Health Tips: ತಿಂದ ತಕ್ಷಣ ಮಲಗ್ತೀರಾ? ಹಾಗಾದ್ರೆ ಈ ಸಮಸ್ಯೆ ಬರುವುದು ಗ್ಯಾರಂಟಿ!

ಮಧ್ಯಾಹ್ನ ಚೆನ್ನಾಗಿ ತಿಂದ ನಂತರ ಅನೇಕ ಮಂದಿಗೆ ನಿದ್ರೆ ಬರುತ್ತದೆ. ಮಲಗಿ ಎದ್ದರೆ ಚೆನ್ನಾಗಿರುತ್ತದೆ ಎಂದು ದೇಹ ಹಂಬಲಿಸುತ್ತದೆ. ಇದರಿಂದ ಕೆಲವರು ಕೈತುಂಬಾ ಕೆಲಸವಿದ್ದರೂ ಸ್ವಲ್ಪ ಹೊತ್ತು ಮಲಗುತ್ತಾರೆ. ಹಾಗೇ ತಿಂದ ಮೇಲೆ ತಡೆಯಲಾರದ ನಿದ್ರೆ ಬರಲು ಕಾರಣವೇನು? ತಜ್ಞರು ಇದಕ್ಕೆ ‘ಫುಡ್ ಕೋಮಾ ಎಂದು ಹೆಸರಿಟ್ಟಿದ್ದಾರೆ. ಹಾಗಾದರೆ ಇದರ ಅರ್ಥವೇನು ಮತ್ತು ಇದನ್ನು ಸರಿಪಡಿಸುವ ಮಾರ್ಗಗಳು ಯಾವುವು ಎಂಬುವುದರ ಬಗ್ಗೆ ತಿಳಿದುಕೊಳ್ಳೋಣ ಬನ್ನಿ.

ಫುಡ್ ಕೋಮಾ ಎಂದರೇನು? : ಫುಡ್ ಕೋಮಾದ ವೈದ್ಯಕೀಯ ಹೆಸರನ್ನು ಪೋಸ್ಟ್ಪ್ರಾಂಡಿಯಲ್ ಸೊಮ್ನೊಲೆನ್ಸ್ ಎಂದು ಕರೆಯಲಾಗುತ್ತದೆ. ಅಂದರೆ ತಿಂದ ನಂತರ ಮಲಗುವುದು ಎಂದರ್ಥ. ಫುಡ್ ಕೋಮಾದ ಲಕ್ಷಣಗಳು ತಿಂದ ನಂತರ ತೂಕಡಿಕೆ, ನಿದ್ರೆ, ಯಾವುದೇ ಚಟುವಟಿಕೆಯಲ್ಲಿ ತೊಡಗದೇ ಆಲಸ್ಯ ಅನುಭವ ಆಗುವುದು. ಈ ಸಮಯದಲ್ಲಿ ದೇಹವು ಕಡಿಮೆ ಶಕ್ತಿಯನ್ನು ಹೊಂದಿರುತ್ತದೆ. ಎದ್ದು ಆಕ್ಟೀವ್ ಆಗಿ ಕೆಲಸ ಮಾಡಬೇಕೆಂದರೂ ದೇಹ ಸಹಕರಿಸುವುದಿಲ್ಲ. ಅಂತಹ ರೋಗಲಕ್ಷಣಗಳನ್ನು ಫುಡ್ ಕೋಮಾ ಎಂದು ಕರೆಯಲಾಗುತ್ತದೆ.

ಕಾರಣ 2 : ನೀವು ಪೂರ್ಣವಾಗಿ ಊಟ ಮಾಡಿದ ನಂತರ, ದೇಹವು ಅದನ್ನು ಜೀರ್ಣಿಸಿಕೊಳ್ಳಲು ವಿಶ್ರಾಂತಿ ಕ್ರಮಕ್ಕೆ ಹೋಗುತ್ತದೆ. ಈ ಸಮಯದಲ್ಲಿ, ವಾಗಸ್ ನರವನ್ನು ಉತ್ತೇಜಿಸಲಾಗುತ್ತದೆ. ಇದು ನೀವು ತಿನ್ನುವ ಆಹಾರ ಜೀರ್ಣವಾಗಲು ಸಹಕರಿಸುತ್ತದೆ. ಹಾಗಾಗಿ ನಿದ್ರೆ ಬರುತ್ತದೆ.

ಈ ಫುಡ್ ಕೋಮಾ ಹೋಗಲಾಡಿಸಲು ಏನು ದಾರಿ?: ನಿಮಗೆ ಫುಡ್ ಕೋಮಾ ಏಕೆ ಬರುತ್ತದೆ ಎಂದು ನೀವು ಅರ್ಥಮಾಡಿಕೊಳ್ಳಬಹುದು. ಮನೆಯಿಂದ ಕೆಲಸ ಮಾಡುವವರಿಗೆ ಈ ಫುಡ್ ಕೋಮಾ ಹೆಚ್ಚಾಗಿದೆ ಎನ್ನಲಾಗಿದೆ. ನಮ್ಮ ಆಹಾರ ಪದ್ಧತಿ ಹೆಚ್ಚಾದಾಗಿನಿಂದ, ನಮ್ಮ ಸಂಪೂರ್ಣ ಜೀವನಶೈಲಿ ತಲೆಕೆಳಗಾಗಿದೆ. ಅನೇಕ ಮಂದಿ ವರ್ಕ್ ಫ್ರಮ್ ಹೋಂಗೆ ಹೊಂದಿಕೊಳ್ಳಲು ಹೆಣಗಾಡುತ್ತಿದ್ದಾರೆ.

ಆದ್ದರಿಂದ ಇದನ್ನು ತೊಡೆದುಹಾಕಲು ನೀವು ಮಾಡಬೇಕಾದ ಕೆಲವು ವಿಷಯಗಳು ಇಲ್ಲಿವೆ. ನಿದ್ರೆಯ ದಿನಚರಿಯನ್ನು ಅನುಸರಿಸಿ : ದೈನಂದಿನ ಮಲಗುವ ಸಮಯವನ್ನು ಹೊಂದಿಸಿ ಮತ್ತು ಆ ಸಮಯದೊಳಗೆ ಏಳಲು ಪ್ರಯತ್ನಿಸಿ. ರಾತ್ರಿ 8 ಗಂಟೆಗಳ ಕಾಲ ನಿದ್ರೆ ಮಾಡಿ.

ಕಡಿಮೆ ತಿನ್ನುವುದು: ಅತಿಯಾಗಿ ತಿನ್ನುವುದು ಫುಡ್ ಕೋಮಾಗೆ ಮುಖ್ಯ ಕಾರಣವಾಗಿದೆ. ಆದ್ದರಿಂದ ನಿಮ್ಮ ಆಹಾರ ಸೇವನೆಯನ್ನು ಕಡಿಮೆ ಮಾಡಿ. ಅಲ್ಲದೇ ಭಾರೀ ಊಟಕ್ಕಿಂತ ಮಿತವಾದ ಊಟವನ್ನು ಸೇವಿಸಿ. ಆಗ ನೀವು ಬದಲಾವಣೆಯನ್ನು ಕಾಣುತ್ತೀರಾ.

ಸಕ್ರಿಯರಾಗಿರಿ: ತಿಂದ ತಕ್ಷಣ ಕುಳಿತುಕೊಳ್ಳಬೇಡಿ. ನಿಮ್ಮನ್ನು ಸಕ್ರಿಯವಾಗಿರಿಸಲು ಕೆಲಸಗಳನ್ನು ಮಾಡಿ.

ಆಹಾರದ ಸಮತೋಲನ: ಆಹಾರವು ಸಮತೋಲಿತ ಪೋಷಕಾಂಶಗಳನ್ನು ಹೊಂದಿದೆಯೇ ಎಂದು ಖಚಿತಪಡಿಸಿಕೊಳ್ಳಿ. ಅದಕ್ಕಾಗಿ ಕಾರ್ಬೋಹೈಡ್ರೇಟ್ಗಳನ್ನು ಬಿಟ್ಟುಬಿಡಬೇಡಿ. ಕಾರ್ಬೋಹೈಡ್ರೇಟ್ಗಳು ಶಕ್ತಿಗೆ ಅತ್ಯಗತ್ಯ. ಪ್ರೋಟೀನ್, ಆರೋಗ್ಯಕರ ಕೊಬ್ಬು ಮತ್ತು ತರಕಾರಿಗಳಲ್ಲಿ ಸಮೃದ್ಧವಾಗಿರುವ ಆಹಾರವನ್ನು ಸಹ ಸೇವಿಸಿ.

ಸಮಯಕ್ಕೆ ಸರಿಯಾಗಿ ಊಟ ಮಾಡಿ: ಮೂರು ಹೊತ್ತು ನಿಗದಿತ ಸಮಯದೊಳಗೆ ಊಟವನ್ನು ಸೇವಿಸಿ. ವಿಶೇಷವಾಗಿ ರಾತ್ರಿಯ ಊಟವನ್ನು 8 ಗಂಟೆಗೂ ಮುನ್ನ ಸೇವಿಸಿ. 10 ಗಂಟೆಯ ನಂತರ ತಿನ್ನುವುದು ಮತ್ತು ತಿಂದ ತಕ್ಷಣ ಮಲಗುವುದು ಮುಂತಾದವುಗಳನ್ನು ಮಾಡಬೇಡಿ. ಈ ಅಭ್ಯಾಸವು ಅಧಿಕ ರಕ್ತದೊತ್ತಡ, ಬೊಜ್ಜು ಮತ್ತು ಮಧುಮೇಹದಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು.