Women Health: 40 ವರ್ಷ ದಾಟಿದ ಮಹಿಳೆಯರು ಈ ಫುಡ್ ತಿಂದ್ರೆ ಇನ್ನಷ್ಟು ಹೆಲ್ದಿಯಾಗಿರ್ತೀರಾ!

ನಲವತ್ತು ವಯಸ್ಸಿನ ನಂತರ ಮಹಿಳೆಯರ ಜೀವನದಲ್ಲಿ ಅನೇಕ ಬದಲಾವಣೆಗಳು ಉಂಟಾಗುತ್ತವೆ. ಇಂತಹ ಸಮಯದಲ್ಲಿ ಜೀವನದ ಜೊತೆಗೆ ದೇಹದಲ್ಲಿ ಅನೇಕ ಬದಲಾವಣೆಗಳು ಉಂಟಾಗುತ್ತವೆ. ಹಾರ್ಮೋನ್ ಬದಲಾವಣೆಗಳು, ತೂಕ ಹೆಚ್ಚಾಗುವುದು, ಋತುಬಂಧ ಸಮಸ್ಯೆ ಹೀಗೆ ಎಲ್ಲಾ ಬದಲಾವಣೆಗಳು ದೇಹದಲ್ಲಿ ಉಂಟಾಗುತ್ತವೆ.

ಮಾನಸಿಕ ಆರೋಗ್ಯದ ಮೇಲೆ ವಯಸ್ಸು ಮತ್ತು ದೈಹಿಕ ಕಾಯಿಲೆಗಳು ಮತ್ತು ಸಮಸ್ಯೆಗಳು ಕೆಟ್ಟ ಪರಿಣಾಮ ಬೀರುತ್ತವೆ. ದೇಹದಲ್ಲಿ ಹಲವು ಬದಲಾವಣೆಗಳನ್ನು ಸರಿಯಾಗಿ ಇಟ್ಟುಕೊಳ್ಳಲು ನೀವು ಆರೋಗ್ಯಕರ ದಿನಚರಿ ಮತ್ತು ವ್ಯಾಯಾಮದಿಂದ ಬದಲಾವಣೆ ಮಾಡುವ ಮೂಲಕ ಲಕ್ಷಣಗಳನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಬಹುದು. 40 ರ ನಂತರ ಮಹಿಳೆಯರಿಗೆ ಬಹಳ ಮುಖ್ಯವಾದ ಕೆಲವು ಪೋಷಕಾಂಶಗಳಿವೆ.

ವಯಸ್ಸು 40 ದಾಟುತ್ತಿದ್ದಂತೆಯೇ ಯಾವ ಪೋಷಕಾಂಶಗಳನ್ನು ತೆಗೆದುಕೊಳ್ಳಬೇಕು ಅಥವಾ ಯಾವ ರೀತಿಯ ಆಹಾರ ಸೇವಿಸಬೇಕು ಎಂಬುದು ಗೊತ್ತೇ ಇರದ ಅನೇಕ ಮಹಿಳೆಯರು ಇದ್ದಾರೆ. ಹಾಗಾಗಿ ಇಲ್ಲಿ ನಾವು ವಯಸ್ಸು 40 ದಾಟುತ್ತಿದ್ದಂತೆ ಎಂತಹ ಪೋಷಕಾಂಶಗಳ ಸೇವನೆ ಮಾಡಿದರೆ ಒಟ್ಟಾರೆ ಆರೋಗ್ಯ ಚೆನ್ನಾಗಿರಲು ಸಾಧ್ಯ ಎಂಬುದನ್ನು ನೋಡೋಣ.

ಮಹಿಳೆಯರು ವಯಸ್ಸಾದಂತೆ ಅವರ ಪೋಷಕಾಂಶಗಳ ಅಗತ್ಯತೆಗಳು ಸಹ ಬದಲಾಗುತ್ತವೆ. 40 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರು ತಮ್ಮ ಆಹಾರಕ್ರಮದಲ್ಲಿ ತಪ್ಪದೇ ಸೇರಿಸಬೇಕಾದ ಕೆಲವು ಅಗತ್ಯ ಪೋಷಕಾಂಶಗಳು ಇವೆ. Ga-3 ಕೊಬ್ಬಿನಾಮ್ಲಗಳು ದೇಹದಾದ್ಯಂತ ರಕ್ತದ ಹರಿವು ಹೆಚ್ಚಿಸುವ ಸಾಧ್ಯತೆಯಿದೆ. ಇವು ನೋವಿನ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

ಕ್ಯಾಲ್ಸಿಯಂ. 40 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರು ಆಸ್ಟಿಯೊಪೊರೋಸಿಸ್ ಕಾಯಿಲೆಗೆ ತುತ್ತಾಗುವ ಸಾಧ್ಯತೆ ಹೆಚ್ಚು. ಹಾಗಾಗಿ ಇವರು ತಮ್ಮ ಆಹಾರದಲ್ಲಿ ಕ್ಯಾಲ್ಸಿಯಂ ಪದಾರ್ಥ ಸೇರಿಸುವುದು ಮುಖ್ಯ. ಮೂಳೆಯ ಆರೋಗ್ಯ ಕಾಪಾಡಿಕೊಳ್ಳಲು ಸಾಕಷ್ಟು ಕ್ಯಾಲ್ಸಿಯಂ ಪಡೆಯುವುದು ಮುಖ್ಯವಾಗಿದೆ. ಕ್ಯಾಲ್ಸಿಯಂನ ಉತ್ತಮ ಮೂಲಗಳಲ್ಲಿ ಡೈರಿ ಉತ್ಪನ್ನಗಳು, ಎಲೆಗಳ ಹಸಿರು ತರಕಾರಿಗಳು ಸೇವನೆ ಮಾಡಿ.

ವಿಟಮಿನ್ ಡಿ. ಮೂಳೆ ಆರೋಗ್ಯಕ್ಕೆ ವಿಟಮಿನ್ ಡಿ ಮುಖ್ಯ. ಇದು ದೇಹವು ಕ್ಯಾಲ್ಸಿಯಂ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. 40 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರಿಗೆ ಸೂರ್ಯನ ಬೆಳಕಿನಿಂದ ಸಾಕಷ್ಟು ವಿಟಮಿನ್ ಡಿ ಸಿಗುವುದಿಲ್ಲ. ಹಾಗಾಗಿ ಕೊಬ್ಬಿನ ಮೀನು ಮತ್ತು ಬಲವರ್ಧಿತ ಆಹಾರ ವಿಟಮಿನ್ ಡಿ ಸಮೃದ್ಧ ಆಹಾರ ಸೇವಿಸಿ. ವಿಟಮಿನ್ ಡಿ ಪೂರಕ ಸೇವಿಸಿ.

ಮೆಗ್ನೀಸಿಯಮ್ ಪದಾರ್ಥ ತಪ್ಪದೇ ನಿಯಮಿತ ಆಹಾರದಲ್ಲಿ ಸೇರಿಸಿ. ಮೆಗ್ನೀಸಿಯಮ್ ಮೂಳೆಯ ಆರೋಗ್ಯಕ್ಕೆ ಮತ್ತು ಸ್ನಾಯು ಮತ್ತು ನರಗಳ ಕಾರ್ಯಕ್ಕೆ ಮುಖ್ಯವಾಗಿದೆ. ಮೆಗ್ನೀಸಿಯಮ್ನ ಉತ್ತಮ ಮೂಲಗಳಲ್ಲಿ ಬೀಜಗಳು, ಧಾನ್ಯಗಳು ಮತ್ತು ಹಸಿರು ಎಲೆಗಳ ತರಕಾರಿಗಳು ಸೇರಿವೆ. ಒಮೆಗಾ -3 ಕೊಬ್ಬಿನಾಮ್ಲ ಹೃದಯ, ಮೆದುಳು, ಉರಿಯೂತವನ್ನು ಕಡಿಮೆ ಮಾಡಲು ಮುಖ್ಯ.

ಫೈಬರ್ ಸಮೃದ್ಧ ಆಹಾರ ಸೇವಿಸಿ. ಮಹಿಳೆಯರು ವಯಸ್ಸಾದಂತೆ, ಅವರ ಜೀರ್ಣಕ್ರಿಯೆ ನಿಧಾನವಾಗಬಹುದು, ಆರೋಗ್ಯಕರ ತೂಕ ಕಾಪಾಡಿಕೊಳ್ಳಲು ಹೆಚ್ಚು ಕಷ್ಟವಾಗುತ್ತದೆ. ಫೈಬರ್ ಸಮೃದ್ಧ ಆಹಾರ ತಿನ್ನುವುದು ಜೀರ್ಣಾಂಗ ವ್ಯವಸ್ಥೆಯನ್ನು ಆರೋಗ್ಯಕರವಾಗಿರಿಸಲು ಮತ್ತು ತೂಕ ನಿರ್ವಹಣೆ ಉತ್ತೇಜಿಸಲು ಸಹಾಯ ಮಾಡುತ್ತದೆ. ಹಣ್ಣು, ತರಕಾರಿ, ಧಾನ್ಯ ಮತ್ತು ದ್ವಿದಳ ಧಾನ್ಯ ಸೇವನೆ ಮಾಡಿ.