Kitchen Hacks: ಯಾವುದೇ ಕಾರಣಕ್ಕೂ ಈ ವಸ್ತುಗಳನ್ನು ನಿಮ್ಮ ಅಡುಗೆ ಮನೆಯಲ್ಲಿ ಇಟ್ಕೋಬೇಡಿ! ಕ್ಯಾನ್ಸರ್​ ಬರಬಹುದು ಹುಷಾರ್​!

ವೈದ್ಯರ ಮಾತೊಂದಿದೆ ನೀವು ಹೆಚ್ಚು ಹೊತ್ತು ಅಡುಗೆ ಮನೆಯಲ್ಲಿ ಸಮಯ ಕಳೆಯದಿದ್ದರೆ ಆಸ್ಪತ್ರೆಯಲ್ಲಿ ಕಳೆಯಬೇಕು ಎಂದು. ಈ ನಿಟ್ಟಿನಲ್ಲಿ ಇವತ್ತು ಆಹಾರ – ಅಡುಗೆ ಎನ್ನುವುದು ಸುಲಭದಲ್ಲಿ ಆಗಬೇಕಾದ ಧಾವಂತ ಎಲ್ಲರಲ್ಲೂ ಇದೆ. ದುಡಿಯುವ ಮಹಿಳೆಯರಿಗಂತೂ ಈ ಒತ್ತಡ ಕೊಂಚ ಹೆಚ್ಚೇ ಇದೆ. ಈ ಕಾರಣದಿಂದಲೇ ಅಡುಗೆ ಮನೆಯಲ್ಲಿ ಬೇಗ ಕೆಲಸ ಮುಗಿಸಲು ಹಲವಾರು ಉಪಕರಣಗಳು ಧಾವಿಸಿವೆ. ಆದರೆ ನೆನಪಿಡಿ ಇವುಗಳ ಮೇಲಿನ ಅವಲಂಬನೆ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.

ಇವುಗಳನ್ನು ನಮ್ಮಜೀವನಶೈಲಿಯನ್ನಾಗಿಸಿಕೊಂಡರೆ ಇವು ಕ್ಯಾನ್ಸರ್​​ ಕಾರಕಗಳಾಗಿ ಮುಂದೊಂದು ದಿನ ಮನುಕುಲಕ್ಕೆ ದೊಡ್ಡ ಆಘಾತ ತಂದೊಡ್ಡುತ್ತದೆ. ಈ ಹಿನ್ನೆಲೆಯಲ್ಲಿ ನಿಮ್ಮ ಅಡುಗೆ ಮನೆಯಲ್ಲಿರುವ ಕ್ಯಾನ್ಸರ್​​ ಕಾರಕ ಈ 7 ವಸ್ತುಗಳನ್ನು ಇಂದೇ ಗುರುತಿಸಿ, ಅದನ್ನು ಬಿಸಾಡುವುದು ಉತ್ತಮ.

 ರಿಫೈನ್ಡ್​ ಸಕ್ಕರೆ: ನಮ್ಮ ದಿನ ಶುರವಾಗುವುದೇ ಸಕ್ಕರೆಭರಿತ ಕಾಫಿಯಿಂದ. ಆದರೆ ನೆನಪಿರಲಿ ಈ ಸಕ್ಕರೆ ಅನೇಕ ಕಾಯಿಲೆಗಳಿಗೆ ಕಾರಣವಾಗುತ್ತದೆ ಎನ್ನುವುದನ್ನು ಎಲ್ಲೆಡೆ ಜಾಗೃತಿ ಮೂಡಿಸಲಾಗುತ್ತಿದೆ. ಸಕ್ಕರೆ ತಯಾರಿಕಾ ಹಂತವು ಕೆಮಿಕಲ್​ನಿಂದ ಕೂಡಿದೆ. ಅಲ್ಲದೇ ಇದರಿಂದ ಸಕ್ಕರೆ ಕಾಯಿಲೆ ಬರಬಹುದು. ದೇಹದಲ್ಲಿ ಉರಿಯೂತದಂತಹ ಸಮಸ್ಯೆ ಕಾಣಿಸಿಕೊಳ್ಳಬಹುದು. ಸಕ್ಕರೆ ಬದಲಿಗೆ ಸಾವಯವ ಬೆಲ್ಲದ ಬಳಕೆ ಸೂಕ್ತ. ಜೊತೆಗೆ ಸಕ್ಕರೆ ಇರುವ ಆಹಾರವನ್ನು ದೂರವಿರಿಸುವುದು ಉತ್ತಮ.

 ಪ್ಲ್ಯಾಸ್ಟಿಕ್ ​ ಬಾಟೆಲ್ಸ್​: ಇವತ್ತು ಎಲ್ಲೆಡೆ ವ್ಯಾಪಕವಾಗಿಪ್ಲ್ಯಾಸ್ಟಿಕ್​​ ಬಳಕೆಯಾಗುತ್ತಿದೆ. ಅದರಲ್ಲೂ ಪ್ಲ್ಯಾಸ್ಟಿಕ್​​ ಬಾಟಲಿಗಳ ಬಳಕೆ ಪ್ರಮಾಣ ದೊಡ್ಡದಿದೆ. ಬೇಸಿಗೆಯಲ್ಲಿ ಪ್ಲ್ಯಾಸ್ಟಿಕ್​ ​ ಬಳಕೆ ಒಳ್ಳೆಯದಲ್ಲ. ಇನ್ನೂ ಇದರಲ್ಲಿರುವ ಬಿಪಿಎ ನಿಂದ ಹಾರ್ಮೋನ್ ಅಸಮತೋಲನದಂತಹ ಸಮಸ್ಯೆ ಉಂಟಾಗುತ್ತದೆ. ಅಷ್ಟೇ ಅಲ್ಲದೇ ರೋಗನಿರೋಧಕ ಶಕ್ತಿ ಕುಂಠಿತವಾಗುತ್ತದೆ. ಈ ನಿಟ್ಟಿನಲ್ಲಿ ಪ್ಲ್ಯಾಸ್ಟಿಕ್​​ ಬಳಕೆ ಕಡಿಮೆ ಮಾಡಿ.

ಸಂಸ್ಕರಿಸಿದ ಆಹಾರ: ಸಂಸ್ಕರಿಸಿದ ಆಹಾರಗಳು ಆ ಕ್ಷಣಕ್ಕೆ ನಿಮ್ಮ ಹಸಿವನ್ನು ತಣಿಸಬಹುದು. ಆದರೆ ಆರೋಗ್ಯದ ವಿಷಯದಲ್ಲಿ ಅದು ಹಾನಿಕಾರಕ. ಫ್ರೆಂಚ್​ ಅಧ್ಯಯನದ ಪ್ರಕಾರ ಮನೆ ಊಟ ಸೇವನೆ ಮಾಡುವವರು ಆರೋಗ್ಯವಂತರಾಗಿದ್ದು ಸಂಸ್ಕರಿಸಿದ ಆಹಾರ ಸೇವಿಸುವವರು ಕ್ಯಾನ್ಸರ್​​ಗೆ ಒಳಗಾಗುವ ಸಂಭವ ಹೆಚ್ಚು. ಆದ್ದರಿಂದ ಆದಷ್ಟು ರೆಡಿ ಟೂ ಈಟ್​ಗಳ ಸೇವನೆಗೆ ಕಡಿವಾಣ ಹಾಕಿ.

 ಸಂಸ್ಕರಿಸಿದ ಮಾಂಸ: ಮಾಂಸಾಹಾರ ಸೇವಿಸುವವರು ಸಂಸ್ಕರಿಸಿದ ಮಾಂಸ ತ್ಯಜಿಸುವುದು ಒಳಿತು. ಅದು ಕೆಡೆದಂತೆ ದೀರ್ಘಕಾಲ ಉಳಿಯಲು ಅನೇಕ ತಂತ್ರಜ್ಞಾನವನ್ನು ಬಳಸಲಾಗುತ್ತದೆ. ಅಲ್ಲದೇ ಸಣ್ಣ ಪುಟ್ಟ ಬ್ಯಾಕ್ಟೀರಿಯಾಗಳಿಂದ ಆವೃತ್ತವಾಗುವುದಲ್ಲದೇ ಸೋಂಕುಗಳಿಗೂ ಕಾರಣವಾಗಬಹುದು. ಅಲ್ಲದೇ ಕ್ಯಾನ್ಸರ್ ಕೂಡ ಸಂಭವಿಸಬಹುದು. ಅದರಲ್ಲೂ ರೆಡ್ ಮೀಟ್ ಬಳಕೆ ತಪ್ಪಿಸಿ.

ನಾನ್​ ಸ್ಟಿಕ್​ ಪಾತ್ರೆಗಳು: ನಾನ್​ ಸ್ಟಿಕ್​ ಪಾತ್ರೆಗಳಲ್ಲಿರುವ ಸಿಎಫ್​​ಸಿ ಅಂಶವು ಆಹಾರದ ಜೊತೆಗೆ ಸೇರಿಕೊಳ್ಳುತ್ತದೆ. ಅದರ ಮೇಲೆ ಲೇಪನವಾಗಿರುವ ಅಂಶ ನಿಧಾನಕ್ಕೆ ನಿಮ್ಮ ದೇಹ ಸೇರುತ್ತದೆ. ಇದು ನಿಧಾನವಾಗಿ ಕ್ಯಾನ್ಸರ್​ ಸೆಲ್​ಗಳಾಗುವ ಸಾಧ್ಯತೆ ಇದೆ. ಅಲ್ಲದೇ ನಾನ್​ ಸ್ಟಿಕ್​ ಕುಕ್​ವೇರ್​ನ ಅನಿಲಗಳು ಅಪಾಯಕಾರಿ ಕೂಡ.

ಅಲ್ಯೂಮಿನಿಯಂ ಫಾಯಿಲ್​: ನೋಡುವುದಕ್ಕೆ ಅಂದವಾಗಿ ಕಾಣುತ್ತದೆ ಎನ್ನುವ ಕಾರಣಕ್ಕೆ ಅಲ್ಯೂಮಿನಿಯಂ ಫಾಯಿಲ್​ ಹಾಳೆಗಳ ಬಳಕೆ ಇತ್ತೀಚೆಗೆ ಹೆಚ್ಚಾಗಿದೆ. ಆದರೆ ಇದೆಲ್ಲವೂ ಪ್ರಯಾಣದಲ್ಲಿ ಅಪರೂಪಕ್ಕೆ ಬಳಸುವ ವಸ್ತುಗಳಾಗಿವೆ. ದಿನ ನಿತ್ಯ ಇದನ್ನು ಆಹಾರದೊಟ್ಟಿಗೆ ಸೇರಿಸುವುದು ಕ್ಯಾನ್ಸರ್​​ ಗೆ ಕಾರಣವಾಗುತ್ತದೆ.