Heart failure: ಹಾರ್ಟ್​ ಅಟ್ಯಾಕ್​ ಆಗೋಕೆ ಇದೇ ಕಾರಣವಂತೆ, ಹೃದಯದ ಕಾಳಜಿ ಹೀಗೆ ಮಾಡಿ

ಹೃದಯಾಘಾತ ಸಂಭವಿಸಿದಾಗ, ಶ್ವಾಸಕೋಶಗಳು ಮತ್ತು ದೇಹದ ಇತರ ಭಾಗಗಳಿಗೆ ಸಾಕಷ್ಟು ರಕ್ತವನ್ನು ಪಂಪ್ ಮಾಡಲು ಹೃದಯಕ್ಕೆ ಸಾಧ್ಯವಾಗುವುದಿಲ್ಲ. ಹೃದಯವು ಹಾನಿಗೊಳಗಾದಾಗ, ದುರ್ಬಲಗೊಂಡಾಗ ಅಥವಾ ರಕ್ತವನ್ನು ಪಂಪ್ ಮಾಡಲು ಸಾಧ್ಯವಾಗದಿದ್ದಾಗ ಈ ಹಾರ್ಟ್​ ಅಟ್ಯಾಕ್​ನಂತಹ ತೊಂದರೆಗಳು ಸಂಭವಿಸುತ್ತದೆ. ಈ ರೀತಿಯಾದಾಗ ಯಾವಾಗ್ಲೂ ನೆಗ್ಲಟ್​ ಮಾಡ್ಬೇಡಿ. ತಕ್ಷಣ ಚಿಕಿತ್ಸೆ ಪಡೆಯಬೇಕು.

ಹೃದಯ ವೈಫಲ್ಯವಾದಾಗ ಸಾಮಾನ್ಯವಾಗಿ ಹೃದಯದ ಒಂದು ಅಥವಾ ಎರಡೂ ಬದಿಗಳ ಮೇಲೆ ಪರಿಣಾಮ ಬೀರಬಹುದು. ಇದರ ಹಿಂದೆ ಹಲವು ಕಾರಣಗಳಿರಬಹುದು. ಇನ್ನು ಅನಿಯಮಿತ ಹೃದಯ ಬಡಿತ, ಉರಿಯೂತ ಮತ್ತು ಅಧಿಕ ರಕ್ತದೊತ್ತಡದಂತಹ ಸಮಸ್ಯೆಗಳು ಹೃದಯ ವೈಫಲ್ಯಕ್ಕೆ ಕಾರಣವಾಗಬಹುದು.

ಈ ಎಲ್ಲಾ ಲಕ್ಷಣಗಳು ಕಂಡುಬಂದಾಗ ಹೃದಯಾಘಾತ ಸಂಭವಿಸುತ್ತದೆ. ಇದರಿಂದಾಗಿ ಹೆಚ್ಚಿನ ಹೃದಯ ಸ್ನಾಯುಗಳು ಶಾಶ್ವತವಾಗಿ ಹಾನಿಗೊಳಗಾಗುತ್ತವೆ. ಆಂಜಿಯೋಪ್ಲ್ಯಾಸ್ಟಿ, ಬೈಪಾಸ್ ಸರ್ಜರಿ ಮತ್ತು ಯಾವುದೇ ಔಷಧಗಳು ಈ ಸಂದರ್ಭದಲ್ಲಿ ಯೂಸ್​ ಆಗುವುದಿಲ್ಲ.

ಹೃದಯ ವೈಫಲ್ಯದ ಲಕ್ಷಣಗಳು: ಹೃದಯಾಘಾತದ ಸಾಮಾನ್ಯ ಲಕ್ಷಣಗಳೆಂದರೆ ಉಸಿರಾಟದ ತೊಂದರೆ, ಕಾಲುಗಳು ಅಥವಾ ಹೊಟ್ಟೆಯ ಊತ. ಈ ಲಕ್ಷಣಗಳು ಹತ್ತುವಾಗ, ನಡೆಯುವಾಗ ಅಥವಾ ಸ್ವಲ್ಪ ಚಲಿಸುವಾಗ ಸೊಂಟ ಮತ್ತು ಕಾಲಿನ ಸ್ನಾಯುಗಳಲ್ಲಿ ನೋವು ಮತ್ತು ಸೆಳೆತವನ್ನು ಒಳಗೊಂಡಿರುತ್ತದೆ. ಈ ಸಂದರ್ಭದಲ್ಲಿ ಎಚ್ಚರವಹಿಸೋದು ಉತ್ತಮ.

ಡಯಾಗ್ನೋಸಿಸ್: ಈ ಪರೀಕ್ಷೆಗಳು ಹೃದಯದ ಸಮಸ್ಯೆಯನ್ನು, ಕಾರ್ಯವನ್ನು ಪತ್ತೆಹಚ್ಚಲು ಮತ್ತು ಹೃದಯ ವೈಫಲ್ಯದ ಕಾರಣವನ್ನು ಕಂಡುಹಿಡಿಯಲು ಸಹಾಯ ಮಾಡುತ್ತದೆ.

ಎಲೆಕ್ಟ್ರೋಕಾರ್ಡಿಯೋಗ್ರಾಮ್: ರಕ್ತ ಪರೀಕ್ಷೆ, ಮೂತ್ರ ವಿಶ್ಲೇಷಣೆ, ಎದೆಯ ಎಕ್ಸ್-ರೇ, ಎಕೋಕಾರ್ಡಿಯೋಗ್ರಾಮ್, ಸಿಟಿ, ಎಮ್​ಆರ್​ಐ ಸ್ಕ್ಯಾನಿಂಗ್ ಮಾಡುವ ಮೂಲಕ ಹೃದಯದ ಸಮಸ್ಯೆಯನ್ನು ಪತ್ತೆಹಚ್ಚಬಹುದು.

ಇನ್ನು ಸ್ಥೂಲಕಾಯತೆ, ಧೂಮಪಾನ, ಅತಿಯಾದ ಆಲ್ಕೊಹಾಲ್ ಕುಡಿಯುವುದರಿಮದ ಹೃದಯಾಘಾತದ ಅಪಾಯವನ್ನು ಹೆಚ್ಚಿಸುತ್ತದೆ. ಹಾಗೆಯೇ ಮಧುಮೇಹ, ಅಧಿಕ ಬಿಪಿ ಮತ್ತು ಪರಿಧಮನಿಯ ಕಾಯಿಲೆ ಇರುವ ರೋಗಿಗಳೂ ಹಾರ್ಟ್​ ಅಟ್ಯಾಕ್​ ಆಗುವ ಅಪಾಯದಲ್ಲಿರುತ್ತಾರೆ.

ಅನಾಬೊಲಿಕ್ ಸ್ಟೀರಾಯ್ಡ್ಗಳು ಅಥವಾ ಕ್ಯಾನ್ಸರ್ ಔಷಧಿಗಳು ಹೃದಯದ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಇನ್ನು ಹೆಚ್ಚಿನ ಸಂದರ್ಭಗಳಲ್ಲಿ ಈ ಹಾರ್ಟ್​ ಅಟ್ಯಾಕ್ ಮಹಿಳೆಯರಿಗಿಂತ ಹೆಚ್ಚಾಗಿ ಪುರುಷರಲ್ಲೇ ಸಂಭವಿಸುತ್ತದೆ.

ಇನ್ನು 65 ವರ್ಷಕ್ಕಿಂತ ಮೇಲ್ಪಟ್ಟ ಜನರು ಹೆಚ್ಚಾಗಿ ಹಾರ್ಟ್​ ಅಟ್ಯಾಕ್​ನ ಅಪಾಯವನ್ನು ಹೊಂದಿರುತ್ತಾರೆ. ಈ ಸಮಯದಲ್ಲಿ ಹೆಚ್ಚಾಗಿ ಆರೋಗ್ಯ ಚೆಕ್ ಮಾಡುತ್ತಿರುವುದು ಉತ್ತಮ. (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)