Health Care: ಮಹಿಳೆಯರು ನಲವತ್ತರ ನಂತರ ಯಾವ ಆಹಾರ ಸೇವಿಸಬೇಕು? ಈ ಬಗ್ಗೆ ತಜ್ಞರು ಹೇಳೋದೇನು?

ನಲವತ್ತರ ಹರೆಯ ದಾಟುತ್ತಿದ್ದಂತೆ ದೇಹದಲ್ಲಿ ಅನೇಕ ಬದಲಾವಣೆಗಳು ಸಂಭವಿಸುತ್ತವೆ. ನಲವತ್ತರ ಹರೆಯದಲ್ಲಿ ನೀವು ನಿಮ್ಮನ್ನು ಫಿಟ್ ಆಗಿ ಇರಿಸಿಕೊಳ್ಳುವುದು ತುಂಬಾ ಮುಖ್ಯ. ವಯಸ್ಸಾದಂತೆ ಆರೋಗ್ಯ ಮತ್ತು ಫಿಟ್ನೆಸ್ ನತ್ತ ಗಮನಹರಿಸುವುದು ತುಂಬಾ ಮುಖ್ಯ. ವಯಸ್ಸಾಗುತ್ತಿದ್ದಂತೆ, ವಯಸ್ಸಾಗುವಿಕೆ ಚಿಹ್ನೆಗಳು ದೇಹದ ಮೇಲೆ ಕಾಣಿಸುತ್ತವೆ.

ನಲವತ್ತರ ಹರೆಯ ದಾಟುತ್ತಿದ್ದಂತೆ ಮಹಿಳೆಯರ ದೇಹದಲ್ಲಿ ಹಲವು ಬದಲಾವಣೆಗಳಾಗುತ್ತವೆ. ಶಕ್ತಿಯ ಮಟ್ಟ ಮತ್ತು ಒಟ್ಟಾರೆ ಆರೋಗ್ಯದಲ್ಲಿ ಬದಲಾವಣೆ ಆಗುತ್ತದೆ. ಹಾರ್ಮೋನ್ ಬದಲಾವಣೆಯಿಂದಾಗಿ ಕಡಿಮೆ ಈಸ್ಟ್ರೊಜೆನ್ ಮಟ್ಟದಿಂದ ಮೆಟಾಬಾಲಿಸಮ್ ಪ್ರಕ್ರಿಯೆ ನಿಧಾನವಾಗುತ್ತದೆ.

ದೈನಂದಿನ ಜೀವನದ ಹವ್ಯಾಸಗಳು ನಿಮ್ಮನ್ನು ಫಿಟ್ ಆಗಿರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಮಹಿಳೆಯರು ತಮ್ಮ ಮಾನಸಿಕ ಮತ್ತು ದೈಹಿಕ ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಹರಿಸಬೇಕು. ಕೆಲವು ಪೂರಕಗಳನ್ನು ನಲವತ್ತರ ಹರೆಯದ ನಂತರ ಸೇವಿಸುವುದು ತುಂಬಾ ಮುಖ್ಯ. ಇವುಗಳ ಬಗ್ಗೆ ಇಲ್ಲಿ ನೋಡೋಣ.

ತಜ್ಞರು ಹೇಳುವ 6 ಪೂರಕಗಳು ಹೀಗಿವೆ. ಒಮೆಗಾ 3 ಕೊಬ್ಬಿನಾಮ್ಲ ಪೂರಕ. ಇದು ಮೆದುಳಿನ ಕಾರ್ಯಕ್ಕೆ ಆರೋಗ್ಯಕರ ಕೊಬ್ಬು ಆಗಿದೆ. ದೇಹದ ಉರಿಯೂತ ಕಡಿಮೆ ಮಾಡುತ್ತದೆ. ಮೀನು, ಅಗಸೆ ಬೀಜ, ಚಿಯಾ ಬೀಜ, ವಾಲ್ನಟ್ಸ್ ಆಧಾರಿತ ಆಹಾರ ಮತ್ತು ಪೂರಕ ಸೇವಿಸಬಹುದು.

ವಿಟಮಿನ್ ಡಿ. ವಯಸ್ಸಾದಂತೆ ವಿಟಮಿನ್ ಡಿ ಉತ್ಪಾದಿಸುವ ಸಾಮರ್ಥ್ಯ ಕಡಿಮೆಯಾಗುತ್ತದೆ. ಮೂಳೆಗಳ ಆರೋಗ್ಯ, ರೋಗ ನಿರೋಧಕ ಕಾರ್ಯ, ಮೂಡ್ ನಿಯಂತ್ರಣಕ್ಕೆ ವಿಟಮಿನ್ ಡಿ ಬೇಕು. ಇದಕ್ಕಾಗಿ ಹಾಲು, ಅರಿಶಿನ, ಡೈರಿ ಉತ್ಪನ್ನ, ಸೋಯಾ ಪದಾರ್ಥ ಹಾಗೂ ವಿಟಮಿನ್ ಡಿ ಪೂರಕ ತೆಗೆದುಕೊಳ್ಳಬಹುದು.

ಕ್ಯಾಲ್ಸಿಯಂ. ಮೂಳೆ ಸಾಂದ್ರತೆ ಕಾಪಾಡಲು ಕ್ಯಾಲ್ಸಿಯಂ ಅತ್ಯಗತ್ಯ. ಇದು ಆಸ್ಟಿಯೊಪೊರೋಸಿಸ್ ಅನ್ನು ತಡೆಯುತ್ತದೆ. ಇದು ಹಸಿರು ಎಲೆಗಳ ತರಕಾರಿ, ಚೀಸ್, ಬೆಂಡೆಕಾಯಿ ಇತ್ಯಾದಿಯಲ್ಲಿದೆ. ವಯಸ್ಸಾದಂತೆ ಮೂಳೆ ದುರ್ಬಲವಾಗುತ್ತದೆ. ಇದಕ್ಕಾಗಿ ಕ್ಯಾಲ್ಸಿಯಂ ಪೂರಕ ತೆಗೆದುಕೊಳ್ಳಬಹುದು.

ಮೆಗ್ನೀಸಿಯಮ್. ಇದು ಶಕ್ತಿ ಉತ್ಪಾದನೆ ಮತ್ತು ಸ್ನಾಯು ಬಲಿಷ್ಟಗೊಳಿಸುವುದು, ವಿಶ್ರಾಂತಿ ಮತ್ತು ನಿದ್ರೆಗೆ ಸಹಾಯ ಮಾಡುತ್ತದೆ. ಇದು ಒಣ ಹಣ್ಣು, ಬೀನ್ಸ್, ಕಾಳು, ತೋಫು, ಬಾಳೆಹಣ್ಣುಗಳಲ್ಲಿದೆ. ಪೂರಕ ಸೇವಿಸಬಹುದು. ಕಾಲಜನ್ ಉತ್ಪಾದನೆಗೆ ಕಾಲಜನ್ ಪೂರಕ ಸೇವಿಸಿ. ಇದು ಸುಕ್ಕು, ಕೀಲು ನೋವು ಕಡಿಮೆ ಮಾಡುತ್ತದೆ. ಇದಕ್ಕಾಗಿ ಬೇಳೆ, ಆಮ್ಲಾ, ಟೊಮೇಟೊ, ಗೋಡಂಬಿ ಸೇವಿಸಿ.

ಪ್ರೋಬಯಾಟಿಕ್ ಗಳು. ವಯಸ್ಸಾದಂತೆ ಕರುಳಿನಲ್ಲಿರುವ ಬ್ಯಾಕ್ಟೀರಿಯಾ ಸಮತೋಲನವು ಕ್ಷೀಣಿಸುತ್ತದೆ. ಜೀರ್ಣಕಾರಿ ಸಮಸ್ಯೆ ಉಮಟಾಗುತ್ತದೆ. ಕರುಳಿನ ಆರೋಗ್ಯ ಉತ್ತೇಜಿಸಲು ಮೊಸರು, ಹುದುಗಿಸಿದ ಆಹಾರ ಮತ್ತು ಪ್ರೋಬಯಾಟಿಕ್ ಪೂರಕ ತೆಗೆದುಕೊಳ್ಳಬಹುದು.