ಅಡುಗೆ ಸೋಡಾ ಬಳಸಿ ತ್ವಚೆಯ ಸೌಂದರ್ಯ ಹೆಚ್ಚಿಸಲು ಹೀಗೆ ಮಾಡಿ

ಅಡುಗೆ ಸೋಡಾ ಅಥವಾ ಬೇಕಿಂಗ್ ಸೋಡಾದಿಂದ ಹಲವು ರೀತಿಯ ಆರೋಗ್ಯಕರ ಪ್ರಯೋಜನಗಳನ್ನು ಪಡೆಯಬಹುದು. ಅದರಲ್ಲೂ ಈ ಪುಡಿಯನ್ನು ಸೌಂದರ್ಯವರ್ಧಕವಾಗಿಯೂ ಸಹ ಬಳಸಹುದು ಎಂಬುದು ಅನೇಕರಿಗೆ ತಿಳಿದಿಲ್ಲ.

ನೀವು ನಿಮ್ಮ ಚರ್ಮದ ಕಂದು ಬಣ್ಣವನ್ನು ತೆಗೆದುಹಾಕಲು ಅಡುಗೆ ಸೋಡಾವನ್ನು ಬಳಸಿಕೊಳ್ಳಬಹುದು. ಇದಕ್ಕಾಗಿ ಒಂದು ಚಮಚ ಅಡುಗೆ ಸೋಡಾ, ನೀರು ಮತ್ತು ವಿನೆಗರ್ ಮಿಶ್ರಣವನ್ನು ಮಾಡಿ. ಈ ಪೇಸ್ಟ್​ನ್ನು 5-10 ನಿಮಿಷಗಳ ಕಾಲ ಕಂದು ಬಣ್ಣಕ್ಕೆ ತಿರುಗಿರುವ ಚರ್ಮಕ್ಕೆ ಹಚ್ಚಿ. ಹೀಗೆ ವಾರಕ್ಕೆ ಎರಡು ಮೂರು ಬಾರಿ ಮಾಡುವುದರಿಂದ ಪ್ರತಿಫಲ ಕಾಣಬಹುದಾಗಿದೆ.

ದದ್ದುಗಳಿಗೆ ಪರಿಹಾರ: ಅಡುಗೆ ಸೋಡಾ ಉರಿಯೂತದ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿದೆ. ಇದು ದದ್ದುಗಳು, ತುರಿಕೆ ಮತ್ತು ಉರಿಯೂತವನ್ನು ನಿವಾರಿಸುತ್ತದೆ. ಬೇಕಿಂಗ್ ಸೋಡಾದಲ್ಲಿ ತೆಂಗಿನ ಎಣ್ಣೆಯನ್ನು ಬೆರೆಸಿ ಪೇಸ್ಟ್​ ಮಾಡಿ 4-5 ನಿಮಿಷಗಳ ಕಾಲ ಹಚ್ಚಿ. ನೀವು ಈ ಪೇಸ್ಟ್ ಅನ್ನು ದಿನಕ್ಕೆ ಎರಡು ಬಾರಿ ಅನ್ವಯಿಸಬಹುದು.

ತ್ವಚ್ಛೆಯ ಸೌಂದರ್ಯ: ಒಂದರಿಂದ ಎರಡು ಟೀ ಚಮಚ ಅಡುಗೆ ಸೋಡಾ ವನ್ನು ಫಿಲ್ಟರ್ ಮಾಡಿದ ನೀರು ಅಥವಾ ರೋಸ್ ವಾಟರ್ ನೊಂದಿಗೆ ಬೆರೆಸಿ ಹಚ್ಚುವುದರಿಂದ ಸ್ಪಷ್ಟ ಮತ್ತು ಕಾಂತಿಯುತ ಚರ್ಮವನ್ನು ಪಡೆಯಬಹುದು. ಈ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿ ಒಂದು ನಿಮಿಷ ಬಿಡಿ. ಬಳಿಕ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಹೀಗೆ ವಾರಕ್ಕೆ 2-3 ಬಾರಿ ಮಾಡುವುದರಿಂದ ಮೊಡವೆಗಳಿಂದ ಮುಕ್ತಿ ಪಡೆಯಬಹುದು.

ಬ್ಲ್ಯಾಕ್‌ಹೆಡ್ಸ್ ನಿರ್ಮೂಲನೆ: ಅಡಿಗೆ ಸೋಡಾ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಶಿಲೀಂಧ್ರ ವಿರೋಧಿ ಗುಣಗಳನ್ನು ಹೊಂದಿದೆ. ಇದು ಬ್ಲ್ಯಾಕ್‌ಹೆಡ್‌ಗಳಿಗೆ ಕಾರಣವಾಗುವ ಸೋಂಕುಗಳಿಗೆ ಚಿಕಿತ್ಸೆ ನೀಡುತ್ತದೆ. ಅಡಿಗೆ ಸೋಡಾ ಬಳಕೆಯಿಂದ ಬ್ಲ್ಯಾಕ್‌ಹೆಡ್‌ಗಳ ಸುತ್ತಲಿನ ಚರ್ಮವು ಸಡಿಲಗೊಳ್ಳುತ್ತದೆ ಮತ್ತು ಈ ಸಂದರ್ಭದಲ್ಲಿ ಬ್ಲ್ಯಾಕ್‌ಹೆಡ್‌ಗಳು ಸುಲಭವಾಗಿ ಹೊರಬರುತ್ತವೆ.