Cigarette: ನೀವು ಹೆಚ್ಚು ಧೂಮಪಾನ ಮಾಡ್ತೀರಾ? ಇದ್ದಕ್ಕಿದ್ದಂತೆ ಈ ಅಭ್ಯಾಸ ಬಿಟ್ರೆ ಏನಾಗುತ್ತೆ ಗೊತ್ತಾ?

ಧೂಮಪಾನ ಆರೋಗ್ಯಕ್ಕೆ ಹಾನಿಕರ ಎಂಬ ವಿಚಾರ ಎಲ್ಲರಿಗೂ ಗೊತ್ತಿದೆ. ಹೀಗಿದ್ದರೂ ಚಟನೋ, ಶೋಕಿನೋ ಅದೆಷ್ಟೋ ಮಂದಿ ಧೂಮಪಾನಕ್ಕೆ ದಾಸರಾಗಿದ್ದಾರೆ. ದಿನೇ, ದಿನೇ ಧೂಮಪಾನ ಮಾಡುವವರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ಚಿಕ್ಕ ವಯಸ್ಸಿನಲ್ಲಿಯೇ ಈ ಚಟಕ್ಕೆ ಬೀಳುವ ಜನರು ನಂತ್ರ ಚಟ ಬಿಡಲು ಸಾಧ್ಯವಾಗದೆ ತೊಂದರೆ ಅನುಭವಿಸ್ತಾರೆ. ಸಣ್ಣ ವಯಸ್ಸಿನಲ್ಲಿಯೇ ಸಾವು ತಂದುಕೊಂಡವರ ಸಂಖ್ಯೆ ಹೆಚ್ಚಿದೆ. ಧೂಮಪಾನ ಹಾಗೂ ಗುಟ್ಕಾ ಸೇವನೆಯಿಂದ ಹಲವು ಗಂಭೀರ ಕಾಯಿಲೆಗಳು ಬರುವ ಅಪಾಯವಿದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

ಆದರೆ, ಈ ಕೆಟ್ಟ ಚಟವನ್ನು ಬಿಡುವುದರಿಂದ ಆಗುವ ಆರೋಗ್ಯ ಪ್ರಯೋಜಗಳೆಷ್ಟಿದೆ ಅಂತ ಅದೆಷ್ಟೋ ಮಂದಿಗೆ ತಿಳಿದಿಲ್ಲ. ಹೀಗಾಗಿ ಅಂಥಹವರಿಗಾಗಿ ಒಂದಷ್ಟು ಮಾಹಿತಿ ಈ ಕೆಳಗಿನಂತಿದೆ. ಧೂಮಪಾನ ಬಿಟ್ಟ 20 ನಿಮಿಷಗಳ ನಂತರ ಹೃದಯದ ಬಡಿತ ಹಾಗೂ ರಕ್ತದೊತ್ತಡ ಕುಸಿತಗೊಳ್ಳುವುದನ್ನು ಕಾಣಬಹುದು. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

ಧೂಮಪಾನ ಅಭ್ಯಾಸವನ್ನು ತ್ಯಜಿಸಿದ ಕೆಲವೇ ದಿನಗಳಲ್ಲಿ ರಕ್ತದಲ್ಲಿನ ಕಾರ್ಬನ್ ಮಾನಾಕ್ಸೈಡ್ ಮಟ್ಟವು ಸಾಮಾನ್ಯ ಸ್ಥಿತಿಗೆ ಇಳಿಕೆ ಆಗುತ್ತದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

2 ವಾರ ಅಥವಾ 3 ತಿಂಗಳ ಬಳಿಕ ಸಿಗರೇಟು ಸೇದುವುದನ್ನು ಬಿಟ್ಟ ಬಳಿಕ ರಕ್ತಪರಿಚಲನೆ ಸುಧಾರಿಸುತ್ತದೆ, ಶ್ವಾಸಕೋಶದ ಕಾರ್ಯವು ಹೆಚ್ಚಾಗುತ್ತದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

ನಿರಂತರವಾಗಿ ಸಿಗರೇಟು ಸೇದುತ್ತಿದ್ದ ನೀವು 12 ತಿಂಗಳ ನಂತರ ಈ ಅಭ್ಯಾಸವನ್ನು ಬಿಟ್ಟರೇ, ಕೆಮ್ಮು, ಉಸಿರಾಟ ತೊಂದರೆ, ಸಿಲಿಯಾ ಸಾಮಾನ್ಯ ಕಾರ್ಯವನ್ನು ಮರಳಿ ಪಡೆಯಲು ಪ್ರಾರಂಭಿಸುತ್ತದೆ, ಶ್ವಾಸಕೋಶವನ್ನು ಸ್ವಚ್ಛಗೊಳಿಸುವ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

ಒಂದು ವೇಳೆ ಒಂದು ವರ್ಷ ಅಥವಾ ಎರಡು ವರ್ಷಗಳ ಬಳಿಕ ಸಿಗರೇಟನ್ನು ನೀವು ತ್ಯಜಿಸಿದರೆ, ಇದರಿಂದ ಹೃದಯಾಘಾತದ ಅಪಾಯದಿಂದ ನಿಮ್ಮನ್ನು ಪಾರು ಮಾಡಿಕೊಳ್ಳಬಹುದು. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

5-10 ವರ್ಷಗಳ ಬಳಿಕ ಸಿಗರೇಟು ಸೇದುವುದನ್ನು ನಿಲ್ಲಿಸಿದರೆ, ಬಾಯಿ, ಗಂಟಲು ಮತ್ತು ಧ್ವನಿಪೆಟ್ಟಿಗೆಯ (ಲಾರೆಂಕ್ಸ್) ಕ್ಯಾನ್ಸರ್ ಅಪಾಯವನ್ನು ಅರ್ಧದಷ್ಟು ಕಡಿಮೆ ಮಾಡಿಕೊಳ್ಳಬಹುದು. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

10 ವರ್ಷಗಳ ಬಳಿಕ ಸಿಗರೇಟು ತ್ಯಜಿಸಿದ ವ್ಯಕ್ತಿಗೆ ಶ್ವಾಸಕೋಶದ ಕ್ಯಾನ್ಸರ್ನ ಬರುವ ಸಾಧ್ಯತೆ ಸರಿಸುಮಾರು ಅರ್ಧದಷ್ಟು ಕಡಿಮೆ ಆಗುತ್ತದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)

ಒಂದು ವೇಳೆ 15 ವರ್ಷಗಳ ಬಳಿಕ ಧೂಮಪಾನ ಅಭ್ಯಾಸವನ್ನು ಬಿಟ್ಟರೆ ಪರಿಧಮನಿಯ ಹೃದಯ ಕಾಯಿಲೆಯ ಅಪಾಯವು ಬರುವ ಸಾಧ್ಯತೆ ಇದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ)