Piles Problem: ಪೈಲ್ಸ್​​ನಿಂದ ಕೂತಲ್ಲಿ ಕೂರಲು, ನಿಂತಲ್ಲಿ ನಿಲ್ಲಲು ಆಗ್ತಿಲ್ವಾ? ಮೊದ್ಲು ಈ ಪದಾರ್ಥಗಳನ್ನು ದೂರವಿಡಿ!

ಇತ್ತೀಚಿನ ದಿನಗಳಲ್ಲಿ ಜನರನ್ನು ಹೆಚ್ಚಾಗಿ ಕಾಡುತ್ತಿರುವ ಸಮಸ್ಯೆ ಎಂದರೆ ಮೂಲವ್ಯಾಧಿ ಸಮಸ್ಯೆ. ಪೈಲ್ಸ್ ರೋಗವು ಯಾವುದೇ ವಯಸ್ಸಿನ ವ್ಯಕ್ತಿಗೆ ಬರಬಹುದು. ಪೈಲ್ಸ್‌ಗೆ ಮುಖ್ಯ ಕಾರಣಗಳು ಮಲಬದ್ಧತೆ, ಗ್ಯಾಸ್ ಸಮಸ್ಯೆ ಮತ್ತು ಜೀರ್ಣ ಸಮಸ್ಯೆಗಳು.

ಅನೇಕ ಮಂದಿ ತಮಗಿರುವ ಮೂಲವ್ಯಾಧಿ ಸಮಸ್ಯೆಗಳ ಬಗ್ಗೆ ಮುಕ್ತವಾಗಿ ಮಾತನಾಡಲು ಆಗದೇ ಮುಜುಗರಕ್ಕೊಳಗಾಗುತ್ತಾರೆ. ಈ ಕಾಯಿಲೆ ಬಗ್ಗೆ ತಮ್ಮ ಸುತ್ತಮುತ್ತಲಿನವರಿಗೆ ಹೇಳಿಕೊಳ್ಳಲು ಅಥವಾ ವೈದ್ಯರ ಬಳಿ ಹೇಳಿಕೊಳ್ಳಲು ಹಿಂಜರಿಯುತ್ತಾರೆ.

ಮೂಲವ್ಯಾದಿಯನ್ನು ಪೈಲ್ಸ್ ಎಂದೂ ಕರೆಯಲಾಗುತ್ತದೆ. ಮೂಲವ್ಯಾಧಿಯಲ್ಲಿ ಕರುಳಿಗೆ ಸಂಬಂಧಿಸಿದ ಸಮಸ್ಯೆಯಿಂದ ಮಲವಿಸರ್ಜನೆ ವೇಳೆ ರಕ್ತ ಕಾಣಿಸಿಕೊಳ್ಳುತ್ತದೆ. ಅದನ್ನು ಹೊರತುಪಡಿಸಿ, ಗುದದ್ವಾರದಲ್ಲಿ ಚರ್ಮದ ನೋವಿನ ಗುಳ್ಳೆ ಕಾಣಿಸಿಕೊಳ್ಳುತ್ತದೆ. ಇದು ಮಲವಿಸರ್ಜನೆ ವೇಳೆ ಅತೀವ ನೋವನ್ನು ಉಂಟು ಮಾಡುತ್ತದೆ.

ಸಾಮಾನ್ಯವಾಗಿ ಮೂಲವ್ಯಾಧಿ ಸಮಸ್ಯೆ ಬೇಗ ಗುಣಮುಖವಾಗುವುದಿಲ್ಲ. ಮೂಲವ್ಯಾಧಿ ಬಂದರೆ ಕೆಲವರು ತಿಂಗಳುಗಟ್ಟಲೆ ನೋವು ಅನುಭವಿಸುತ್ತಾರೆ. ಸೂಕ್ತ ಚಿಕಿತ್ಸೆ ಸಿಕ್ಕರೂ ಕೆಲ ದಿನ ನೋವು ನಿಮ್ಮನ್ನು ಕಾಡುತ್ತಲೇ ಇರುತ್ತದೆ. ಅಷ್ಟಕ್ಕೂ ಮೂಲವ್ಯಾಧಿ ಸಮಸ್ಯೆ ಇರುವವರು ಕೆಲವು ಪದಾರ್ಥಗಳಿಂದ ದೂರ ಉಳಿಯುವುದು ಉತ್ತಮ. ಅವು ಯಾವುವು ಗೊತ್ತಾ?

ಮಸಾಲೆಯುಕ್ತ ಪದಾರ್ಥಗಳು: ಮಸಾಲೆಯುಕ್ತ ಆಹಾರವನ್ನು ಅನೇಕ ಜನರು ತುಂಬಾ ಇಷ್ಟಪಡುತ್ತಾರೆ. ಆದರೆ ನಿಮಗೆ ಪೈಲ್ಸ್ ಸಮಸ್ಯೆ ಇದ್ದರೆ ಮಸಾಲೆಯುಕ್ತ ಆಹಾರವು ನಿಮಗೆ ತುಂಬಾ ಅಪಾಯಕಾರಿ ಆಗಿದೆ. ಈ ರೀತಿಯ ಆಹಾರವನ್ನು ಸೇವಿಸುವುದರಿಂದ, ಪೈಲ್ಸ್ ರೋಗಿಗಳು ಮಲವಿಸರ್ಜನೆಯ ಸಮಯದಲ್ಲಿ ಅಸಹನೀಯ ನೋವನ್ನು ಎದುರಿಸಬೇಕಾಗುತ್ತದೆ. ನಿಮಗೆ ರಕ್ತಸ್ರಾವವೂ ಆಗಬಹುದು.

ಕೆಫೀನ್ ಪದಾರ್ಥಗಳಿಂದ ದೂರವಿರಿ: ಕಾಫಿ ಮಲಬದ್ಧತೆ ಸಮಸ್ಯೆ ಮತ್ತಷ್ಟು ಅಧಿಕ ಮಾಡುತ್ತದೆ, ಕಾಪಿ, ಟೀ ಇವುಗಳನ್ನು ಕುಡಿಯುವುದರಿಂದ ಮಲವಿಸರ್ಜನೆಗೆ ಮತ್ತಷ್ಟು ತೊಂದರೆಯಾಗುವುದು.

ಮದ್ಯ: ಮಗೆ ಪೈಲ್ಸ್ ಸಮಸ್ಯೆ ಇದ್ದರೆ ನೀವು ಆಲ್ಕೋಹಾಲ್ ಸೇವಿಸಬಾರದು. ಒಂದು ವೇಳೆ ಮದ್ಯ ಸೇವಿದರೆ ಸಮಸ್ಯೆ ಮತ್ತಷ್ಟು ಹೆಚ್ಚಾಗಬಹುದು. ಆಲ್ಕೋಹಾಲ್ ಜೀರ್ಣಾಂಗ ವ್ಯವಸ್ಥೆಯನ್ನು ಅಡ್ಡಿಪಡಿಸುವುದಲ್ಲದೆ, ಕರುಳಿನಲ್ಲಿ ನಿರ್ಜಲೀಕರಣದ ಸಮಸ್ಯೆಯನ್ನು ಹೆಚ್ಚಿಸುತ್ತದೆ. ಈ ಆಹಾರಕ್ರಮಗಳ ಜತೆಗೆ ವೈದ್ಯರನ್ನು ಕಂಡು ಸೂಕ್ತ ಚಿಕಿತ್ಸೆ ತೆಗೆದುಕೊಳ್ಳಿ.