Weight loss Facts: ತೂಕ ಇಳಿಸೋಕೆ ನಿಂಬೆ ನಿಜಕ್ಕೂ ಎಷ್ಟು ಪ್ರಯೋಜನಕಾರಿ? ಇಲ್ಲಿದೆ ಸತ್ಯಾಂಶ

ತೂಕ ಇಳಿಸು ವ್ಯಾಯಾಮ ಮಾಡಿದ ನಂತರ ಆಯಾಸ ಮತ್ತು ನಿರಂತರ ಸುಸ್ತು ಇರುತ್ತದೆ. ಆ ಸಮಸ್ಯೆಯಿಂದ ಹೊರಬರಲು ವಿವಿಧ ವಿಧಾನಗಳನ್ನು ಬಳಸಲಾಗುತ್ತದೆ. ಆದರೆ, ಜಿಮ್‌ಗೆ ಹೋಗಲು ಸಾಧ್ಯವಾಗದವರು, ನಿಂಬೆ ರಸವನ್ನು ಕುಡಿಯುವುದು ಉತ್ತಮ ಎನ್ನಲಾಗುತ್ತದೆ.

ನೀವು  ನಿಂಬೆ ರಸವನ್ನು ಕುಡಿದರೆ ನೀವು ನಿಜವಾಗಿಯೂ ತೂಕವನ್ನು ಕಳೆದುಕೊಳ್ಳುತ್ತೀರಾ? ಯೂಟ್ಯೂಬ್ ನಲ್ಲಿ ಏನೇ ನೋಡಿದರೂ. ಯಾವುದೇ ಸಾಮಾಜಿಕ ಜಾಲತಾಣಗಳಲ್ಲಿ ಹುಡುಕಿದರೂ ತೂಕ ಇಳಿಸಿಕೊಳ್ಳಲು ಸುಲಭ ಉಪಾಯ ಎಂದೇ ಹೇಳುತ್ತಾರೆ.

ನೀವು ತೂಕ ಇಳಿಸುವ ಪ್ರಕ್ರಿಯೆಯಲ್ಲಿದ್ದರೆ ನಿಂಬೆ ರಸವನ್ನು ಕುಡಿದರೆ ಏನಾಗುತ್ತದೆ. ನಿಜವಾಗಿಯೂ ತೂಕ ಇಳಿಸಲು ಸಹಾಯ ಮಾಡುತ್ತದೆಯೇ| ಇದು ವೈಜ್ಞಾನಿಕವಾಗಿ ಸಾಬೀತಾಗಿದೆಯೇ ಎಂದು ಹಲವರು ಪ್ರಶ್ನಿಸಬಹುದು, ಆದರೆ ಪ್ರಪಂಚದಾದ್ಯಂತ ನಡೆಸಿದ ನೂರಾರು ಅಧ್ಯಯನಗಳ ಬಳಿ ನಿಂಬೆ ನೀರು ತೂಕವನ್ನು ಕಡಿಮೆ ಮಾಡುತ್ತದೆ ಎಂದು ಸಾಬೀತಾಗಿಲ್ಲ.

ಇತ್ತೀಚೆಗೆ, ಸ್ಪೇನ್‌ನ ಬಾರ್ಸಿಲೋನಾ ವಿಶ್ವವಿದ್ಯಾಲಯದ ಸಂಶೋಧಕರು ತೂಕ ಇಳಿಕೆ ಮತ್ತು ನಿಂಬೆ ರಸದ ನಡುವಿನ ಸಂಬಂಧವನ್ನು ಕಂಡುಹಿಡಿಯಲು ಪ್ರಯತ್ನಿಸಿದರು. ಈ ಅಧ್ಯಯನದ ಪ್ರಕಾರ ನಿಂಬೆ ಸಿಟ್ರಿಕ್ ಆಮ್ಲದಲ್ಲಿ ಸಮೃದ್ಧವಾಗಿದೆ. ಇದು ಯಕೃತ್ತಿನ ಸಮಸ್ಯೆಗಳನ್ನು ಗುಣಪಡಿಸುತ್ತದೆ ಎಂದು ಸಾಬೀತಾಗಿದೆ. ಅಲ್ಲದೆ ನಿಂಬೆ ನಮ್ಮ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಆಶ್ಚರ್ಯಕರವಾಗಿ ಕಡಿಮೆ ಮಾಡುತ್ತದೆ ಎಂದು ಈ ಅಧ್ಯಯನವು ಕಂಡುಹಿಡಿದಿದೆ.

ಸಿಟ್ರಿಕ್ ಆಮ್ಲವು ಯಕೃತ್ತಿನ ಸುತ್ತಲಿನ ಕೊಬ್ಬನ್ನು ಕರಗಿಸಲು ಸಹಾಯ ಮಾಡುತ್ತದೆ ಮತ್ತು ಪಿತ್ತಕೋಶವು ಸರಾಗವಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ ಎಂಬುದು ಆಯುರ್ವೇದ ವೈದ್ಯರ ಸಲಹೆ. ಮೂರು ತಿಂಗಳ ಕಾಲ ಪ್ರತಿದಿನ ನಿಂಬೆ ರಸವನ್ನು ಸೇವಿಸುವ ವ್ಯಕ್ತಿಗಳ ಯಕೃತ್ತಿನಲ್ಲಿ ಉತ್ತಮ ಬದಲಾವಣೆಗಳನ್ನು ಗಮನಿಸಲಾಗಿದೆ.

ವಿಜ್ಞಾನಿಗಳು ನಿರ್ದಿಷ್ಟವಾಗಿ ಜೀರ್ಣಾಂಗ ವ್ಯವಸ್ಥೆಯ ಕಾರ್ಯಚಟುವಟಿಕೆಗಳಲ್ಲಿನ ಬದಲಾವಣೆಗಳನ್ನು ಗಮನಿಸಿದ್ದಾರೆ. ಕೊಬ್ಬನ್ನು ಸುಡುವ ಹಾರ್ಮೋನ್ ಅನ್ನು ಸಕ್ರಿಯಗೊಳಿಸುವಲ್ಲಿ ಸಿಟ್ರಿಕ್ ಆಮ್ಲವು ಒಂದು ಪ್ರಮುಖ ಪಾತ್ರವನ್ನು ವಹಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ.

ದೇಹದಲ್ಲಿ ಸಂಗ್ರಹವಾಗಿರುವ ಕೊಬ್ಬನ್ನು ಕರಗಿಸುವ ಔಷಧೀಯ ಗುಣ ನಿಂಬೆರಸದಲ್ಲಿದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಅಧಿಕ ತೂಕ ಹೊಂದಿರುವ ಜನರು ನಿಂಬೆ ರಸವನ್ನು ಕುಡಿಯುವುದರಿಂದ ತೂಕ ಇಳಿಸಲು ಸಹಕಾರಿ ಎನ್ನಲಾಗುತ್ತದೆ. ಜೊತೆಗೆ, ಇದನ್ನು ಕುಡಿಯುವುದರಿಂದ ರಕ್ತ ಪರಿಚಲನೆ ಸುಧಾರಿಸುತ್ತದೆ.

ತೂಕ ಇಳಿಕೆಯಷ್ಟೇ ಅಲ್ಲ, ಹೃದ್ರೋಗ ಸಮಸ್ಯೆಗೆ ಸಹ ಇದು ಪರಿಹಾರ ಎನ್ನಲಾಗುತ್ತದೆ. ಮಧುಮೇಹ ಇರುವವರು ನಿಂಬೆಹಣ್ಣಿನ ರಸವನ್ನು ಕುಡಿದರೆ ಅವರ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವು ನಿಯಂತ್ರಣದಲ್ಲಿರುತ್ತದೆ.