Cholesterol Problem: ವರ್ಕೌಟ್ ಮಾಡೋದೇ ಬೇಡ, ಮನೆಯ ಈ ವಸ್ತು ಬಳಸಿ ಕೊಬ್ಬು ಕರಗಿಸಿ

ಕೆಟ್ಟ ಕೊಲೆಸ್ಟ್ರಾಲ್ ದೇಹದಲ್ಲಿ ಸೇರಿದರೆ ಹಲವು ಆರೋಗ್ಯ ಸಮಸ್ಯೆ ಹುಟ್ಟು ಹಾಕುತ್ತದೆ. ಇದನ್ನು ತೆಗೆದು ಹಾಕುವುದು ತುಂಬಾ ಮುಖ್ಯ. ದೇಹದ ಕೆಟ್ಟ ಕೊಲೆಸ್ಟ್ರಾಲ್ ಒಂದು ಗಂಭೀರ ಸಮಸ್ಯೆ. ಇದನ್ನು ಬೇಗ ತೊಡೆದು ಹಾಕುವುದು ಆರೋಗ್ಯಕ್ಕೆ ಉತ್ತಮ. ಕೆಟ್ಟ ಕೊಲೆಸ್ಟ್ರಾಲ್ ತೆಗೆದು ಹಾಕಲು ಮಾರುಕಟ್ಟೆಯಲ್ಲಿ ಹಲವು ರಾಸಾಯನಿಕ ಔಷಧಗಳಿವೆ. ಆದರೆ ಇದಕ್ಕಿಂತ ನೈಸರ್ಗಿಕವಾಗಿಯೂ ನೀವು ಕೊಲೆಸ್ಟ್ರಾಲ್ ತೊಡೆದು ಹಾಕಬಹುದು.

ಔಷಧವಿಲ್ಲದೆ ಕೊಲೆಸ್ಟ್ರಾಲ್ ಅನ್ನು ಹೇಗೆ ಕಡಿಮೆ ಮಾಡುವುದು ಎಂದು ನೀವು ಯೋಚಿಸಬಹುದು. ಎಲ್ಲದಕ್ಕೂ ಔಷಧ ಸೇವನೆ ಸರಿಯಲ್ಲ. ಇದು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಹಾಗಾಗಿ ನೀವು ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ತೊಡೆದು ಹಾಕಲು ನೈಸರ್ಗಿಕ ವಿಧಾನ ಟ್ರೈ ಮಾಡಿ.

ಇತ್ತೀಚಿನ ದಿನಗಳಲ್ಲಿ ಪ್ರತಿ ಎರಡನೇ ಮೂರನೇ ವ್ಯಕ್ತಿಯು ಕೊಲೆಸ್ಟ್ರಾಲ್ ಸಮಸ್ಯೆಗೆ ತುತ್ತಾಗುತ್ತಿದ್ದಾನೆ. ರಕ್ತದಲ್ಲಿನ ಕೊಲೆಸ್ಟ್ರಾಲ್ ಹೆಚ್ಚುವುದು ಹೃದಯ ಕಾಯಿಲೆ, ಹೃದಯಾಘಾತ ಅಥವಾ ಪಾರ್ಶ್ವವಾಯು ಸೇರಿ ಅನೇಕ ಮಾರಣಾಂತಿಕ ಪರಿಸ್ಥಿತಿ ಹೆಚ್ಚಿಸುವ ಸಂಕೇತವಾಗಿದೆ.

ಕೊಲೆಸ್ಟ್ರಾಲ್ ಎಂಬುದು ನೀವು ಸೇವಿಸುವ ಕೊಬ್ಬಿನಂಶವಿರುವ ಆಹಾರಗಳಿಂದ ಉತ್ಪತ್ತಿ ಆಗುತ್ತದೆ. ಈ ಮೇಣದಂತಿರುವ ತ್ಯಾಜ್ಯವು ರಕ್ತನಾಳಗಳನ್ನು ನಿರ್ಬಂಧಿಸುತ್ತದೆ. ಇದು ರಕ್ತದ ಹರಿವನ್ನು ನಿಧಾನಗೊಳಿಸುತ್ತದೆ. ಇದು ಮಾರಣಾಂತಿಕ ರೂಪ ಸಹ ಪಡೆಯುವ ಸಾಧ್ಯತೆ ಹೆಚ್ಚು.

ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಲು ಕೊಬ್ಬಿನಂಶವಿರುವ ಆಹಾರ ಸೇವನೆ ಕಡಿಮೆ ಮಾಡಿ. ಹಾಗೂ ನಿಯಮಿತವಾಗಿ ವ್ಯಾಯಾಮ ಮಾಡಿ. ಕೆಲವು ಮನೆಮದ್ದುಗಳ ಮೂಲಕವೂ ನೀವು ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಬಹುದು. ಅವುಗಳಲ್ಲಿ ಒಂದು ಅರಿಶಿನ ಮತ್ತು ಕರಿಮೆಣಸು. ಅರಿಶಿನ ರೋಗ ನಿರೋಧಕ ಶಕ್ತಿ ವರ್ಧಕವಾಗಿದೆ. ಇದು ಹೃದಯದ ಆರೋಗ್ಯ ಕಾಪಾಡುತ್ತದೆ.

ಅರಿಶಿನ ಸಾರವು ಕೊಲೆಸ್ಟ್ರಾಲ್ ಮಟ್ಟ ಕಡಿಮೆ ಮಾಡುತ್ತದೆ. ಕೆಟ್ಟ ಕೊಲೆಸ್ಟ್ರಾಲ್ ಅಪಧಮನಿಗಳಲ್ಲಿ ಪ್ಲೇಕ್ ನಿರ್ಮಿಸುವುದನ್ನು ತಡೆಯುತ್ತದೆ. ಪ್ರತಿದಿನ ನೀವು ಸೇವಿಸಬಹುದಾದ ಅರಿಶಿನ ಪ್ರಮಾಣ ಎಷ್ಟಿರಬೇಕು? ನೋಡೋಣ. 3 ಗ್ರಾಂ ಮತ್ತು 5 ಗ್ರಾಂ ತೂಕದ ಕಚ್ಚಾ ಅರಿಶಿನವು 500 mg ಕರ್ಕ್ಯುಮಿನ್ ಒದಗಿಸುತ್ತದೆ. ಅರಿಶಿನ ಸೇವನೆಯು ದಿನಕ್ಕೆ 500 ರಿಂದ 2,000 ಮಿಲಿಗ್ರಾಂ ನಷ್ಟಿರಲಿ.

ಅರಿಶಿನದ ಜೊತೆಗೆ ಕರಿಮೆಣಸು ಕಾಳನ್ನೂ ಸೇವಿಸಿ. ಇದು ಶಕ್ತಿ ಹೆಚ್ಚಿಸುತ್ತದೆ. ಕೊಲೆಸ್ಟ್ರಾಲ್ ಮತ್ತು ಹೃದಯ ಕಾಯಿಲೆಗಳ ಅಪಾಯ ಕಡಿಮೆ ಮಾಡಲು ಸಹಕಾರಿ. ಒಂದು ಲೋಟ ನೀರಿನಲ್ಲಿ ಅರಿಶಿನ ಪುಡಿ ಮತ್ತು ಕರಿಮೆಣಸಿನ ಪುಡಿ ಕುದಿಸಿ ಕುಡಿಯಬೇಕು. ಇದು ಕೊಲೆಸ್ಟ್ರಾಲ್ ಮತ್ತು ಹೃದಯ ಕಾಯಿಲೆಗಳ ಅಪಾಯ ಕಡಿಮೆ ಮಾಡಲು ಸಹಕಾರಿ.

ಅರಿಶಿನದಲ್ಲಿ ಕರ್ಕ್ಯುಮಿನ್ ಎಂಬ ಜೈವಿಕ ಸಕ್ರಿಯ ಸಂಯುಕ್ತವಿದೆ. ಇದು ಅನೇಕ ಗಂಭೀರ ಆರೋಗ್ಯ ಸಮಸ್ಯೆ ಗುಣಪಡಿಸುವ ಸಾಮರ್ಥ್ಯ ಹೊಂದಿದೆ. ಇದು ದೇಹದೊಳಗೆ ಜೀವಕೋಶದ ಹಾನಿ ತಡೆಯುತ್ತದೆ. ಕರ್ಕ್ಯುಮಿನ್ ಸ್ವತಂತ್ರ ರಾಡಿಕಲ್ ಕೋಶಗಳನ್ನು ತಟಸ್ಥಗೊಳಿಸುತ್ತದೆ. ಅರಿಶಿನವು ಆಕ್ಸಿಡೇಟಿವ್ ಒತ್ತಡ ಕಡಿಮೆ ಮಾಡುತ್ತದೆ. ಕರ್ಕ್ಯುಮಿನ್ ನಿಮ್ಮ ರಕ್ತನಾಳಗಳ ಒಳಪದರದ ಕಾರ್ಯನಿರ್ವಹಣೆ ಸುಧಾರಿಸುತ್ತದೆ.