Gas and Bloating: ಹೊಟ್ಟೆ ಉಬ್ಬರ, ಗ್ಯಾಸ್ ಸಮಸ್ಯೆ ಇದ್ದರೆ ಈ 5 ಆಹಾರಗಳಿಂದ ದೂರವಿರಿ

ಕೆಲವು ಆಹಾರಗಳಲ್ಲಿ ಫೈಬರ್ ಜೊತೆಗೆ ಫ್ರಕ್ಟೋಸ್ ಕೂಡ ಕಂಡು ಬರುತ್ತದೆ. ಇದು ಅನಿಲವನ್ನು ಉತ್ಪಾದಿಸಬಲ್ಲ ಒಂದು ರೀತಿಯ ಫೈಬರ್ ಆಗಿದೆ. ಕೆಲವರಿಗೆ ಈರುಳ್ಳಿಯಿಂದ ಸಮಸ್ಯೆ ಕಾಡಬಹುದು. ಏಕೆಂದರೆ ಅವರ ಹೊಟ್ಟೆ ಈರುಳ್ಳಿಯನ್ನು ಸಹಿಸುವುದಿಲ್ಲ.

ಹಾಗಾದರೆ ಹೊಟ್ಟೆ ಉಬ್ಬರ, ಗ್ಯಾಸ್ ಸಮಸ್ಯೆಯಿಂದ ದೂರ ಇರಬೇಕು ಎಂದರೆ ಏನು ಮಾಡಬೇಕು. ದಿನನಿತ್ಯ ಸಾಮಾನ್ಯವಾಗಿ ಆಹಾರದಲ್ಲಿ ಬಳಸುವ ಕೆಲವು ಪದಾರ್ಥಗಳನ್ನು ತ್ಯಜಿಸಬೇಕು. ಆಗ ಹೊಟ್ಟೆ ಸಮಸ್ಯೆಯಿಂದ ಮುಕ್ತಿ ಸಿಗುತ್ತೆ. ಹೆಲ್ತ್ ಲೈನ್ ಪ್ರಕಾರ ಅಂತಹ 5 ಆಹಾರಗಳನ್ನು ಇಲ್ಲಿ ತಿಳಿಸಲಾಗಿದೆ.

ಈರುಳ್ಳಿ: ಈರುಳ್ಳಿ ಕೆಲವರಿಗೆ ಹೊಟ್ಟೆ ಉಬ್ಬರಿಸುತ್ತದೆ. ಫ್ರಕ್ಟೋಸ್ ಈರುಳ್ಳಿಯಲ್ಲಿ ಕಂಡು ಬರುತ್ತದೆ. ಇದು ಅನಿಲವನ್ನು ಉತ್ಪಾದಿಸಬಲ್ಲ ಒಂದು ರೀತಿಯ ಫೈಬರ್ ಆಗಿದೆ.

ಕಾಳುಗಳು: ಇದು ಕೂಡ ಕೆಲವರಲ್ಲಿ ಗ್ಯಾಸ್ ಸಮಸ್ಯೆಯನ್ನು ಹೆಚ್ಚಿಸಬಹುದು. ಆಲ್ಫಾ-ಗ್ಯಾಲಕ್ಟೊಸೈಡ್ ಎಂಬ ಸಕ್ಕರೆಯು ಕಾಳುಗಳಲ್ಲಿ ಕಂಡುಬರುತ್ತದೆ. ವಾಸ್ತವವಾಗಿ, ಈ ಸಕ್ಕರೆಯು ಕರುಳಿನಲ್ಲಿರುವ ಬ್ಯಾಕ್ಟೀರಿಯಾದ ಸಹಾಯದಿಂದ ಹುದುಗುವಿಕೆಯನ್ನು ಪ್ರಾರಂಭಿಸುತ್ತದೆ. ಇದರಿಂದ ಗ್ಯಾಸ್ ಸಮಸ್ಯೆ ಕಾಡುತ್ತದೆ.

ಹೂಕೋಸು: ಹೂಕೋಸು ಕರುಳಿನೊಳಗೆ ಹೋಗುವ ಮೂಲಕ ಆಲ್ಫಾ-ಗ್ಯಾಲಕ್ಟೋಸೈಡ್ ಸಂಯುಕ್ತವನ್ನು ಉಂಟು ಮಾಡುತ್ತದೆ, ಇದರಿಂದಾಗಿ ಅನಿಲವು ಉತ್ಪತ್ತಿಯಾಗುತ್ತದೆ. ಗ್ಯಾಸ್ ಸಮಸ್ಯೆ ಇರುವವರು ಇದರಿಂದ ದೂರ ಇರಬೇಕು.

ಹೆಸರು ಬೇಳೆ: ಇದು ಪೌಷ್ಟಿಕ ಅಂಶಗಳಿಂದ ಸಮೃದ್ಧವಾಗಿರುವ ಆಹಾರ ಪದಾರ್ಥವಾಗಿದೆ. ಇದರಲ್ಲಿ ಸಾಕಷ್ಟು ಪ್ರಮಾಣದ ಪ್ರೊಟೀನ್, ಫೈಬರ್, ಕಾರ್ಬೋಹೈಡ್ರೇಟ್, ಖನಿಜಗಳು ಇತ್ಯಾದಿಗಳಿರುತ್ತವೆ. ಆದರೆ ಅತಿಯಾದ ನಾರಿನ ಕಾರಣ, ಇದು ಕೆಲವರಲ್ಲಿ ಗ್ಯಾಸ್ ಉಂಟು ಮಾಡಬಹುದು.

ಕಾರ್ಬೊನೇಟೆಡ್ ಪಾನೀಯ: ಅಂದರೆ ಸೋಡಾ, ತಂಪು ಪಾನೀಯ ಇತ್ಯಾದಿಗಳು ಹೊಟ್ಟೆಯಲ್ಲಿ ಗ್ಯಾಸ್ ಸಮಸ್ಯೆಯನ್ನು ಉಂಟು ಮಾಡಬಹುದು, ಇದರಿಂದಾಗಿ ಹೊಟ್ಟೆಯು ಉಬ್ಬಿಕೊಳ್ಳುತ್ತದೆ.

ಕಾರ್ಬೊನೇಟೆಡ್ ಪಾನೀಯಗಳು ಬಹಳಷ್ಟು ಕಾರ್ಬನ್ ಡೈಆಕ್ಸೈಡ್ ಅನ್ನು ಹೊಂದಿರುತ್ತವೆ, ಅದು ಸ್ವತಃ ಅನಿಲವಾಗಿದೆ. ಹೆಚ್ಚಿನ ಪ್ರಮಾಣದ ಪಾನೀಯವು ಹೊಟ್ಟೆಗೆ ಪ್ರವೇಶಿಸಿದರೆ, ಅದು ಗ್ಯಾಸ್ ಗೆ ಕಾರಣವಾಗುತ್ತದೆ.