Herbal Bath Powder: ಕೆಮಿಕಲ್ ಇರೋ ಸೋಪ್ ಬಳಸ್ತಿದ್ದೀರಾ? ಅದರ ಬದಲು ಈ ಹರ್ಬಲ್ ಬಾತ್ ಪೌಡರ್ ಟ್ರೈ ಮಾಡಿ

ಚರ್ಮದ ಆರೈಕೆಗೆ ಎಲ್ಲರೂ ಕಾಳಜಿವಹಿಸುತ್ತಾರೆ. ತಾವು ಸುಂದರವಾಗಿ ಮತ್ತು ಸ್ವಚ್ಛವಾಗಿ, ಶುಚಿಯಾಗಿ ಇರಬೇಕೆಂದು ಬಯಸುತ್ತಾರೆ. ಆದರೆ ಕೆಲವರು ಮುಖದ ಆರೈಕೆಗೆ ನೀಡುವ ಪ್ರಾಮುಖ್ಯತೆಯನ್ನು ಕೈಗಳು, ಪಾದಗಳು ಮತ್ತು ದೇಹದ ಚರ್ಮಕ್ಕೆ ನೀಡಲ್ಲ. ಆದರೆ ಸಂಪೂರ್ಣ ದೇಹದ ಚರ್ಮದ ಆರೈಕೆ ಮಾಡುವುದು ತುಂಬಾ ಮುಖ್ಯ.

ಬೇಸಿಗೆಯಲ್ಲಿ ಇಡೀ ದೇಹದ ಚರ್ಮಕ್ಕೆ ವಿಶೇಷ ಕಾಳಜಿ ಮಾಡುವ ಅಗತ್ಯವಿದೆ. ಜನರು ಚರ್ಮದ ಮೇಲೆ ರಾಸಾಯನಿಕ ಸೋಪ್ ಬಳಸುತ್ತಾರೆ. ರಾಸಾಯನಿಕ ಸೋಪ್ ನಲ್ಲಿರುವ ಸುಗಂಧ ದ್ರವ್ಯಗಳು, ಪ್ಯಾರಾಬೆನ್‌ಗಳು, ಟ್ರೈಕ್ಲೋಸನ್ ಚರ್ಮಕ್ಕೆ ಹಾನಿಕರ. ಇದರ ಬದಲು ಹರ್ಬಲ್ ಬಾತ್ ಪೌಡರ್ ಬಳಕೆ ಮಾಡಬಹುದು.

ಕೆಲವೊಮ್ಮೆ ಕೆಲವರ ಚರ್ಮಕ್ಕೆ ಗಿಡಮೂಲಿಕೆಗಳ ಸಾಬೂನುಗಳು ಸಹ ಹಾನಿ ಮಾಡುತ್ತವೆ. ಹಾಗಾಗಿ ಮೊದಲು ಪರೀಕ್ಷಿಸಿ ನಂತರ ಬಳಸುವುದು ಉತ್ತಮ.

ಹರ್ಬಲ್ ಬಾತ್ ಪೌಡರ್, ಬೇಸಿಗೆಯಲ್ಲಿ ಶಾಖದ ದದ್ದು ಮತ್ತು ಸೋಂಕಿನ ಅಪಾಯ ಕಡಿಮೆ ಮಾಡುತ್ತದೆ. ಸೂಕ್ಷ್ಮಜೀವಿಗಳ ಬೆಳವಣಿಗೆ ತಡೆಯುತ್ತದೆ. ಹರ್ಬಲ್ ಬಾತ್ ಪೌಡರ್ ನಲ್ಲಿ ಬಳಸಲಾಗುವ ನೈಸರ್ಗಿಕ ಪದಾರ್ಥಗಳಾದ ಶ್ರೀಗಂಧ ಚರ್ಮವನ್ನು ತಂಪಾಗಿಸುತ್ತದೆ.

ಬೇವು, ಅರಿಶಿನ ಮತ್ತು ತುಳಸಿಯು ಬ್ಯಾಕ್ಟೀರಿಯಾ ವಿರೋಧಿ ಗುಣ ಹೊಂದಿವೆ. ಗುಲಾಬಿ ಸಹ ಚರ್ಮಕ್ಕೆ ತಂಪು. ಹರ್ಬಲ್ ಬಾತ್ ಪೌಡರ್ ಬೇಸಿಗೆಯಲ್ಲಿ ತ್ವಚೆಗೆ ಸಾಕಷ್ಟು ತಂಪು ನೀಡುತ್ತದೆ.

ಹರ್ಬಲ್ ಬಾತ್ ಪೌಡರ್ ತಯಾರಿಸಲು ಶ್ರೀಗಂಧದ ಪುಡಿ, ತುಳಸಿ ಪುಡಿ, ಬೇವಿನ ಪುಡಿ, ಲೈಕೋರೈಸ್ ಪುಡಿ, ಅರಿಶಿನ ಪುಡಿ, ಗುಲಾಬಿ ದಳದ ಪುಡಿ, ಗುಲಾಬಿ ನೀರು ಬೇಕು. ಮೊದಲು ಎಲ್ಲಾ ಪದಾರ್ಥಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಒಂದು ಡಬ್ಬಿಗೆ ಹಾಕಿ ತೆಗೆದಿರಿಸಿ. ಸ್ನಾನ ಮಾಡುವ ಮೊದಲು ಹರ್ಬಲ್ ಬಾತ್ ಪೌಡರ್, ಚಮಚ ರೋಸ್ ವಾಟರ್‌ ನೊಂದಿಗೆ ಬೆರೆಸಿ ನಯವಾದ ಪೇಸ್ಟ್ ಮಾಡಿ.

ದೇಹಕ್ಕೆ ಹಚ್ಚರಿ, ಚೆನ್ನಾಗಿ ಮಸಾಜ್ ಮಾಡಿ, ನೀರಿನಿಂದ ಸ್ವಚ್ಛಗೊಳಿಸಿ. ಹರ್ಬಲ್ ಬಾತ್ ಪೌಡರ್ ನಿಯಮಿತವಾಗಿ ಬಳಸಿ. ಇದು ತ್ವಚೆಯ ಆರೈಕೆಗೆ ಸಹಾಯ ಮಾಡುತ್ತದೆ. ತುರಿಕೆ, ಅಲರ್ಜಿ, ಸುಕ್ಕು, ಟ್ಯಾನ್ ಸಮಸ್ಯೆ ತಡೆಯುತ್ತದೆ. ಚರ್ಮವನ್ನು ಪೋಷಿಸುತ್ತದೆ.

ಹರ್ಬಲ್ ಬಾತ್ ಪೌಡರ್, ದೇಹವನ್ನು ಒಳಗಿನಿಂದ ತಂಪಾಗಿರಿಸಲು ಸಹಕಾರಿ. ಚರ್ಮದ ಸಮಸ್ಯೆ ಹೋಗಲಾಡಿಸುತ್ತದೆ. ದೇಹದಿಂದ ಹೆಚ್ಚುವರಿ ಎಣ್ಣೆಯನ್ನು ತೆಗೆದು ಹಾಕುತ್ತದೆ. ಇದು ದೇಹದ ಮೊಡವೆಗಳ ಸಮಸ್ಯೆ ತೆಗೆದು ಹಾಕಲು ಪರಿಣಾಮಕಾರಿ ಆಯ್ಕೆ ಆಗಿದೆ. ದೀರ್ಘಕಾಲ ತ್ವಚೆಯ ತಾಜಾತನ ಕಾಪಾಡುತ್ತದೆ.