Dates: ಫೈಬರ್‌ಗಳ ಖಜಾನೆ ಈ ಖರ್ಜೂರ! ನಿಮ್ಮ ಪ್ರತಿದಿನದ ಡಯೆಟ್‌ನಲ್ಲಿ ಇದನ್ನೂ ಸೇರಿಸಿ

ಅನೇಕ ಸಿಹಿತಿಂಡಿಗಳಲ್ಲಿ ಖರ್ಜೂರ ಸೇರಿಸಲಾಗುತ್ತದೆ. ಯಾವುದೇ ಸಮಯದಲ್ಲಿ ಬೇಕಾದ್ರೂ ಖರ್ಜೂರ ಸೇವಿಸಬಹುದು. ಹೃದ್ರೋಗ, ರಕ್ತದೊತ್ತಡ, ಅಲರ್ಜಿ, ಉರಿಯೂತ ಮತ್ತು ಇತರ ಅನೇಕ ಸಮಸ್ಯೆ ನಿವಾರಕವಾಗಿ ಕೆಲಸ ಮಾಡುತ್ತದೆ. ಖರ್ಜೂರ ನೆನೆಸಿ ತಿಂದರೆ ಟ್ಯಾನಿನ್ ಅಂಶ ಹೋಗುತ್ತದೆ.

ನೆನೆಸಿದ ಖರ್ಜೂರ ಸೇವನೆಯು ನಿಮಗೆ ಜೀರ್ಣಿಸಿಕೊಳ್ಳಲು ಸಹಕಾರಿ. ಇದು ಸಾಕಷ್ಟು ಆರೋಗ್ಯ ಲಾಭ ನೀಡುತ್ತದೆ. ಕಬ್ಬಿಣ, ಸತು, ಫೈಬರ್, ಕಾರ್ಬೋಹೈಡ್ರೇಟ್ಗಳು, ವಿಟಮಿನ್ ಹಾಗೂ ಇತರೆ ಪೋಷಕಾಂಶ ಸಮೃದ್ಧ ಖರ್ಜೂರವು ರೋಗ ನಿರೋಧಕ ಶಕ್ತಿ ವರ್ಧಕವಾಗಿದೆ. ಫ್ಲೇವನಾಯ್ಡ್‌ಗಳು, ಕ್ಯಾರೊಟಿನಾಯ್ಡ್‌ಗಳು ಮತ್ತು ಫೀನಾಲಿಕ್ ಆಮ್ಲ ಇದರಲ್ಲಿದೆ.

ಖರ್ಜೂರದಲ್ಲಿ ಎಲ್ಲಾ ಆಂಟಿಆಕ್ಸಿಡೆಂಟ್‌ಗಳು ಇವೆ. ಇದು ಚರ್ಮವನ್ನು ಸುಧಾರಿಸುತ್ತದೆ. ಇದರಲ್ಲಿರುವ ಕಾರ್ಬೋಹೈಡ್ರೇಟ್‌ಗಳು ಯಕೃತ್ತನ್ನು ಕಾಯಿಲೆಯ ಹಿಡಿತದಿಂದ ರಕ್ಷಿಸುತ್ತದೆ. ಇದು ಕೊಲೆಸ್ಟ್ರಾಲ್ ಮಟ್ಟ ಕಡಿಮೆ ಮಾಡುತ್ತದೆ. ಪೊಟ್ಯಾಸಿಯಮ್ ಭರಿತ ಖರ್ಜೂರಗಳು ಅಧಿಕ ಕೊಲೆಸ್ಟ್ರಾಲ್ ಮಟ್ಟ ನಿಯಂತ್ರಿಸುತ್ತವೆ.

ಖರ್ಜೂರವು ದೇಹದಲ್ಲಿ ಹೃದ್ರೋಗದ ಅಪಾಯ ಕಡಿಮೆ ಮಾಡುತ್ತದೆ. ಒಳ್ಳೆಯ ಕೊಲೆಸ್ಟ್ರಾಲ್ ಪ್ರಮಾಣ ಖರ್ಜೂರದಲ್ಲಿದೆ. ಇದು ಮಲಬದ್ಧತೆ ನಿವಾರಿಸುತ್ತದೆ. ದೇಹದಲ್ಲಿ ನಾರಿನ ಕೊರತೆಯಿದ್ದರೆ ಅದು ಮಲಬದ್ಧತೆ ಸಮಸ್ಯೆ ಹೆಚ್ಚಿಸುತ್ತದೆ. ಪ್ರತಿದಿನ 4 ರಿಂದ 5 ಖರ್ಜೂರ ಸೇವಿಸಿ. ಇದು ಜೀರ್ಣಕ್ರಿಯೆ ಪ್ರಕ್ರಿಯೆ ಚೆನ್ನಾಗಿಡುತ್ತದೆ.

ಖರ್ಜೂರವನ್ನು ರಾತ್ರಿ ನೆನೆಸಿಡಿ. ರಾತ್ರಿ ನೆನೆಸಿದ ನಂತರ ಖರ್ಜೂರದ ನೀರನ್ನು ಹಿಂಡಿ ಅದನ್ನು ಕುಡಿಯಿರಿ. ಇದು ಮಲಬದ್ಧತೆ ಸಮಸ್ಯೆ ನಿವಾರಿಸುತ್ತದೆ. ರಕ್ತದ ನಷ್ಟ ತಡೆಗೆ ದಿನವೂ ಖರ್ಜೂರ ಸೇವನೆ ಮಾಡಿ. ಇದರಲ್ಲಿ ಜೀವಸತ್ವಗಳು ಮತ್ತು ಖನಿಜಗಳು ಹೇರಳವಾಗಿವೆ. ಇದು ದೇಹದಲ್ಲಿ ಕಬ್ಬಿಣ ಮತ್ತು ತಾಮ್ರದ ಕೊರತೆ ಪೂರೈಸುತ್ತದೆ.

100 ಗ್ರಾಂ ಖರ್ಜೂರದ ಸೇವನೆಯು 1 ಗ್ರಾಂ ಕಬ್ಬಿಣ ಒದಗಿಸುತ್ತದೆ. ತಾಮ್ರವು ನಮ್ಮ ದೇಹದಲ್ಲಿ ಕೆಂಪು ರಕ್ತ ಕಣ ಉತ್ಪತ್ತಿ ಮಾಡುತ್ತದೆ. ದಿನನಿತ್ಯ ಖರ್ಜೂರ ಸೇವಿಸಿದರೆ ಅದು ದೇಹವು ರಕ್ತಹೀನತೆ ಸಮಸ್ಯೆ ತಡೆದು ಆರೋಗ್ಯ ಹೆಚ್ಚಿಸುತ್ತದೆ.

ಖರ್ಜೂರವು ನಿಮಗೆ ರೋಗಗಳ ವಿರುದ್ಧ ಹೋರಾಡುವ ಶಕ್ತಿ ನೀಡುತ್ತದೆ. ಖರ್ಜೂರದಲ್ಲಿ ಹಲವು ಬಗೆಯ ಆ್ಯಂಟಿಆಕ್ಸಿಡೆಂಟ್‌ ಗಳಿವೆ. ಅವುಗಳ ಸೇವನೆಯು ಅನೇಕ ರೋಗಗಳ ಅಪಾಯ ಕಡಿಮೆ ಮಾಡುತ್ತದೆ. ಫ್ಲೇವನಾಯ್ಡ್ಗಳು, ಕ್ಯಾರೊಟಿನಾಯ್ಡ್ಗಳು ಮತ್ತು ಫೀನಾಲಿಕ್ ಆಮ್ಲ ಹೊಂದಿದೆ.

ಖರ್ಜೂರದಲ್ಲಿರುವ ಫ್ಲೇವನಾಯ್ಡ್ಸ್ ಎಂಬ ಆಂಟಿಆಕ್ಸಿಡೆಂಟ್‌ ಗಳು ದೇಹದಲ್ಲಿನ ಉರಿಯೂತ ಕಡಿಮೆ ಮಾಡುತ್ತವೆ. ಅವು ಮಧುಮೇಹ, ಆಲ್ಝೈಮರ್ ಮತ್ತು ಕ್ಯಾನ್ಸರ್ ಅಪಾಯ ತಡೆಯುತ್ತವೆ. ಕ್ಯಾರೊಟಿನಾಯ್ಡ್ ಹೃದಯದ ಆರೋಗ್ಯ ಕಾಪಾಡುತ್ತದೆ. ಕಣ್ಣುಗಳಿಗೆ ಸಂಬಂಧಿಸಿದ ಕಾಯಿಲೆ ಅಪಾಯ ಕಡಿಮೆ ಮಾಡುತ್ತದೆ.