Abhyanga Massage: ಆಯುರ್ವೇದ ಅಭ್ಯಂಗ ಮಸಾಜ್ ಮಾಡಿ, ವಯಸ್ಸಾಗೋದನ್ನು ತಡೆಯುತ್ತೆ ನೋಡಿ!

ವಯಸ್ಸಾಗುತ್ತಾ ಹೋದಂತೆ ವ್ಯಕ್ತಿಯ ದೇಹದ ಮೇಲೆ ಅದರಲ್ಲೂ ಮುಖ ಮತ್ತು ಕೈಗಳ ಚರ್ಮವು ಏಜಿಂಗ್ ಸಂಕೇತ ಗೋಚರಿಸುತ್ತವೆ. ವಯಸ್ಸಾದಂತೆ ದೇಹದ ಜೀವಕೋಶಗಳು ನಿಧಾನವಾದಾಗ ವಯಸ್ಸಾಗುವಿಕೆ ಪ್ರಕ್ರಿಯೆಗೆ ಒಳಗಾಗುತ್ತವೆ. ಆದರೆ ಇತ್ತೀಚಿನ ದಿನಗಳಲ್ಲಿ ಚಿಕ್ಕ ವಯಸ್ಸಿನಲ್ಲೇ ಏಜಿಂಗ್ ಸಮಸ್ಯೆ ಉಂಟಾಗುತ್ತಿದೆ.

ವಯಸ್ಸಾಗುವಿಕೆ ಸಮಸ್ಯೆಯ ಸಂಕೇತಗಳು ಹೀಗಿವೆ. ಒಣ ಕಣ್ಣುಗಳು, ಒಣ ತುಟಿ, ಚರ್ಮ ಸುಕ್ಕು ಆಗುವುದು, ಬೂದು ಕೂದಲು, ಕೀಲುಗಳು ಕರ್ ಕರ್ ಎಂಬ ಶಬ್ಧ, ನಿದ್ರಾಹೀನತೆ, ಆತಂಕ, ಚಡಪಡಿಕೆ, ನ್ಯೂರೋ ಡಿಜೆನೆರೇಟಿವ್ ಡಿಸಾರ್ಡರ್, ನರಗಳ ಕ್ಷೀಣತೆ, ಪಾರ್ಶ್ವವಾಯು, ಬೆನ್ನು ನೋವು, ಹರ್ನಿಯೇಟೆಡ್ ಡಿಸ್ಕ್, ಗರ್ಭಕಂಠ ಹಾಗೂ ಸ್ಪಾಂಡಿಲೈಟಿಸ್, ಪಾರ್ಕಿನ್ಸನ್, ಬುದ್ಧಿಮಾಂದ್ಯತೆ ಸೇರಿ ಹದಿನೇಳು ಕಾರಣಗಳಿವೆ.

ಯೌವ್ವನದಲ್ಲಿ ಈ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ನಿಮ್ಮ ದೇಹವು ಚಿಕ್ಕ ವಯಸ್ಸಿನಲ್ಲಿ ಏಜಿಂಗ್ ಪ್ರಕ್ರಿಯೆಗೆ ತುತ್ತಾಗುತ್ತಿದೆ ಎಂದರ್ಥ. ಇದನ್ನು ತಪ್ಪಿಸಲು ಆಯುರ್ವೇದದಲ್ಲಿ ಪ್ರತಿದಿನ ಆಯುರ್ವೇದ ಅಭ್ಯಂಗ್ ಮಸಾಜ್ ಮಾಡಲು ಸೂಚಿಸುತ್ತದೆ.

ಆಯುರ್ವೇದದ ಅಭ್ಯಂಗ್ ಪ್ರಕ್ರಿಯೆ ಎಂದರೆ ಅಭ್ಯಂಗವನ್ನು ಆಯುರ್ವೇದದಲ್ಲಿ ಅಭ್ಯಂಗಂ ಎನ್ನುತ್ತಾರೆ. ಈ ಪ್ರಾಚೀನ ಆಯುರ್ವೇದ ವಿಧಾನದಲ್ಲಿ ದೇಹದ ಎಲ್ಲಾ ಭಾಗಗಳನ್ನು ಅಂದರೆ ಅಂಗಾಂಶಗಳನ್ನು ಉಗುರು ಬೆಚ್ಚಗಿನ ಎಣ್ಣೆಯಿಂದ ಮಸಾಜ್ ಮಾಡಬೇಕು. ಇದು ಅಸಮತೋಲಿತ ದೋಷಗಳನ್ನು ಶಾಂತಗೊಳಿಸುತ್ತದೆ.

ಆಯುರ್ವೇದ ಅಭ್ಯಂಗಮ್ ಮಸಾಜ್ ಮಾಡುವ ಸರಿಯಾದ ವಿಧಾನ ಅಂದ್ರೆ ಇದನ್ನು ದೇಹದ ಕೂದಲು ಯಾವ ದಿಕ್ಕಿಗೆ ಇದೆಯೋ ಅದೇ ದಿಕ್ಕಿನಲ್ಲಿ ಮಾಡಬೇಕು. ಇದರ ಹಿಂದಿನ ವೈಜ್ಞಾನಿಕ ಕಾರಣ ಅಂದ್ರೆ ಇದು ದೇಹದಲ್ಲಿ ರಕ್ತದ ಹರಿವು ಹೆಚ್ಚಿಸುತ್ತದೆ. ಮತ್ತು ಸಾಕಷ್ಟು ಆಮ್ಲಜನಕ ಮತ್ತು ಪೌಷ್ಟಿಕಾಂಶ ದೇಹದ ಎಲ್ಲಾ ಭಾಗಗಳಿಗೂ ತಲುಪುತ್ತದೆ.

ಅಭ್ಯಂಗ ಮಸಾಜ್ ಮಾಡಲು ಸರಿಯಾದ ಸಮಯ ಅಂದ್ರೆ ನೀವು ಇದನ್ನು ಪ್ರತಿದಿನ ಮಾಡಬಹುದು. ಪ್ರತಿದಿನ ಸ್ನಾನ ಮಾಡುವ ಮೊದಲು ಅಭ್ಯಂಗ ಮಸಾಜ್ ಮಾಡಿ, ಕೆಲ ಹೊತ್ತು ಬಿಸಿಲಿನಲ್ಲಿ ಕುಳಿತುಕೊಳ್ಳಿ. ದಿನವೂ ಆಗದಿದ್ದರೆ ವಾರದಲ್ಲಿ ಮೂರು ದಿನ ಅಥವಾ ವಾರಕ್ಕೊಮ್ಮೆಯಾದರೂ ದಿನಚರಿಯಲ್ಲಿ ಸೇರಿಸಿ.

ಯಾವ ಸಂದರ್ಭದಲ್ಲಿ ಅಭ್ಯಂಗ ಮಸಾಜ್ ಮಾಡಬಾರದು. ಗರ್ಭಾವಸ್ಥೆಯಲ್ಲಿ, ಋತುಚಕ್ರದ ವೇಳೆ, ಗಾಯದ ಮೇಲೆ, ಗೌಟ್, ಸಂಧಿವಾತ, ಅಧಿಕ ರಕ್ತದೊತ್ತಡ, ಕ್ಯಾನ್ಸರ್ ರೋಗಿಗಳು ಚೇತರಿಸಿಕೊಳ್ಳುವವರೆಗೆ, ಜ್ವರ, ವಾಂತಿ, ಅತಿಸಾರ, ಜೀರ್ಣಕಾರಿ ಅಸ್ವಸ್ಥತೆ, ಪಂಚಕರ್ಮದ ನಂತರ, ಕೊಬ್ಬಿನ ಯಕೃತ್ತು, ತೀವ್ರವಾದ ಉರಿಯೂತ, ರೋಗಗ್ರಸ್ತ ಸ್ಥೂಲಕಾಯದ ಸಮಯದಲ್ಲಿ ಮಾಡಬಾರದು.

ದೇಹದ ಅಭ್ಯಂಗ ಮಸಾಜ್‌ ಗೆ ವ್ಯಕ್ತಿಯ ದೇಹದ ಸ್ವಭಾವಕ್ಕೆ ಅನುಗುಣವಾಗಿ ಆಯ್ಕೆ ಮಾಡಬೇಕಾಗುತ್ತದೆ. ಇದಕ್ಕಾಗಿ ಆಯುರ್ವೇದ ತಜ್ಞರ ಸಲಹೆ ಪಡೆಯಿರಿ. ಎಳ್ಳಿನ ಎಣ್ಣೆಯನ್ನು ವಾತ ದೋಷವಿದ್ದವರು ಮಾಡಬಹುದು. ತೆಂಗಿನ ಎಣ್ಣೆಯನ್ನು ವಾತ ಮತ್ತು ಪಿತ್ತ ದೋಷವಿದ್ದವರು ಅಭ್ಯಂಗ ಮಸಾಜ್ ಗೆ ಬಳಸಿ. ಅಭ್ಯಂಗ ಮಸಾಜ್ ನಂತರ ದೇಹವನ್ನು ದ್ವಿದಳ ಧಾನ್ಯದ ಪುಡಿ ಅಥವಾ ಕಾಳು ಹಿಟ್ಟಿನಿಂದ ಉದ್ವರ್ತನ ಮಾಡಿ. ನಂತರ ಉಗುರುಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ.