Relationship Tips: ನಿಮ್ಮ ಲವರ್​ಗೆ ಮೊದಲೇ ಮದುವೆ ಆಗಿದ್ಯಾ? ಹೀಗೆ ಕಂಡು ಹಿಡಿಯಿರಿ!

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಮಹಿಳೆಯರು ತಮ್ಮ ಜೀವನದಲ್ಲಿ ಒಂದು ಹಂತದಲ್ಲಿ ಪ್ರೀತಿಯಲ್ಲಿ ಬೀಳುತ್ತಾರೆ. ಆದರೆ ಕೆಲವೊಮ್ಮೆ ಪ್ರೀತಿಯಲ್ಲಿ ಮುಳುಗಿ ಅನೇಕ ತಪ್ಪುಗಳನ್ನು ಮಾಡುತ್ತಾರೆ. ಜೊತೆಗೆ ತಪ್ಪಾದವರನ್ನು ಆಯ್ಕೆ ಮಾಡಿಕೊಂಡಿರುತ್ತಾರೆ. ಅದಕ್ಕಿಂತ ಹೆಚ್ಚಾಗಿ ಕೆಲವರು ತಾವು ಈಗಾಗಲೇ ಮದುವೆಯಾಗಿದ್ದೇವೆ ಎಂಬ ಸತ್ಯವನ್ನು ಮುಚ್ಚಿಟ್ಟು ಪ್ರೀತಿ ಮಾಡುತ್ತಾರೆ. ಈ ವಂಚನೆಯ ಜಾಲದಲ್ಲಿ ಸಿಕ್ಕಿಹಾಕಿಕೊಂಡಾಗ ನಮಗೆ ತುಂಬಾ ನಿರಾಶೆಯಾಗುತ್ತದೆ ಮತ್ತು ಒಂದಲ್ಲಾ ಒಂದು ದಿನ ಸತ್ಯ ಹೊರಬರುತ್ತದೆ.

ಆದರೆ ನಮ್ಮ ಪ್ರೇಮಿ ನಮಗೆ ಮೋಸ ಮಾಡುತ್ತಿದ್ದಾನೆ ಎಂದು ಆರಂಭಿಕ ಸುಳಿವುಗಳ ಮೂಲಕವೇ ಅರಿತುಕೊಂಡರೆ ಮೋಸಕ್ಕೊಳಗಾಗುವುದರಿಂದ ತಪ್ಪಿಸಿಕೊಳ್ಳಬಹುದು. ನಿಜಕ್ಕೂ ವಿವಾಹಿತ ವ್ಯಕ್ತಿ ನಮಗೆ ಮೋಸ ಮಾಡುತ್ತಿದ್ದರೆ ಈ ಕೆಳಗಿನ ಟಿಪ್ಸ್ ಮೂಲಕ ತಿಳಿದುಕೊಳ್ಳಬಹುದು.

ಕೆಲವು ಸಮಯಗಳಲ್ಲಿ ಕಾರ್ಯನಿರತ: ನೀವು ಬಯಸಿದ ಸಮಯದಲ್ಲಿ ನಿಮ್ಮ ಪ್ರೇಮಿಯನ್ನು ಭೇಟಿ ಮಾಡಲು ಅಥವಾ ಮಾತನಾಡಲು ಸಾಧ್ಯವಾಗದೇ ಇರುವುದು. ಅವರು ವಾರದ ಕೆಲವು ದಿನಗಳಲ್ಲಿ ಮಾತ್ರ ನಿಮ್ಮನ್ನು ಭೇಟಿಯಾಗಲು ಸಮಯವನ್ನು ಮಾಡಿಕೊಳ್ಳುತ್ತಾರೆ. ಇತರ ಸಮಯದಲ್ಲಿ ಅವರು ಏನು ಮಾಡುತ್ತಾರೆ ಎಂದು ನೀವು ಯೋಚಿಸುತ್ತಿದ್ದರೆ ಆಶ್ಚರ್ಯ ಪಡುತ್ತೀರಾ. ಏಕೆಂದರೆ ಅವರು ಹೆಚ್ಚಾಗಿ, ತಮ್ಮ ನಿಜವಾದ ಹೆಂಡತಿಯೊಂದಿಗೆ ಇರುತ್ತಾರೆ.

ನಿಮ್ಮನ್ನು ಮನೆಗೆ ಆಹ್ವಾನಿಸುವುದಿಲ್ಲ: ಸಾಮಾನ್ಯವಾಗಿ ಯಾವುದೇ ಗೆಳೆಯ ನಿಮ್ಮನ್ನು ಇದ್ದಕ್ಕಿದ್ದಂತೆ ಮನೆಗೆ ಕರೆದುಕೊಂಡು ಹೋಗುವುದಿಲ್ಲ. ಆದರೆ ಕೆಲವು ಹಂತದಲ್ಲಿ ಅವರು ನಿಮ್ಮನ್ನು ಮನೆಯವರಿಗೆ ಪರಿಚಯಿಸಲು ಪ್ರಯತ್ನಿಸಬೇಕು. ಇದಕ್ಕೆ ವ್ಯತಿರಿಕ್ತವಾಗಿ, ಕುಟುಂಬ ಸಮಾರಂಭಗಳಿಗೆ ಕರೆದುಕೊಂಡು ಹೋಗಲು ತಪ್ಪಿಸಿದರೇ, ಸಾರ್ವಜನಿಕ ಸ್ಥಳಗಳಿಗೆ ಹೋದಾಗ ಸ್ನೇಹಿತರು ಮತ್ತು ಸಂಬಂಧಿಕರು ನೋಡುತ್ತಾರೆ ಎಂಬ ಭಯದಿಂದ ಸತ್ಯವನ್ನು ಮರೆಮಾಚುತ್ತಿದ್ದಾರೆ ಎಂದು ಅರ್ಥಮಾಡಿಕೊಳ್ಳಬಹುದು.

ಫೋನ್ ಕರೆ ಸ್ವೀಕರಿಸುವುದಿಲ್ಲ: ಮನೆಯಿಂದ ಹೊರಗಿರುವಾಗ ಮಾತ್ರ ಅವರು ನಿಮಗೆ ಕರೆ ಮಾಡುತ್ತಾರೆ. ಇತರ ಸಮಯಗಳಲ್ಲಿ ಅವರು ಫೋನ್ ಕರೆಗಳನ್ನು ಸ್ವೀಕರಿಸುವುದಿಲ್ಲ. ವಾಟ್ಸಾಪ್, ಇಮೇಲ್ ಇತ್ಯಾದಿಗಳ ಮೂಲಕ ಚಾಟ್ ಮಾತ್ರ ಮಾಡಲು ಇಷ್ಟಪಡುತ್ತಾರೆ. ಅಪ್ಪಿತಪ್ಪಿ ಕಾಲ್ ಮಾಡಿದಾಗಲೂ ಉದ್ರಿಕ್ತವಾಗಿ ಮಾತನಾಡುತ್ತಾರೆ.

ರಾತ್ರಿ ಹೊತ್ತು ಭೇಟಿಯಾಗುವುದಿಲ್ಲ: ನಿಮ್ಮ ಪ್ರೇಮಿ ಪ್ರತ್ಯೇಕ ಕುಟುಂಬವನ್ನು ಹೊಂದಿದ್ದರೆ, ಖಂಡಿತವಾಗಿಯೂ ಅವನು ತನ್ನ ಕುಟುಂಬದೊಂದಿಗೆ ರಾತ್ರಿ ಕಳೆಯಬೇಕಾಗುತ್ತದೆ. ನೀವು ರಾತ್ರಿ ಹೊತ್ತು ಅವರನ್ನು ನೋಡುವುದು ಅಪರೂಪ. ಎಲ್ಲಿಗೆ ಕರೆದರೂ ಬರುವುದಿಲ್ಲ. ನಿಮ್ಮೊಂದಿಗೆ ಹೊರಗೆ ಹೋಗಿದ್ದರೂ ಸಾಯಂಕಾಲ ಆಗುತ್ತಿದ್ದಂತೆಯೇ ಹೊರಡುವ ಆತುರದಲ್ಲಿರುತ್ತಾರೆ.

ಸೆಲ್ಫಿ ಬೇಡ: ನಿಮ್ಮ ಜೊತೆಗಿನ ಸಂಬಂಧಕ್ಕೆ ಯಾವುದೇ ಪುರಾವೆಗಳಿರಬಾರದು ಎಂದು ಸೆಲ್ಫಿ ತೆಗೆದುಕೊಳ್ಳಲು ಹಿಂಜರಿಯುತ್ತಾರೆ. ಈ ರೀತಿ ನಡೆದುಕೊಂಡರೆ ನಿಮಗೆ ಮೋಸ ಮಾಡುವ ಉದ್ದೇಶವನ್ನು ಅವನು ಮೊದಲೇ ಹೊಂದಿರುತ್ತಾನೆ. ಹಾಗಾಗಿ ಸೆಲ್ಫಿ ತೆಗೆದುಕೊಳ್ಳುವುದಿಲ್ಲ. ತೆಗೆದುಕೊಂಡರೂ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವುದಿಲ್ಲ.

ಮದುವೆಯ ಉಂಗುರ : ನಿಮ್ಮ ಪ್ರೇಮಿ ತನ್ನ ಕೈಯಲ್ಲಿ ಮದುವೆಯ ಉಂಗುರವನ್ನು ಧರಿಸಿದರೆ, ಅವನು ತನ್ನ ಕೈಗಳನ್ನು ಮರೆಮಾಡಿ ನಿಮ್ಮೊಂದಿಗೆ ಮಾತನಾಡುತ್ತಾನೆ. ಏಕೆಂದರೆ ಸಾಮಾನ್ಯ ಉಂಗುರಕ್ಕೂ ಮದುವೆಯ ಉಂಗುರಕ್ಕೂ ಸ್ವಲ್ಪ ವ್ಯತ್ಯಾಸವಿದೆ. ಕೆಲವೇ ಮಹಿಳೆಯರಿಗೆ ಈ ಬಗ್ಗೆ ತಿಳಿದಿರುತ್ತದೆ.

ಭವಿಷ್ಯದ ಗುರಿಗಳಿಲ್ಲ: ನಿಮ್ಮೊಂದಿಗೆ ಮಾತನಾಡುವುದು, ನಗುವುದು ಮತ್ತು ಸಮಯ ಕಳೆಯುವುದು ಅವರ ಉದ್ದೇಶವಾಗಿದೆ. ನಿನ್ನನ್ನು ಮದುವೆಯಾಗುವ ಅಥವಾ ನಿನ್ನ ಭವಿಷ್ಯ ಹೇಗಿರಬೇಕೆಂಬುದನ್ನು ಯೋಜಿಸುವ ಬಗ್ಗೆ ಎಂದಿಗೂ ಅವನು ಮಾತನಾಡುವುದಿಲ್ಲ.

ಪ್ರತಿತಂತ್ರಗಳು: ನಿಮ್ಮ ಸಂಗಾತಿಯ ಹಿಂದಿನ ಜೀವನವನ್ನು ನೀವು ಪ್ರಶ್ನಿಸಿದರೆ, ಅವರು ಈ ಮಾತಿನಿಂದ ತಪ್ಪಿಸಿಕೊಳ್ಳುತ್ತಾರೆ. ವಿಶೇಷವಾಗಿ ನೀವು ಹಿಂದೆ ಯಾವುದಾದರೂ ಲವ್ ರಿಲೇಶನ್ ಶಿಪ್ ಹೊಂದಿದ್ದೀರಾ ಎಂಬ ಪ್ರಶ್ನೆಯನ್ನು ಕೇಳಿದರೆ ಅವರು ತ್ವರಿತವಾಗಿ ಉತ್ತರಿಸುವುದಿಲ್ಲ. ಅಲ್ಲಿ ಇಲ್ಲಿ ಏನೇನೋ ಹೇಳಿ ಮ್ಯಾನೇಜ್ ಮಾಡುತ್ತಾರೆ.

ಒಳಬರುವ ಫೋನ್ ಕರೆಗಳಲ್ಲಿ ಉದ್ವೇಗ : ನಿಮ್ಮೊಂದಿಗೆ ಇರುವಾಗ ಯಾವುದಾದರೂ ಫೋನ್ ಕರೆ ಬಂದರೆ ಅವರು ಆತಂಕದಿಂದ ಮಾತನಾಡುವುದನ್ನು ನೀವು ನೋಡಬಹುದು. ಅದರಲ್ಲೂ ನಿಮ್ಮ ಫೋನ್ ಕೈಯಲ್ಲಿರುವಾಗ ಟೆಕ್ಸ್ಟ್ ಮೆಸೇಜ್ ಬಂದರೆ ತಕ್ಷಣ ಟೆನ್ಶನ್ ಆಗಿ ಗಡಿಬಿಡಿಯಿಂದ ಹೋಗುತ್ತಾರೆ.