Weight Loss Tips : ಬೇಗ ತೂಕ ಕಳೆದುಕೊಳ್ಳಿ; ಅನ್ನದ ಬದಲು ಮಧ್ಯಾಹ್ನ ಈ ಊಟವನ್ನು ತಿನ್ನಿ!

ಎಷ್ಟೋ ಮಂದಿ ಬೆಳಗ್ಗೆ, ಮಧ್ಯಾಹ್ನಾ, ರಾತ್ರಿ ಮೂರು ಬಾರಿ ಕೂಡ ಅನ್ನ ಸೇವಿಸುತ್ತಾರೆ. ಕಾಲೇಜು ಅಥವಾ ಕಚೇರಿಗೆ ಹೋಗುವವರಿಗಂತೂ ತಾಯಂದಿರು ಅನ್ನ ತಿನ್ನದೇ ಹೋಗುವುದಕ್ಕೆ ಬಿಡುವುದಿಲ್ಲ. ಆದರೆ 3 ಬಾರಿಯೂ ಅನ್ನವನ್ನೇ ಸೇವಿಸುವುದರಿಂದ ದೇಹ ತೂಕ ಹೆಚ್ಚಾಗುತ್ತದೆ ಎಂದು ಅದೆಷ್ಟೋ ಮಂದಿಗೆ ತಿಳಿದಿರುವುದಿಲ್ಲ. ಆದರೆ ನೀವು ತೆಳ್ಳಗಿರಬೇಕು ಎಂದರೆ, ಮೊದಲು ಅನ್ನ ಹೆಚ್ಚಾಗಿ ತಿನ್ನುವುದನ್ನು ನಿಯಂತ್ರಿಸಬೇಕು. ಅಲ್ಲದೇ ಅನ್ನಕ್ಕಿಂತ ಹೆಚ್ಚಅದ ರುಚಿಕರ ಆಹಾರಗಳಿವೆ.

ವಿವಿಧ ತರಕಾರಿಗಳಿಂದ ಸೂಪ್ ಮಾಡಿ ಚಿಕನ್ನಲ್ಲಿ ಮಿಶ್ರಣ ಮಾಡಿ ಟೊಮೆಟೊ, ಸೀಗಡಿ, ಸ್ವಲ್ಪ ಆಲೂಗಡ್ಡೆ, ಹಸಿರು ಎಲೆಕೋಸು, ಕ್ಯಾಪ್ಸಿಕಂ, ಬೆಲ್ ಪೆಪರ್, ಕುಂಬಳಕಾಯಿಯನ್ನು ಹೋಲುವ ಚೀನೀಕಾಯಿ, ಕಾರ್ನ್, ಬ್ರೊಕೊಲಿ ಸೇರಿಸಿ ತಿನ್ನಿ ಇದರಿಂದ ಹೊಟ್ಟೆ ತುಂಬುತ್ತದೆ ಮತ್ತು ಪೌಷ್ಟಿಕಾಂಶದ ಗುಣಮಟ್ಟವೂ ಹೆಚ್ಚಿರುತ್ತದೆ.

ಓಟ್ಸ್ ಜೊತೆ ತರಕಾರಿ ಖಿಚಡಿ ಮಾಡಿ ಹೆಚ್ಚಿನ ರುಚಿಗಾಗಿ ಕರಿಬೇವು, ಟೊಮೆಟೊ, ಈರುಳ್ಳಿ, ಕ್ಯಾರೆಟ್ ಸೇರಿಸಿ.

ಸಾಮಾನ್ಯ ಆಲೂಗಡ್ಡೆ, ಹೂಕೋಸು, ಬಟಾಣಿ ಕರಿಗಳ ಬದಲಿಗೆ, ಈ ಬಾರಿ ಹೊಸ ಶೈಲಿಯ ಪಾಕವಿಧಾನವನ್ನು ಟ್ರೈ ಮಾಡಿ. ಹೌದು, ಬೇಯಿಸಿದ ಹೂಕೋಸಿನ ಜೊತೆಗೆ ಲವಂಗ, ಕರಿಬೇವಿನ ಪುಡಿ ಮತ್ತು ದಾಲ್ಚಿನ್ನಿ ಬೆರೆಸಿ ಸೇವಿಸಿ, ಇದು ತಿನ್ನಲು ಉತ್ತಮವಾಗಿರುತ್ತದೆ ಮತ್ತು ಉತ್ತಮ ಪೌಷ್ಟಿಕಾಂಶ ಆಹಾರವಾಗಿದೆ.

ಅನ್ನ ಮತ್ತು ಬ್ರೆಡ್ ತಿನ್ನಲು ಇಷ್ಟವಿಲ್ಲವೇ? ಹಾಗಾದ್ರೆ ಚಪಾತಿ ಜೊತೆಗೆ ಇದನ್ನು ತಿನ್ನಿ. ಮೆಂತ್ಯ, ಈರುಳ್ಳಿ, ಟೊಮ್ಯಾಟೊ, ಕೆಂಪು ಮೆಣಸಿನ ಪುಡಿ ಮತ್ತು ಉಪ್ಪಿನೊಂದಿಗೆ ಮೊಳಕೆ ಕಾಳು ಮಿಶ್ರಣ ಮಾಡಿ ಅದಕ್ಕೆ ಮೇಯನೇಸ್ ಸೇರಿಸಿ ಮತ್ತು ಬ್ರೆಡ್ನಲ್ಲಿ ಸುತ್ತಿಕೊಂಡು ತಿನ್ನಿ. ಊಟ ಮಾಡಬೇಕೆಂದು ಅನಿಸುವುದು ಕಡಿಮೆಯಾಗುತ್ತದೆ ಮತ್ತು ತೂಕ ಇಳಿಸುವುದಕ್ಕೆ ಇದು ಅತ್ಯುತ್ತಮ ಆಹಾರವಾಗಿದೆ.

ಬ್ರೌನ್ ರೈಸ್ ಜೊತೆ ಪೊಲಾವ್ ಮಾಡಿ ತಿನ್ನಬಹುದು. ಅದರಲ್ಲಿ ನೀವು ಬ್ರೊಕೊಲಿ, ಬೇಬಿ ಕಾರ್ನ್, ಕಡಲೆ, ಕ್ಯಾಪ್ಸಿಕಂ ಮತ್ತು ಇತರ ತರಕಾರಿಗಳನ್ನು ಮಿಶ್ರಣ ಮಾಡಬಹುದು. (ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ವಿವರಗಳಿಗಾಗಿ ಯಾವಾಗಲೂ ತಜ್ಞರ ಸಲಹೆಯನ್ನು ಪಡೆಯಿರಿ)