Baldness Alert : ನಿಮ್ಮ ತಲೆ ಬೋಳು ಆಗ್ತಿದ್ಯಾ? ಇಂದಿನಿಂದಲೇ ಈ ಪಾನೀಯಗಳನ್ನು ಕುಡಿಯುವುದನ್ನು ನಿಲ್ಲಿಸಿ

ಚಳಿ-ಬೇಸಿಗೆ-ಮುಂಗಾರು ಇರಲಿ ಇಂದಿನ ಪೀಳಿಗೆಯ ಯುವಕರು ಸೋಡಾ, ತಂಪು ಪಾನೀಯಗಳನ್ನು ಸೇವಿಸುವುದನ್ನು ಟ್ರೆಂಡ್ ಮಾಡಿಕೊಂಡು ಬಿಟ್ಟಿದ್ದಾರೆ. ಎಲ್ಲಾ ವಯಸ್ಸಿನ ಜನರು ಇತ್ತೀಚಿನ ದಿನಗಳಲ್ಲಿ ಈ ಪಾನೀಯಗಳನ್ನು ಅಪಾರವಾಗಿ ಕುಡಿಯುತ್ತಾರೆ. ಈ ಪಾನೀಯಗಳನ್ನು ಕುಡಿಯುವುದರ ಬಗ್ಗೆ ಎಚ್ಚರಿಕೆಗಳಿರಲಿ ಎಂದು ದಿನದಿಂದ ದಿನಕ್ಕೆ ವೈದ್ಯರು ಹೆಚ್ಚಾಗಿ ಜನರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ.

ಹೆಚ್ಚು ಸಕ್ಕರೆ ಪಾನೀಯಗಳನ್ನು ಕುಡಿಯುವುದರಿಂದ ಮಧುಮೇಹ ಮತ್ತು ಸ್ಥೂಲಕಾಯತೆಯ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಎಲ್ಲರಿಗೂ ತಿಳಿದಿದೆ, ಆದರೆ ಹೊಸ ಅಧ್ಯಯನವೊಂದರಲ್ಲಿ ಶಾಕಿಂಗ್ ವಿಚಾರವೊಂದು ಹೊರಬಿದ್ದಿದೆ.

ಇಂತಹ ಪಾನೀಯಗಳ ಸೇವನೆಯು ಪುರುಷರಿಗೆ ದೊಡ್ಡ ಆಜೀವ ಸಮಸ್ಯೆಗೆ ಕಾರಣವಾಗಬಹುದು, ಇದಕ್ಕೆ ಸರಿಯಾದ ಚಿಕಿತ್ಸೆ ಇಲ್ಲ ಎಂದು ಹೇಳಲಾಗುತ್ತದೆ. ಇನ್ನೂ ಹೊಸ ಸಂಶೋಧನೆಯು ಏನನ್ನು ಹೇಳುತ್ತದೆ ಎಂಬುದನ್ನು ತಿಳೀದು ನೀವು ಕೂಡ ಶಾಕ್ ಆಗುತ್ತೀರಾ.

ಪ್ರತಿದಿನ ಸೋಡಾ ಕುಡಿಯುವುದರಿಂದ ಪುರುಷರ ತಲೆ ಕೂದಲು ಉದುರಿ ಬೋಳಾಗುತ್ತದೆ ಎಂದು ಚೀನಾದ ವಿಜ್ಞಾನಿಗಳು ಹೇಳಿದ್ದಾರೆ ಎಂದು ಹೆಲ್ತ್ಲೈನ್ ವರದಿ ಮಾಡಿದೆ. ಅಷ್ಟೇ ಅಲ್ಲ ಸೋಡಾದ ಜೊತೆಗೆ ಹೆಚ್ಚುವರಿ ತಂಪು ಪಾನೀಯಗಳು, ಸ್ಪೋರ್ಟ್ಸ್ ಡ್ರಿಂಕ್ಸ್, ಎನರ್ಜಿ ಡ್ರಿಂಕ್ಸ್ ಸೇವನೆ ಮಾಡುವುದರಿಂದ ಪುರುಷರ ತಲೆ ಶಾಶ್ವತವಾಗಿ ಬೋಳು ಆಗಬಹುದು.

ಸಂಶೋಧಕರ ಪ್ರಕಾರ, ಸೋಡಾ ಅಥವಾ ಇತರ ಸಕ್ಕರೆ ಪಾನೀಯಗಳನ್ನು ಸೇವಿಸುವ ಪುರುಷರು ಇತರ ಪುರುಷರಿಗೆ ಹೋಲಿಸಿದರೆ 57 ಪ್ರತಿಶತದಷ್ಟು ಬೋಳು ಅಪಾಯವನ್ನು ಹೊಂದಿರುತ್ತಾರೆ. ಪುರುಷರಿಗೆ ಸಾಮಾನ್ಯವಾಗಿ 50 ವರ್ಷಗಳ ನಂತರ ತಲೆ ಕೂದಲು ಉದುರಿ ಬೋಳಾಗುತ್ತದೆ. ಆದರೆ 25 ಪ್ರತಿಶತ ಪುರುಷರಿಗೆ 21 ನೇ ವಯಸ್ಸಿನಲ್ಲಿ ತಲೆ ಬೋಳು ಆಗಲು ಆರಂಭವಾಗಿದೆ.

ತುಂಬಾ ಸಿಹಿಯಾದ ಚಹಾ ಮತ್ತು ಕಾಫಿ ಕೂಡ ಅಪಾಯಕಾರಿ: ಸಕ್ಕರೆ ಪಾನೀಯಗಳ ಜೊತೆಗೆ ಹೆಚ್ಚು ಸಿಹಿಯಾದ ಚಹಾ ಮತ್ತು ಕಾಫಿಯನ್ನು ಕುಡಿಯುವುದು ಪುರುಷರ ತಲೆ ಬೋಳು ಆಗಲು ಕಾರಣವಾಗಿರಬಹುದು ಎಂದು ಅಧ್ಯಯನಗಳು ತಿಳಿಸಿವೆ. ಚೀನಾದ ಬೀಜಿಂಗ್ ಮೂಲದ ತ್ಸಿಂಗ್ವಾ ವಿಶ್ವವಿದ್ಯಾಲಯದ ಸಂಶೋಧಕರು ಈ ಅಧ್ಯಯನವನ್ನು ನಡೆಸಿದ್ದಾರೆ.

ಈ ಸಮೀಕ್ಷೆಯಲ್ಲಿ 1000 ಕ್ಕೂ ಹೆಚ್ಚು ಜನರನ್ನು ಸೇರಿಸಲಾಯಿತು. ಅವರಿಂದ ಪಡೆದ ಮಾಹಿತಿಯ ಆಧಾರದ ಮೇಲೆ, ಸಂಶೋಧನೆಯ ಫಲಿತಾಂಶಗಳನ್ನು ಮಾಡಲಾಗುತ್ತದೆ. ಸಂಶೋಧಕರ ಪ್ರಕಾರ, ಚಿಕ್ಕ ವಯಸ್ಸಿನಲ್ಲಿ ಬೋಳು ತಪ್ಪಿಸಲು ಸಕ್ಕರೆ ಪಾನೀಯಗಳನ್ನು ಕುಡಿಯುವುದನ್ನು ತಪ್ಪಿಸಬೇಕು.

ಬೋಳು ತಪ್ಪಿಸಲು ಕೆಲವು ಸರಳ ಸಲಹೆಗಳನ್ನು ತಿಳಿಯಿರಿ: ಪ್ರತಿದಿನ ವ್ಯಾಯಾಮ ಮಾಡಿ, ಪೌಷ್ಟಿಕ ಆಹಾರ ಸೇವಿಸಿ, ಜಂಕ್ ಫುಡ್ ತಿನ್ನುವುದು ಮತ್ತು ಸಕ್ಕರೆ ಪಾನೀಯಗಳನ್ನು ಕುಡಿಯುವುದನ್ನು ತಪ್ಪಿಸಿ

ವಾರಕ್ಕೊಮ್ಮೆ ತಲೆಗೆ ಮಸಾಜ್ ಮಾಡಿ ಮತ್ತು ಕೂದಲಿಗೆ ತೆಂಗಿನೆಣ್ಣೆ ಹಚ್ಚಿ, ಯಾವುದೇ ಸಮಸ್ಯೆಯಿದ್ದರೆ, ತಕ್ಷಣ ವೈದ್ಯರನ್ನು ಭೇಟಿ ಮಾಡಿ.