Health Care: ಮೊಸರು, ಸಲಾಡ್​​ಗೆ ಉಪ್ಪು ಬೆರೆಸಿ ತಿಂತೀರಾ? ಹುಷಾರ್, ಈ ಕಾಯಿಲೆಗೆ ಹತ್ತಿರ ಆಗ್ತಿದ್ದೀರಾ ಎಂದರ್ಥ!

ಮೊಸರಿಗೆ ಉಪ್ಪು ಬೆರೆಸಿ ಅನೇಕ ಮಂದಿ ಸೇವಿಸುತ್ತಾರೆ. ಊಟ ಮಾಡುವಾಗ ಸರಿಯಾದ ಪ್ರಮಾಣದಲ್ಲಿಉಪ್ಪು ಇಲ್ಲದಿದ್ದರೆ, ತಿನ್ನಲು ಕಷ್ಟವಾಗುತ್ತದೆ. ಹಾಗಾಗಿ ಕನಿಷ್ಟ ಪ್ರಮಾಣ ಉಪ್ಪನ್ನು ನಾವು ತಿನ್ನುವ ಆಹಾರದಲ್ಲಿ ಬೆರೆಸಿರಬೇಕು. ಏಕೆಂದರೆ ಪ್ರತಿಯೊಂದು ಖಾದ್ಯಕ್ಕೂ ಉಪ್ಪು ಅತ್ಯಗತ್ಯವಾಗಿದೆ. ಆದರೆ ಇದನ್ನು ಅರಿಯದೇ ಮಿತಿಮೀರಿದ ಪ್ರಮಾಣದಲ್ಲಿ ನಾವು ಉಪ್ಪನ್ನು ಸೇವಿಸುತ್ತೇವೆ. ಇದರಿಂದ ನಾವು ಅನೇಕ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತೇವೆ.

ಅದರಲ್ಲಿಯೂ ಸಲಾಡ್ ಮತ್ತು ಮೊಸರಿಗೆ ಉಪ್ಪನ್ನು ಬೆರೆಸಿ ತಿನ್ನುವಾಗ ಎಚ್ಚರದಿಂದಿರಬೇಕು. ಈ ಆಹಾರಗಳ ರುಚಿಯನ್ನು ಹೆಚ್ಚಿಸಲು ನೀವು ಹೆಚ್ಚು ಉಪ್ಪನ್ನು ಸೇರಿಸಿದರೆ, ನೀವು ಅಪಾಯದಲ್ಲಿ ಸಿಲುಕುತ್ತೀರಾ. ಇತ್ತೀಚಿನ ಸಂಶೋಧನೆಯು ಆಘಾತಕಾರಿ ಸಂಗತಿಗಳನ್ನು ಬಹಿರಂಗಪಡಿಸಿದೆ.

ಆ ಸಂಶೋಧನೆಯ ಪ್ರಕಾರ, ಸಲಾಡ್ ಅಥವಾ ಮೊಸರಿಗೆ ಬಿಳಿ ಕ್ರಿಸ್ಟಲ್ ಉಪ್ಪನ್ನು ಸೇರಿಸುವುದರಿಂದ ದೇಹದಲ್ಲಿ ಸೋಡಿಯಂ ಮಟ್ಟವನ್ನು ಹೆಚ್ಚಿಸಬಹುದು. ಇದು ಅಧಿಕ ರಕ್ತದೊತ್ತಡ, ಬೆವರು ಮತ್ತು ತಲೆ ತಿರುಗುವಿಕೆಯಂತಹ ಸಮಸ್ಯೆಗಳನ್ನು ಉಂಟುಮಾಡುತ್ತದೆ.

ಬಿಳಿ ಹರಳಿನ ಉಪ್ಪನ್ನು ಆಹಾರದಲ್ಲಿ ತಿನ್ನುವುದರಿಂದ ದೇಹದಲ್ಲಿ ಕ್ಯಾಲ್ಸಿಯಂ ಖಾಲಿಯಾಗುತ್ತದೆ ಮತ್ತು ಮೂಳೆಗಳು ದುರ್ಬಲಗೊಳ್ಳುತ್ತವೆ. ಅದೇ ಸಮಯದಲ್ಲಿ ಇದು ಜೀರ್ಣಕಾರಿ ಕಿಣ್ವಗಳನ್ನು ಹಾನಿಗೊಳಿಸುತ್ತದೆ ಮತ್ತು ನಮ್ಮ ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ.

ಪ್ರತಿದಿನ ಸಲಾಡ್ ಅಥವಾ ಮೊಸರಿಗೆ ಉಪ್ಪನ್ನು ಸೇರಿಸುವುದರಿಂದ ಕೀಲು ನೋವು ಉಂಟಾಗುತ್ತದೆ. ಹಾಗೆಯೇ, ದಿನಕ್ಕೆ ಒಂದಕ್ಕಿಂತ ಹೆಚ್ಚು ಚಮಚ ಉಪ್ಪನ್ನು ಸೇವಿಸಿದರೆ, ನಿದ್ರೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ಹೆಚ್ಚು ಉಪ್ಪು ತಿನ್ನುವುದು ಆರೋಗ್ಯಕ್ಕೆ ಹಾನಿಕರ. ಆಹಾರದಲ್ಲಿ ಹೆಚ್ಚುವರಿ ಚಿಟಿಕೆ ಉಪ್ಪು ಹೇಗೆ ರೋಗವನ್ನು ಆಹ್ವಾನಿಸುತ್ತದೆ ಎಂಬುದನ್ನು ತಿಳಿಯಿರಿ. ವಿಶ್ವ ಆರೋಗ್ಯ ಸಂಸ್ಥೆಯು ಪ್ರತಿ ವ್ಯಕ್ತಿಯು 5 ಗ್ರಾಂ ಗಿಂತ ಕಡಿಮೆ ಉಪ್ಪನ್ನು ಸೇವಿಸಬೇಕೆಂದು ಸೂಚಿಸುತ್ತದೆ.

ನೀವು ಸಲಾಡ್, ಚಾಟ್ ಅಥವಾ ರೈತಾದಲ್ಲಿ ಕಲ್ಲು ಉಪ್ಪು ಅಥವಾ ಕಪ್ಪು ಉಪ್ಪನ್ನು ಸೇರಿಸಬಹುದು. ಈ ಎರಡೂ ಲವಣಗಳು ಸೋಡಿಯಂ ಹೆಚ್ಚಾಗುವುದನ್ನು ತಡೆಯುತ್ತದೆ. ಇದು ಆಹಾರಕ್ಕೆ ರುಚಿಯನ್ನು ಕೂಡ ನೀಡುತ್ತದೆ. ಈ ರೀತಿ ತಿನ್ನುವುದರಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ, ಅಸಿಡಿಟಿ, ಅಜೀರ್ಣ ಮತ್ತು ಗ್ಯಾಸ್ ತಡೆಯುತ್ತದೆ.

ಅತಿಯಾಗಿ ಉಪ್ಪು ತಿನ್ನುವುದರಿಂದ ಎಲ್ಲಾ ವಯಸ್ಸಿನವರ ಮೇಲೆ ಕೂಡ ಪರಿಣಾಮ ಬೀರುತ್ತದೆ, ವಿಶೇಷವಾಗಿ ವೃದ್ಧರು ಮತ್ತು ಗರ್ಭಿಣಿಯರ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ. ಹಾಗಾಗಿ ಹೆಚ್ಚು ಉಪ್ಪನ್ನು ತಿನ್ನಬೇಡಿ. ಅದೇ ರೀತಿ, ಸಲಾಡ್ ಅಥವಾ ಮೊಸರಿಗೆ ಉಪ್ಪು ಹಾಕುವುದನ್ನು ನಿಲ್ಲಿಸಿ.