Rat: ಮನೆಯಲ್ಲಿ ಇಲಿಗಳ ಕಾಟವೇ? ಟೆನ್ಶನ್ ಬಿಡಿ, ಈ ಸಿಂಪಲ್ ಟ್ರಿಕ್ಸ್ ಫಾಲೋ ಮಾಡಿ

ಸಾಮಾನ್ಯವಾಗಿ ಮನೆಯಲ್ಲೊಂದು ಕಾಟಕೊಡಬಲ್ಲ ಪ್ರಾಣಿ ಇದೆ ಎಂದರೆ ಅದು ಇಲಿ. ಎಷ್ಟೇ ಮದ್ದು ಮಾಡಿದ್ರೂ ಒಂದಾದರು ಇಲಿ ಮನೆಯಲ್ಲಿ ಇದ್ದೇ ಇರುತ್ತದೆ. ಆದರೆ ಇದು ಬಂದ್ರೆ ಸಾಕಾ, ಬಂದು ಪುಸ್ತಕ, ಬಟ್ಟೆ, ತರಕಾರಿ ಹೀಗೆ ಹಲವಾರು ವಸ್ತುಗಳನ್ನು ಹಾಳು ಮಾಡಿಬಿಡುತ್ತದೆ. ಆದರೆ ಈ ಸಿಂಪಲ್​​ ಟ್ರಿಕ್ಸ್ ಅನ್ನು ಫಾಲೋ ಮಾಡಿದ್ರೆ ನಿಮ್ಮ ಮನೆಗೆ ಇನ್ಯಾವತ್ತೂ ಇಲಿಗಳ ಕಾಟನೇ ಇರಲ್ಲ.

ತಂಬಾಕು ಬಳಸಿ: ಇನ್ನು ಹೆಚ್ಚಿನವರು ಮನೆಯಲ್ಲಿರುವ ಇಲಿಯನ್ನು ಹೇಗೆ ಓಡಿಸೋದು ಎಂಬ ಪ್ರಶ್ನೆ ಇರುತ್ತದೆ. ಆದರೆ ನೀವು ಕಡಲೆ ಹಿಟ್ಟಿನೊಂದಿಗೆ ತುಪ್ಪ ಸೇರಿಸಿ, ಅದರೊಂದಿಗೆ ತಂಬಾಕು ಮಿಕ್ಸ್ ಮಾಡಿ ಇಲಿಗಳು ಬರುವಂತಹ ಜಾಗದಲ್ಲಿ ಇಡಿ. ಇದು ನಿಮ್ಮ ಮನೆಯಿಂದ ಇಲಿಗಳನ್ನು ಓಡಿಸಲಿರುವ ಉತ್ತಮ ಐಡಿಯಾವಾಗಿದೆ.

ಬೆಳ್ಳುಳ್ಳಿ: ಇನ್ನು ಇಲಿಗಳನ್ನು ಸುಲಭ ವಸ್ತು ಎಂದರೆ ಅದು ಬೆಳ್ಳುಳ್ಳಿ. ಬೆಳ್ಳುಳ್ಳಿಯ ವಾಸನೆ ಸಾಮಾನ್ಯವಾಗಿ ಇಷ್ಟವಾಗುವುದಿಲ್ಲ. ಆದ್ದರಿಂದ ಸ್ವಲ್ಪ ಬೆಳ್ಳುಳ್ಳಿಯನ್ನು ನೀರಿನಲ್ಲಿ ನೆನೆಸಿಡಿ. ನಂತರ ಇಲಿಗಳಿರುವಂತಹ ಜಾಗದಲ್ಲಿ ಅದನ್ನು ಸಿಂಪಡಿಸಿ. ನಂತರ ಈ ಜಾಗಕ್ಕೆ ಇಲಿಗಳೇ ಬರಲ್ಲ.

ಕರ್ಪೂರ: ಕರ್ಪೂರದ ವಾಸನೆ ಸಾಮಾನ್ಯವಾಗಿ ಕೆಟ್ಟದಾಗಿರುತ್ತದೆ. ಇದೇ ಕಾರಣಕ್ಕಾಗಿ ನಿಮ್ಮ ಮನೆಯ ಪ್ರತಿಯೊಂದು ಮೂಲೆಯಲ್ಲಿ ಕರ್ಪೂರದ ತುಂಡುಗಳನ್ನು ಇಡಬೇಕು. ಇದರಿಂದ ಇಲಿಗಳ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚಿರುತ್ತದೆ. ಈ ರೀತಿಯಲ್ಲಿಯೂ ಮನೆಯಿಂದ ಇಲಿಗಳನ್ನು ಓಡಿಸಬಹುದು.

ಈರುಳ್ಳಿ: ಇನ್ನು ಬೆಳ್ಳುಳ್ಳಿಯಂತೆ ಈರುಳ್ಳಿ ವಾಸನೆ ಸಹ ಇಲಿಗಳಿಗೆ ಆಗುವುದಿಲ್ಲ. ಇದರಿಂದ ಇಲಿಗಳು ಬಹಳಷ್ಟು ಕಿರಿಕಿರಿಯಾಗುತ್ತದೆ. ಆದ್ದರಿಂದ ನೀವು ಇಲಿಗಳನ್ನು ಮನೆಯಿಂದ ಓಡಿಸಲು ಈರುಳ್ಳಿ ಸಿಪ್ಪೆ ಅಥವಾ ಕತ್ತರಿಸಿದ ಈರುಳ್ಳಿ ಬಳಸಬಹುದು. ಇದಕ್ಕಾಗಿ ಇಲಿಗಳು ಮನೆಯಲ್ಲಿ ಎಲ್ಲೆಲ್ಲಿ ಓಡಾಡುತ್ತಿವೆಯೋ ಅಲ್ಲೆಲ್ಲಾ ಈರುಳ್ಳಿಯನ್ನು ಇಡಿ. ಇದರಿಂದ ನಿಮ್ಮ ಮನೆಯಿಂದ ಇಲಿಗಳನ್ನು ಓಡಿಸಬಹುದು.

ಲವಂಗ: ಇಲಿಗಳಿಗೆ ಲವಂಗದ ವಾಸನೆ ಸಹ ಇಷ್ಟವಾಗುವುದಿಲ್ಲ . ಕೆಲವು ಲವಂಗಗಳನ್ನು ಬಟ್ಟೆಯಲ್ಲಿ ಸುತ್ತಿಡಿ. ನಂತರ ಅದನ್ನು ಮನೆಯ ಮೂಲೆ ಮೂಲೆಗಳಲ್ಲಿ, ಇಲಿಗಳು ಹೆಚ್ಚು ಓಡಾಡುವಲ್ಲಿ ಇರಿಸಿ.

ಅಡುಗೆ ಸೋಡಾ: ಅಡುಗೆ ಸೋಡಾಗಳು ಕೇವಲ ಅಡುಗೆ ಮಾಡಲು ಮಾತ್ರವಲ್ಲಿ ಇಲಿಗಳನ್ನು ಓಡಿಸಲು ಸಹಕಾರಿಯಾಗುತ್ತದೆ ಮತ್ತು ಇತರ ಕೀಟಗಳನ್ನು ತಡೆಯಲು ಸಹಾಯ ಮಾಡುತ್ತದೆ. ಇನ್ನು ಇಲಿಗಳು ಓಡಾಡುವ ಸ್ಥಳದಲ್ಲಿ ಈ ಅಡುಗೆ ಸೋಡಾವನ್ನು ಹಾಕಿ. ರಾತ್ರಿಯಿಡೀ ಹಾಗೇ ಇರ್ಲಿ. ನಂತರ ಮರುದಿನ ಕ್ಲೀನ್​ ಮಾಡಿ. ಹೀಗೆ ಒಂದು ವಾರಗಳ ಕಾಲ ಮುಂದುವರೆಸಿ.

(Disclaimer: ಮೇಲಿನ ಲೇಖನದ ವರದಿಯು ಸಾರ್ವಜನಿಕ ನಂಬಿಕೆಗಳು ಮತ್ತು ತಜ್ಞರಿಂದ ಬಂದ ವರದಿಯ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)