Skin Care Tips: ಚರ್ಮದ ಸಮಸ್ಯೆ ಹೋಗಲಾಡಿಸಿ, ಮುಖದ ಕಾಂತಿ ಹೆಚ್ಚಿಸಲು ಈ ಫೇಸ್ ಮಾಸ್ಕ್ ಟ್ರೈ ಮಾಡಿ

ಬೇಸಿಗೆಯಲ್ಲಿ ಬಲವಾದ ಸೂರ್ಯನ ಬೆಳಕು, ಮಾಲಿನ್ಯ ಮತ್ತು ಹೊಗೆಯಿಂದ ಚರ್ಮದ ಸಮಸ್ಯೆಗಳ ಹೆಚ್ಚುತ್ತವೆ. ಬೆವರುವಿಕೆಯು ಮುಖದ ಮೇಲೆ ಟ್ಯಾನಿಂಗ್ ಮತ್ತು ಮೊಡವೆ ಉಂಟಾಗಲು ಕಾರಣವಾಗುತ್ತದೆ. ಇದು ಮುಖದ ಕಾಂತಿಯನ್ನು ಕಡಿಮೆ ಮಾಡುತ್ತದೆ. ಬೇಸಿಗೆಯ ಸೂರ್ಯನ ಹೊಡೆತದಿಂದ ಚರ್ಮವನ್ನು ಕಾಪಾಡಲು ಫೇಸ್ ಮಾಸ್ಕ್ ತಪ್ಪದೇ ಹಾಕಿರಿ.

ಮುಖದ ಮೇಲೆ ಅಕಾಲಿಕ ಸುಕ್ಕು, ದದ್ದು, ಮೊಡವೆ ಸಮಸ್ಯೆ ತಡೆಯಲು ಕಡಲೆಬೇಳೆ ಹಿಟ್ಟಿನ ಫೇಸ್ ಮಾಸ್ಕ್ ಉತ್ತಮ ಮತ್ತು ಆರೋಗ್ಯಕರ ಆಯ್ಕೆ ಆಗಿದೆ. ಕಡಲೆಬೇಳೆ ಹಿಟ್ಟನ್ನು ಮುಖಕ್ಕೆ ಹಚ್ಚಿದರೆ ಚರ್ಮಕ್ಕೆ ಸಂಬಂಧಿಸಿದ ಹಲವು ಸಮಸ್ಯೆಗಳು ಕಡಿಮೆ ಆಗುತ್ತವೆ. ಇದು ನೈಸರ್ಗಿಕ ಆಯ್ಕೆ ಆಗಿದೆ.

ಕಡಲೆಬೇಳೆ ಹಿಟ್ಟನ್ನು ಮುಖಕ್ಕೆ ಹಚ್ಚಿದರೆ ಇದು ಮುಖದ ಕಲೆಗಳನ್ನು ತೆಗೆದು ಹಾಕಿ, ಚರ್ಮವನ್ನು ಮೃದುವಾಗಿಸುತ್ತದೆ. ಕಡಲೆಬೇಳೆ ಹಿಟ್ಟು ಮತ್ತು ಅಲೋವೆರಾ ಮಾಸ್ಕ್. ಇದು ಮುಖವನ್ನು ಆರ್ಧ್ರಕಗೊಳಿಸುತ್ತದೆ. ಕಡಲೆಬೇಳೆ ಹಿಟ್ಟು ಮತ್ತು ಅಲೋವೆರಾ ಮಾಸ್ಕ್ ಪ್ರತಿದಿನ ಮುಖಕ್ಕೆ ಹಚ್ಚಬಹುದು. ಇದು ಚರ್ಮದಲ್ಲಿ ಕಾಲಜನ್ ಪ್ರಮಾಣ ಹೆಚ್ಚಿಸುತ್ತದೆ.

ಒಂದು ಟೀಚಮಚ ಕಡಲೆಬೇಳೆ ಹಿಟ್ಟು ಮತ್ತು ಅಲೋವೆರಾ ಮಾಸ್ಕ್ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಅದಕ್ಕೆ ಕೆಲವು ಹನಿ ರೋಸ್ ವಾಟರ್ ಮಿಕ್ಸ್ ಮಾಡಿ. ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿ ಮತ್ತು ಒಣಗಲು ಬಿಡಿ. ನಂತರ ಮುಖ ತೊಳೆಯಿರಿ. ಇದು ಚರ್ಮದ ತೇವಾಂಶ ಕಾಪಾಡುತ್ತದೆ. ಅಕಾಲಿಕವಾಗಿ ಸುಕ್ಕುಗಳಿಂದಲೂ ಪರಿಹಾರ ದೊರೆಯುತ್ತದೆ.

ಕಡಲೆಬೇಳೆ ಹಿಟ್ಟು, ಅರಿಶಿನ ಮತ್ತು ಹಾಲು ಮಾಸ್ಕ್. ಇದು ಮೊಡವೆ ಸಮಸ್ಯೆಯನ್ನು ಹೋಗಲಾಡಿಸುತ್ತದೆ. ಒಂದು ಚಮಚ ಬೇಳೆ ಹಿಟ್ಟಿಗೆ ಎರಡು ಚಮಚ ಹಾಲು ಮತ್ತು ಒಂದು ಚಿಟಿಕೆ ಹಸಿ ಅರಿಶಿನ ಸೇರಿಸಿ. ಸ್ಕ್ರಬ್ ತಯಾರಿಸಿ. ಇದನ್ನು ಮುಖಕ್ಕೆ ಹಚ್ಚಿ ಸ್ವಲ್ಪ ಸಮಯ ಮಸಾಜ್ ಮಾಡಿ. ನಂತರ ಸ್ವಲ್ಪ ಸಮಯ ಬಿಟ್ಟು ತೊಳೆಯಿರಿ. ಇದು ಮುಖದ ಮೇಲೆ ಸಂಗ್ರಹವಾಗಿರುವ ಧೂಳಿನ ಕಣಗಳನ್ನು ತೆಗೆದು ಹಾಕುತ್ತದೆ.

ಕಡಲೆಬೇಳೆ ಹಿಟ್ಟು, ಜೇನುತುಪ್ಪ ಮತ್ತು ಮುಲ್ತಾಲಿ ಮಿಟ್ಟಿ ಮಾಸ್ಕ್. ಇದು ಸುಕ್ಕುಗಳ ಸಮಸ್ಯೆ ಹೋಗಲಾಡಿಸುತ್ತದೆ. ಮಿಲ್ಟಾಲಿ ಮಿಟ್ಟಿ, ಕಡಲೆಬೇಳೆ ಹಿಟ್ಟು ಮತ್ತು ಜೇನುತುಪ್ಪ ಮಿಕ್ಸ್ ಮಾಡಿ, ಪೇಸ್ಟ್ ನ್ನು ಮುಖ, ಕುತ್ತಿಗೆ ಮತ್ತು ಗಲ್ಲಕ್ಕೆ ಚೆನ್ನಾಗಿ ಹಚ್ಚಿರಿ. ನಂತರ ಮಸಾಜ್ ಮಾಡಿ. ಸ್ವಲ್ಪ ಸಮಯ ಹಾಗೇ ಬಿಟ್ಟು, ನಂತರ ತೊಳೆಯಿರಿ. ಇದು ಸುಕ್ಕುಗಳ ಸಮಸ್ಯೆ ಕಡಿಮೆ ಮಾಡಿ, ತ್ವಚೆ ಬಿಗಿಯಾಗಿಸುತ್ತದೆ.

ಕಡಲೆಬೇಳೆ ಹಿಟ್ಟು, ಬಾಳೆಹಣ್ಣು ಮತ್ತು ನಿಂಬೆ ರಸ ಮಾಸ್ಕ್. ಇದು ತ್ವಚೆ ಹೊಳೆಯುವಂತೆ ಮಾಡುತ್ತದೆ. ಬೇಳೆ ಹಿಟ್ಟು ಮತ್ತು ಬಾಳೆಹಣ್ಣು, ನಿಂಬೆರಸ ಮಿಕ್ಸ್ ಮಾಡಿ. ಪೇಸ್ಟ್ ನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿರಿ. ನಂತರ ಮಸಾಜ್ ಮಾಡಿ, 15 ನಿಮಿಷ ಹಾಗೇ ಬಿಟ್ಟು, ಸಾಮಾನ್ಯ ನೀರಿನಿಂದ ತೊಳೆಯಿರಿ. ಇದು ಮುಖದ ಶುಷ್ಕತೆ ದೂರವಾಗಿಸಿ, ಮುಖದ ಕಾಂತಿ ಹೆಚ್ಚಿಸುತ್ತದೆ.

ಬೇಳೆ ಹಿಟ್ಟು ಮತ್ತು ಮೊಸರು ಪ್ಯಾಕ್ . ಇದು ಟ್ಯಾನಿಂಗ್ ಸಮಸ್ಯೆ ತೆಗೆದು ಹಾಕುತ್ತದೆ. ಎರಡು ಚಮಚ ಮೊಸರು, ಎರಡು ಚಮಚ ಕಡಲೆಬೇಳೆ ಹಿಟ್ಟಿನಲ್ಲಿ ಬೆರೆಸಿ, ಮುಖ, ಕುತ್ತಿಗೆ ಮತ್ತು ತೋಳುಗಳಿಗೆ ಹಚ್ಚಿರಿ. 30 ನಿಮಿಷಗಳ ನಂತರ ಅದನ್ನು ತೊಳೆಯಿರಿ. ಇದು ಟ್ಯಾನಿಂಗ್ ಸಮಸ್ಯೆ ಹೋಗಲಾಡಿಸುತ್ತದೆ. ಚರ್ಮವು ಮೃದುವಾಗುತ್ತದೆ.