Health Care: ವಯಸ್ಸು 40 ಆಗ್ತಿದ್ದಂತೆ ಆರೋಗ್ಯದ ಈ ಅಂಶಗಳ ಬಗ್ಗೆ ನಿರ್ಲಕ್ಷ್ಯ ಮಾಡ್ಬೇಡಿ ಪ್ಲೀಸ್‌!

ವಯಸ್ಸು ನಲವತ್ತು ಆಗುತ್ತಿದ್ದಂತೆ ದೇಹದಲ್ಲಿ ಹಲವು ಬದಲಾವಣೆಗಳು ಆಗುತ್ತವೆ. ಜೊತೆಗೆ ಚಯಾಪಚಯ (ತಿನ್ನುವ ಆಹಾರದಿಂದ ದೇಹದಲ್ಲಿ ಶಕ್ತಿ ಉತ್ಪಾದನೆ) ನಿಧಾನವಾಗುತ್ತದೆ. ಸಕ್ಕರೆ ಪದಾರ್ಥ ತಿನ್ನುವ ಕಡುಬಯಕೆ ಹೆಚ್ಚಾಗುತ್ತದೆ. ದೇಹದಲ್ಲಿ ಶಕ್ತಿಯ ಕೊರತೆ ಉಂಟಾಗುತ್ತದೆ. ಅಕ್ಕಿ, ಪಾಸ್ಟಾ, ಬ್ರೆಡ್ ಸೇವನೆಯ ಬಯಕೆ ಹೆಚ್ಚಾಗುತ್ತದೆ. ಹೆಚ್ಚುತ್ತಿರುವ ತೂಕ ಸಮಸ್ಯೆ ತಂದೊಡ್ಡುತ್ತದೆ.

ನಲವತ್ತರ ಹರೆಯದಲ್ಲಿ ತೂಕ ಹೆಚ್ಚಳವನ್ನು ನಿರ್ಲಕ್ಷ್ಯ ಮಾಡಬೇಡಿ. ಜೊತೆಗೆ ಇದು ಹಾರ್ಮೋನುಗಳು ಮತ್ತು ಮೂಳೆಗಳ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚು. ನಲವತ್ತರ ಹರೆಯದ ನಂತರ ತೂಕ ಹೆಚ್ಚಾಗುವ ಕಾರಣಗಳು ಮತ್ತು ಅದನ್ನು ನಿಯಂತ್ರಿಸುವ ಮಾರ್ಗಗಳ ಬಗ್ಗೆ ಸರಿಯಾಗಿ ತಿಳಿಯದೇ ಹೋದರೆ ತೂಕ ನಿಯಂತ್ರಿಸಲು ಕಷ್ಟವಾಗುತ್ತದೆ.

ಇನ್ನು ದಿನವೂ ನಿಯಮಿತವಾಗಿ ದೈಹಿಕ ವ್ಯಾಯಾಮ ಮಾಡಿ. ಸರಿಯಾದ ಪೋಷಕಾಂಶ ಸಮೃದ್ಧ ಆಹಾರ ತಿನ್ನಿ. ಇದು ವಯಸ್ಸಾಗುವಿಕೆ ಸಮಸ್ಯೆ ತಡೆಯುತ್ತದೆ. ತೂಕ ಹೆಚ್ಚಳ ನಿಯಂತ್ರಿಸುತ್ತದೆ. ದೀರ್ಘಕಾಲ ನೀವು ಆರೋಗ್ಯವಾಗಿರಲು ಸಹಾಯ ಮಾಡುತ್ತದೆ. ಬಿಡುವಿಲ್ಲದ ಜೀವನಶೈಲಿ, ಮಾನಸಿಕ ಅಥವಾ ಭಾವನಾತ್ಮಕ ಒತ್ತಡವು ಸಹ ತೂಕ ಹೆಚ್ಚಾಗಲು ಕಾರಣವಾಗುತ್ತದೆ.

ನಲವತ್ತು ವಯಸ್ಸಿನ ನಂತರ ಚಯಾಪಚಯ ಮತ್ತು ಹಾರ್ಮೋನ್ ಮಟ್ಟದಲ್ಲಿ ಹಲವು ಬದಲಾವಣೆಯಾಗುತ್ತದೆ. ಇದು ತೂಕ ಹೆಚ್ಚಳ, ಖಿನ್ನತೆ, ಅನಿಯಮಿತ ಋತುಚಕ್ರ ಸಮಸ್ಯೆ ಉಂಟು ಮಾಡುತ್ತದೆ. ಸ್ನಾಯು ದೌರ್ಬಲ್ಯ, ಹೊಟ್ಟೆಯುಬ್ಬರ ಸಮಸ್ಯೆ ಇದೆಲ್ಲವೂ ಮಾನಸಿಕ ಮತ್ತು ದೈಹಿಕ ಆರೋಗ್ಯ ಸಮಸ್ಯೆ ಹೆಚ್ಚಿಸುತ್ತದೆ. ಚಯಾಪಚಯ ಕ್ರಿಯೆ ನಿಧಾನವಾಗುವುದು ತೂಕ ಹೆಚ್ಚಿಸುತ್ತದೆ.

ನಲವತ್ತು ವಯಸ್ಸಿನ ನಂತರ ನಿಮ್ಮನ್ನು ನೀವು ಫಿಟ್ ಆಗಿರಿಸಲು ಕೆಲವು ಹೆಲ್ದೀ ಲೈಫ್ ಸ್ಟೈಲ್ ಫಾಲೋ ಮಾಡಿ. ಅದರಲ್ಲಿ ಮೊದಲು ಸ್ನಾಯುಗಳು ಬಲಿಷ್ಠವಾಗಿರಲು ಕ್ಯಾಲ್ಸಿಯಂ ಸಮೃದ್ಧ ಪದಾರ್ಥ ಸೇವನೆ ಮಾಡಿ. ದೇಹದಲ್ಲಿ ಸರಿಯಾದ ಪ್ರಮಾಣದ ಕ್ಯಾಲ್ಸಿಯಂ ಹೊಂದುವುದು ಮುಖ್ಯ. ಇದು ಮೂಳೆ ನಷ್ಟ, ದೌರ್ಬಲ್ಯ ತಡೆಯುತ್ತದೆ. ಕಡಿಮೆ ಕೊಬ್ಬಿನ ಡೈರಿ ಉತ್ಪನ್ನಗಳು, ಮಸೂರ, ಸೋಯಾಬೀನ್, ಕಪ್ಪು ಎಳ್ಳು ಇತ್ಯಾದಿ ಸೇವಿಸಿ.

ಕಾರ್ಬೊನೇಟೆಡ್ ಪಾನೀಯ ಮತ್ತು ಆಲ್ಕೋಹಾಲ್ ತಿನ್ನೋದನ್ನು ತಪ್ಪಿಸಿ. ನಲವತ್ತರ ನಂತರ ದೇಹದಲ್ಲಿ ಆಗುತ್ತಿರುವ ಬದಲಾವಣೆಗಳನ್ನು ಗಮನಿಸಿ. ಆಹಾರ ಕ್ರಮ ಫಾಲೋ ಮಾಡಿ. ಕೆಫೀನ್ ಸೇವನೆ ತಪ್ಪಿಸಿ. ಕಾರ್ಬೊನೇಟೆಡ್ ಪಾನೀಯಗಳು ಮತ್ತು ಆಲ್ಕೋಹಾಲ್ ಕುಡೀಬೇಡಿ. ನಿಮ್ಮನ್ನು ಹೈಡ್ರೇಟ್ ಆಗಿರಿಸಿ. ಹೆಚ್ಚು ನೀರು, ಹಣ್ಣು ಮತ್ತು ತರಕಾರಿ ರಸ, ತೆಂಗಿನ ನೀರು ಕುಡಿಯಿರಿ.

ಕಡಿಮೆ ಕೊಬ್ಬಿನಂಶ ಕಡಿಮೆ ಮತ್ತು ನಾರಿನಂಶ ಹೆಚ್ಚಿರುವ ಆಹಾರ ತಿನ್ನಿ. ಹೆಚ್ಚಿನ ಫೈಬರ್ ಆಹಾರ ಸೇವಿಸಿ. ಧಾನ್ಯ, ಬೇಳೆಕಾಳು, ಬೀನ್ಸ್, ಹಣ್ಣು, ತರಕಾರಿ, ಬೀಜ ಸೇವಿಸಿ. ಖನಿಜಗಳು ಮತ್ತು ವಿಟಮಿನ್‌ ಸಮೃದ್ಧ ಪದಾರ್ಥ ತಿನ್ನಿ. ಇದು ವಯಸ್ಸಾದ ಪ್ರಕ್ರಿಯೆಯನ್ನು ನಿಧಾನಗೊಳಿಸುತ್ತದೆ. ತ್ವಚೆಯ ಅಂದ ಕಾಪಾಡುತ್ತದೆ. ಪ್ರೋಟೀನ್ ಭರಿತ ಆಹಾರ ತಿನ್ನಿ. ಇದು ದೇಹಕ್ಕೆ ಸಾಕಷ್ಟು ಶಕ್ತಿಯನ್ನು ನೀಡುತ್ತದೆ.

ದೈಹಿಕ ಚಟುವಟಿಕೆಯ ಮೇಲೆ ಹೆಚ್ಚು ಗಮನಹರಿಸಿ. ವಯಸ್ಸಾದಂತೆ ದೇಹವು ದುರ್ಬಲವಾಗುತ್ತದೆ. ಹೆಚ್ಚು ವಿಶ್ರಾಂತಿ ಬೇಕೆನ್ನಿಸುತ್ತದೆ. ಆರೋಗ್ಯ ಕಾಪಾಡಿಕೊಳ್ಳಲು ಮತ್ತು ತೂಕ ಹೆಚ್ಚಾಗುವಿಕೆ ತಡೆಯಲು ಯೋಗ, ಧ್ಯಾನ, ವ್ಯಾಯಾಮ, ನೃತ್ಯ ಹೀಗೆ ವಿವಿಧ ಚಟುವಟಿಕೆಗಳ ಮೂಲಕ ದೇಹವನ್ನು ಸಕ್ರಿಯವಾಗಿರಿಸಿ. ಇದು ಚಯಾಪಚಯ ಹೆಚ್ಚಿಸುತ್ತದೆ. ಒಟ್ಟಾರೆ ದೇಹವು ಆರೋಗ್ಯವಾಗಿರಲು ಸಹಾಯ ಮಾಡುತ್ತದೆ.