನು ಮೃದುವಾಗಿ ಮತ್ತು ನೈಸರ್ಗಿಕವಾಗಿ ಹೊಳೆಯುವಂತೆ ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಅದೇ ರೀತಿ ಹೆಚ್ಚು ಎಣ್ಣೆಯು ಕೂದಲ ಕಿರುಚೀಲಗಳಲ್ಲಿ ಫೋಲಿಕ್ಯುಲೈಟಿಸ್ಗೆ ಕಾರಣವಾಗಬಹುದು ಎಂದು ಸಹ ಎಚ್ಚರಿಕೆ ನೀಡಲಾಗಿದೆ. ಜೊತೆಗೆ ಕೂದಲಿಗೆ ಹೆಚ್ಚು ಹೊತ್ತು ಎಣ್ಣೆ ಹಚ್ಚಿ ಮಸಾಜ್ ಮಾಡುವುದರಿಂದ ಕೂದಲು ಉದುರುವುದು ಹೆಚ್ಚಾಗುತ್ತದೆ.

ಹಾಗಾಗಿ, ಎಣ್ಣೆ ಮಸಾಜ್ನೊಂದಿಗೆ ನಿಮ್ಮ ಕೂದಲನ್ನು ಸರಿಯಾಗಿ ಪೋಷಿಸುವುದು ಹೇಗೆ ಎಂದು ತಿಳಿದುಕೊಳ್ಳಬೇಕು. ಕೂದಲಿಗೆ ಎಣ್ಣೆಯನ್ನು ಅನ್ವಯಿಸುವ ಮುನ್ನ ನೀವು ತಿಳಿದುಕೊಳ್ಳಬೇಕಾದ ಕೆಲವು ಸಲಹೆಗಳು ಈ ಕೆಳಗಿನಂತಿದೆ ನೋಡಿ.

ನಿಮ್ಮ ಕೂದಲನ್ನು ತೊಳೆಯುವ 2-3 ಗಂಟೆಗಳಿಗೂ ಮುನ್ನ ಎಣ್ಣೆಯನ್ನು ಹಚ್ಚಿ. ಅಲ್ಲದೇ ಕೂದಲು ತುಂಬಾ ಕೊಳೆಯಾಗಿದ್ದರೆ, ರಾತ್ರಿ ಎಣ್ಣೆ ಹಚ್ಚಿ ಬೆಳಗ್ಗೆ ಶಾಂಪೂವಿನಿಂದ ತೊಳೆಯಿರಿ.

ನಿಮ್ಮ ಕೂದಲಿಗೆ ಸಂಪೂರ್ಣ ಪ್ರಯೋಜನವನ್ನು ಪಡೆಯಲು, ಎಣ್ಣೆಯನ್ನು ನೆತ್ತಿಗೆ ಅನ್ವಯಿಸುವ ಮುನ್ನ ಬೆಚ್ಚಗಿನ ತಾಪಮಾನಕ್ಕೆ ಬಿಸಿ ಮಾಡಿ. ಮೈಕ್ರೊವೇವ್ ಬಳಸಿ ಎಣ್ಣೆಯನ್ನು ಬಿಸಿ ಮಾಡಿ ಅಥವಾ ಬಿಸಿ ನೀರಿನಲ್ಲಿ ಕೆಲವು ನಿಮಿಷಗಳ ಕಾಲ ಎಣ್ಣೆಯನ್ನು ಬಿಸಿ ಮಾಡಿ.

ಮಸಾಜ್ ಮಾಡುವಾಗ, ಅತಿಯಾದ ಒತ್ತಡವನ್ನು ಬಳಸಬೇಡಿ. ಏಕೆಂದರೆ ಇದು ಕೂದಲಿನ ಬೇರುಗಳಿಗೆ ಹಾನಿ ಮಾಡುತ್ತದೆ. ಇದು ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ. ಎರಡು ಅಥವಾ ಹೆಚ್ಚಿನ ಎಣ್ಣೆಯನ್ನು ಬೆರೆಸಿ ಕೂದಲಿಗೆ ಹಚ್ಚುವುದರಿಂದ ಹೆಚ್ಚಿನ ಪ್ರಯೋಜನವಿದೆ. ನೆತ್ತಿಗೆ ಮಸಾಜ್ ಮಾಡುವ ಮುನ್ನ, ನೀವು ತೆಂಗಿನ ಎಣ್ಣೆಯನ್ನು ಅರ್ಗಾನ್ ಎಣ್ಣೆಯೊಂದಿಗೆ ಬೆರೆಸಬಹುದು ಅಥವಾ ಸಾಸಿವೆ ಎಣ್ಣೆಗೆ ಕೆಲವು ಡ್ರಾಪ್ಸ್​ ಆಲಿವ್ ಎಣ್ಣೆಯನ್ನು ಬೆರೆಸಬಹುದು.

ಹಾನಿಯಾಗದಂತೆ ಕೂದಲನ್ನು ಬಿಗಿಯಾಗಿ ಕಟ್ಟಬೇಡಿ. ಕೂದಲಿನ ಬೇರುಗಳ ಮೇಲೆ ಅತಿಯಾದ ಒತ್ತಡವು ಅವುಗಳನ್ನು ದುರ್ಬಲಗೊಳಿಸುತ್ತದೆ. (Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)