Jeera Water: ಹೊಟ್ಟೆ ಸಂಬಂಧಿ ಸಮಸ್ಯೆ ಕಾಣಿಸಿಕೊಂಡ್ರೆ ನಿಮಿಷದಲ್ಲಿ ಪರಿಹಾರ ಕೊಡುತ್ತೆ ಈ ನೀರು!

ಹಬ್ಬಗಳಲ್ಲಿ ಹೋಳಿಗೆ, ಖೀರು, ಹಲಸಿನ ಕರಿ, ಚಕ್ಕುಲಿ, ಚೂಡಾ ಹೀಗೆ ಕರಿದ ಮತ್ತು ಸಿಹಿ ಪದಾರ್ಥಗಳ ನ್ನು ಹೆಚ್ಚು ತಿಂದರೆ. ಇದು ವಾರದೊಳಗೆ ಅಸಿಡಿಟಿ, ಹೊಟ್ಟೆ ನೋವು, ಮಲಬದ್ಧತೆ ಉಂಟು ಮಾಡುತ್ತದೆ. ಇದಕ್ಕಾಗಿ ದೇಹವನ್ನು ಡಿಟಾಕ್ಸ್ ಮಾಡಬೇಕಾಗುತ್ತದೆ.

ದೇಹವನ್ನು ಆಗಾಗ್ಗೆ ನೈಸರ್ಗಿಕವಾಗಿ ಡಿಟಾಕ್ಸ್ ಮಾಡುವುದು ದೇಹವನ್ನು ಹೆಲ್ದೀಯಾಗಿರಿಸುತ್ತದೆ. ದೇಹವು ಡಿಟಾಕ್ಸ್ ಆದರೆ ರಕ್ತವು ಕಲುಷಿತವಾಗಲ್ಲ. ದೇಹದಲ್ಲಿ ತ್ಯಾಜ್ಯ ಸಂಗ್ರಹವಾಗಲ್ಲ. ಇದು ಕರುಳು ಮತ್ತು ಇತರೆ ಅಂಗಗಳ ಕೆಲಸಕ್ಕೆ ಸಹಾಯ ಮಾಡುತ್ತದೆ.

ದೇಹವನ್ನು ಡಿಟಾಕ್ಸ್ ಮಾಡಲು ನೀವು ನೈಸರ್ಗಿಕ ಪಾನೀಯ ಬಳಕೆ ಮಾಡಿ. ಅದರಲ್ಲೂ ಹಬ್ಬದ ರಾತ್ರಿ ಮತ್ತು ಮರುದಿನ ಅನೇಕ ಜೀರ್ಣಕಾರಿ ಸಮಸ್ಯೆ ಉಂಟಾಗುತ್ತವೆ. ಇದನ್ನು ತೊಡೆದು ಹಾಕಲು ಜೀರಿಗೆ ನೀರು ತಿನ್ನಿ. ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ತಿನ್ನಬೇಕು.

ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಜೀರಾ ಪಾನಿ ಕುಡಿದರೆ  ಜೀರ್ಣಕಾರಿ ಸಮಸ್ಯೆಗಳು ಇರಲ್ಲ. ಹೊಟ್ಟೆ ಉಬ್ಬುವುದು ಮತ್ತು ಇತರೆ ಸಮಸ್ಯೆ ಜಠರಗರುಳಿನ ಅಸ್ವಸ್ಥತೆ ಕಡಿಮೆ ಮಾಡುತ್ತದೆ. ಜೀರಿಗೆ ನೀರು ಜೀರ್ಣಾಂಗ ವ್ಯವಸ್ಥೆಗೆ ಒಳ್ಳೆಯದು. ಜೀರ್ಣಕ್ರಿಯೆ ಸುಧಾರಿಸುತ್ತದೆ. ಜೀರಿಗೆಯಲ್ಲಿ ಥೈಮೋಲ್ ಸಂಯುಕ್ತವು ಕರುಳನ್ನು ಆರೋಗ್ಯವಾಗಿರಿಸುತ್ತದೆ.

ಜೀರಿಗೆಯು ಅತ್ಯಂತ ಹಳೆಯ ಗಿಡಮೂಲಿಕೆಗಳಲ್ಲಿ ಒಂದಾಗಿದೆ. ಇದು ಪ್ರೋಟೀನ್ ಗಳು, ಕೊಬ್ಬು ಮತ್ತು ಸಕ್ಕರೆಯಂತಹ ಸಂಕೀರ್ಣ ಪೋಷಕಾಂಶಗಳನ್ನು ಒಡೆಯಲು ಇದು ಸಹಾಯ ಮಾಡುತ್ತದೆ. ಅಜೀರ್ಣ, ಅತಿಸಾರ ಮತ್ತು ವಾಕರಿಕೆ ಸಮಸ್ಯೆ ತೊಡೆದು ಹಾಕುತ್ತದೆ. ಇದು ಹೊಟ್ಟೆ ಉಬ್ಬುವಿಕೆ ಮತ್ತು ತೂಕ ನಷ್ಟಕ್ಕೆ ಸಹ ಸಹಕಾರಿ. ಜೀರಿಗೆಯಿಂದ ಕರುಳಿನ ಚಲನೆಗೂ ಸಹಕಾರಿ.

ಜೀರಿಗೆಯನ್ನು ಶಕ್ತಿ ಮತ್ತು ರೋಗ ನಿರೋಧಕ ಶಕ್ತಿ, ಜೀರ್ಣಕಾರಿ, ಮೂತ್ರವರ್ಧಕ, ಆಂಟಿ-ಪರಾವಲಂಬಿ, ಆಂಟಿಸ್ಪಾಸ್ಮೊಡಿಕ್ ಆಗಿ ಬಳಕೆ ಮಾಡಲಾಗುತ್ತದೆ. ಬಾಣಲೆಯಲ್ಲಿ ಜೀರಿಗೆ ಹುರಿದು , ಮಿಕ್ಸಿಯಲ್ಲಿ ಪುಡಿ ಮಾಡಿ. 2 ಕಪ್ ನೀರು ಸೇರಿಸಿ, ಚೆನ್ನಾಗಿ ಕುದಿಸಿ. ಅದು ಒಂದು ಗ್ಲಾಸ್ ಗೆ ಬಂದ ಕೂಡಲೇ ಫಿಲ್ಟರ್ ಮಾಡಿ, ಒಂದು ಚಮಚ ನಿಂಬೆ ರಸ ಹಿಂಡಿ. ಕಪ್ಪು ಉಪ್ಪು ಸೇರಿಸಿ ಕುಡಿಯಿರಿ.

5 ಕಪ್ ನೀರು, ಚಮಚ ಜೀರಿಗೆ, ಚಮಚ ಕೊತ್ತಂಬರಿ ಬೀಜ, ಅರ್ಧ ಚಮಚ ಅಜವೈನ್, ಅರ್ಧ ಚಮಚ ಫೆನ್ನೆಲ್ ಬೀಜಗಳು ರಾತ್ರಿ ನೆನೆಸಿಡಿ. ಬೆಳಗ್ಗೆ ಕುದಿಸಿ. ಫಿಲ್ಟರ್ ಮಾಡಿ, ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ. ಇದಕ್ಕೆ ಕಪ್ಪು ಉಪ್ಪು, ನಿಂಬೆ ರಸ ಹಾಕಿ ಕುಡಿಯಿರಿ. ಇದು ನಿಮ್ಮ ಹೊಟ್ಟೆ ಸಮಸ್ಯೆ ಹೊಡೆದೋಡಿಸುತ್ತದೆ.

ಹಬ್ಬದ ವೇಳೆ ಭಾರೀ ಆಹಾರ ತಿಂದರೆ, ಅಂದು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಜೀರಿಗೆ ನೀರು ಕುಡಿಯಿರಿ. ಇದು ಆಹಾರ ಜೀರ್ಣಿಸಿಕೊಳ್ಳಲು ಮತ್ತು ಆಹಾರವನ್ನು ದೊಡ್ಡ ಕರುಳಿನ ಕಡೆಗೆ ಕಳುಹಿಸಲು ಸಹಾಯ ಮಾಡುತ್ತದೆ. ತೂಕ ನಷ್ಟ ಮತ್ತು ಆರೋಗ್ಯಕರ ಕರುಳು, ಚಯಾಪಚಯ ಹೆಚ್ಚಿಸುತ್ತದೆ.