Cliff Jumping: ಕ್ಲಿಫ್ ಜಂಪಿಂಗ್ ಮಾಡೋ ಆಸೆನಾ? ಹಾಗಾದ್ರೆ ಭಾರತದ ಈ ಸೂಪರ್ ಪ್ಲೇಸ್​ಗಳಿಗೆ ವಿಸಿಟ್ ಮಾಡಿ

ಜಲಮೂಲಗಳಲ್ಲಿ ಸ್ನಾನ ಮಾಡದೇ ಇರುವುದು ಕಷ್ಟ. ನೀರಿನಲ್ಲಿ ಆಡುವುದಕ್ಕಿಂತ ಎತ್ತರದ ಸ್ಥಳದಿಂದ ನೀರಿಗೆ ಜಿಗಿಯುವುದು ಹೆಚ್ಚಾಗಿ ಎಲ್ಲರಿಗೂ ಖುಷಿ ನೀಡುತ್ತದೆ. ನೀವು ಸಣ್ಣ ಬೆಟ್ಟ ಅಥವಾ ಬಂಡೆ ಮೇಲಿನಿಂದ ಜಿಗಿದರೆ, ಅದರಿಂದ ಸಿಗುವ ಉತ್ಸಾಹ ಮತ್ತೊಂದು ಲೆವಲ್ನಲ್ಲಿಯೇ ಇರುತ್ತದೆ ಎಂದರೆ ತಪ್ಪಾಗಲಾರದು. ಅಂದಹಾಗೇ ಭಾರತದಲ್ಲಿಯೂ ಕ್ಲಿಫ್ ಜಂಪಿಂಗ್ಗೆ ಅನೇಕ ತಾಣಗಳಿದೆ. ಅವುಗಳ ಬಗ್ಗೆ ಒಂದಷ್ಟು ಮಾಹಿತಿ ನಿಮಗಾಗಿ ಈ ಕೆಳಗಿನಂತಿದೆ.

ಕರ್ನಾಟಕದ ಉಡುಪಿ ಕರಾವಳಿಯ ಸೇಂಟ್ ಮೇರಿಸ್ ದ್ವೀಪದಲ್ಲಿ ಕ್ಲಿಫ್ ಜಂಪಿಂಗ್ ತುಂಬಾ ಸುರಕ್ಷಿತವಾಗಿದೆ. ಏಕೆಂದರೆ ಈ ಸ್ಥಳದಲ್ಲಿ ನೀವು 15 ಅಡಿಯಿಂದ ಹಿಡಿದು 35 ಅಡಿ ಎತ್ತರದಿಂದ ಕೂಡ ಜಿಗಿಯಬಹುದು. ಇಲ್ಲಿ ನೀರಿನ ಮಟ್ಟ ಗಣನೀಯವಾಗಿ ಇರುವುದರಿಂದ ಭಯಪಡುವ ಅಗತ್ಯವು ಸಹ ಇಲ್ಲ.

ಉತ್ತರಾಖಂಡದ ಋಷಿಕೇಶದಲ್ಲಿ ರಿವರ್ ರಾಫ್ಟಿಂಗ್ನಂತೆ ಕ್ಲಿಫ್ ಜಂಪಿಂಗ್ ಜನಪ್ರಿಯವಾಗಿದೆ. ಇಲ್ಲಿ 20 ಮೀಟರ್ ಎತ್ತರದಿಂದ ಜಿಗಿಯುವ ಅವಕಾಶ ಸಿಗಲಿದೆ. ಸುರಕ್ಷತೆಗಾಗಿ ಎಲ್ಲ ವ್ಯವಸ್ಥೆ ಮಾಡಿಕೊಂಡಿದ್ದಾರೆ. ಇದು ಹಿಮಾಲಯದಲ್ಲಿ ನೋಡಲೇಬೇಕಾದ ಸ್ಥಳಗಳಲ್ಲಿ ಒಂದಾಗಿದೆ.

ಗೋವಾದ ಒಳಭಾಗದಲ್ಲಿರುವ ಪಶ್ಚಿಮ ಘಟ್ಟಗಳ ಕಾಡುಗಳು ಮಳೆಗಾಲದಲ್ಲಿ ಅದ್ಭುತವಾಗಿರುತ್ತವೆ. ಈ ಸಮಯದಲ್ಲಿ ಸ್ಥಳೀಯ ಮಾರ್ಗದರ್ಶಿಯನ್ನು ಕೇಳಿದರೆ ಅನೇಕ ಆಸಕ್ತಿದಾಯಕ ಸಣ್ಣ ಅಥವಾ ದೊಡ್ಡ ಜಲಮೂಲಗಳ ಬಗ್ಗೆ ಹೇಳಬಹುದು. ಇಲ್ಲಿ ಕ್ಲಿಫ್ ಜಂಪಿಂಗ್ ಮಾಡುವುದರಿಂದ ಖಂಡಿತವಾಗಿಯೂ ಸಖತ್ ಮಜಾವಾಗಿರುತ್ತದೆ.

ಮಧ್ಯಪ್ರದೇಶದ ಬಡಗಟ್ ಪ್ರದೇಶವು ಬಂಡೆಗಳಿಗೆ ಹೆಸರುವಾಸಿಯಾಗಿದೆ. ಹೊರ ದೇಶಗಳಲ್ಲಿ ಕಾಣುವಂತೆ ಎರಡು ದೊಡ್ಡ ಬಂಡೆಗಳ ನಡುವೆ ನದಿ ಹಾದು ಹೋಗುವುದನ್ನು ನೋಡಬಹುದು. ಇಲ್ಲಿ ಕ್ಲಿಫ್ ಜಂಪಿಂಗ್ ಒಂದು ಅನನ್ಯ ಅನುಭವ ನೀಡುತ್ತದೆ. ಇಲ್ಲಿ ರಿವರ್ ರಾಫ್ಟಿಂಗ್ ಕೂಡ ಮಾಡಬಹುದು.

ಸಣಾಪುರ ಸರೋವರವು ಹಂಪಿಯಲ್ಲಿದೆ, ಇದು ಕರ್ನಾಟಕ ರಾಜ್ಯದ ವಿಜಯನಗರ ಸಾಮ್ರಾಜ್ಯದ ಕರಕುಶಲತೆಗೆ ಹೆಸರುವಾಸಿಯಾಗಿದೆ. ಹತ್ತಿರದಲ್ಲಿರುವ ಬಂಡೆಗಳು ತುಂಬಾ ಎತ್ತರವಾಗಿಲ್ಲ, ಇಲ್ಲಿ ಎಲ್ಲಾ ವಯಸ್ಸಿನವರು ಕೂಡ ಕ್ಲಿಫ್ ಜಂಪಿಂಗ್ ಟ್ರೈ ಮಾಡಬಹುದು.

ಮೇಘಾಲಯದ ರಾಜಧಾನಿ ಶಿಲ್ಲಾಂಗ್ನಿಂದ ಸುಮಾರು 65 ಕಿಮೀ ದೂರದಲ್ಲಿರುವ ಜೋವಿಯಲ್ಲಿರುವ ಕ್ರಾಂಗ್ ಸೂರಿ ಜಲಪಾತವು ಕ್ಲಿಫ್ ಜಂಪಿಂಗ್ಗೆ ಬೆಸ್ಟ್ ಪ್ಲೇಸ್ ಆಗಿದೆ. ಏಕೆಂದರೆ ಇಲ್ಲಿನ ಜಲಪಾತಗಳು ತುಂಬಾ ಎತ್ತರವಾಗಿಲ್ಲ. ಜಂಪ್ ಮಾಡಲು ತುಂಬಾ ಸುರಕ್ಷಿತ ಮತ್ತು ವಿನೋದಮಯವಾಗಿವೆ.

ತೆಲಂಗಾಣದ ಮಹಬೂಬ್ನಗರದಲ್ಲಿರುವ ಪಂಗಲ್ ಕೋಟೆ ಸಂಕೀರ್ಣದ ಭಾಗವು ಜಲಮೂಲಗಳನ್ನು ಹೊಂದಿದೆ. ಇಲ್ಲಿ, ಸ್ಥಳೀಯ ಪ್ರವಾಸಿಗರು ಕ್ಲಿಫ್ ಜಂಪಿಂಗ್ ಇಷ್ಟಪಡುತ್ತಾರೆ. ಇಲ್ಲಿ ಎತ್ತರ ಹೆಚ್ಚಿಲ್ಲದಿದ್ದರೂ ಸುರಕ್ಷತೆಗಾಗಿ ಲೈಫ್ ಜಾಕೆಟ್ಗಳನ್ನು ನೀಡಲಾಗಿದೆ.