Fashion Tips: ಮಹಿಳೆಯರೇ ಬೇಸಿಗೆಯಲ್ಲಿ ನೀವು ಸ್ಲಿಮ್ ಆಗಿ ಕಾಣಬೇಕಾ? ಹಾಗಾದ್ರೆ ಈ ತರಹದ ಬಟ್ಟೆಗಳನ್ನು ಧರಿಸಿ!

ಚಳಿಗಾಲ ಮುಗಿದು ಬೇಸಿಗೆ ಆರಂಭವಾಗಿದೆ. . ಈ ವಾತಾವರಣಕ್ಕೆ ತಕ್ಕಂತೆ ಬಟ್ಟೆ ಬದಲಾಯಿಸಿಕೊಳ್ಳದಿದ್ದರೆ ಸುಡು ಬಿಸಿಲನ್ನು ತಡೆದುಕೊಳ್ಳುವುದಕ್ಕೆ ಖಂಡಿತವಾಗಿಯೂ ಸಾಧ್ಯವಾಗುವುದಿಲ್ಲ. ಹಾಗಾದ್ರೆ ಇದಕ್ಕೆ ಏನು ಮಾಡಬೇಕು ಅಂತ ಯೋಚಿಸುತ್ತಿದ್ದೀರಾ? ಡೋಂಟ್ವರಿ ದಪ್ಪಗಿರುವ ಮಹಿಳೆಯರು ಸ್ಲಿಮ್ ಆಗಿ ಕಾಣಲು ನಿಮ್ಮ ಸೈಜ್ಗೆ ಸರಿಹೊಂದುವಂತಹ ಬಟ್ಟೆಯನ್ನು ಹುಡುಕುವುದು ಬಹಳ ಮುಖ್ಯವಾಗಿದೆ. ಹಾಗಾದರೆ ಯಾವ ರೀತಿಯ ಬಟ್ಟೆಗಳನ್ನು ನೀವು ಸ್ಲಿಮ್ ಆಗಿ ಕಾಣಲು ಸಹಾಯ ಮಾಡುತ್ತದೆ ಎಂಬುದನ್ನು ತಿಳಿದುಕೊಳ್ಳೋಣ.

ವಿ-ನೆಕ್ಲೈನ್ಗಳಿರುವ ಬಟ್ಟೆ ಆರಿಸುವುದು : ಪುರುಷರಿಗಿಂತ ಮಹಿಳೆಯರು ಬಟ್ಟೆಯ ವಿಷಯದಲ್ಲಿ ಹೆಚ್ಚು ಜಾಗರೂಕರಾಗಿರುತ್ತಾರೆ. ಇನ್ನೂ ದಪ್ಪಗಿರುವ ಕೆಲವು ಮಹಿಳೆಯರು ಯಾವುದರಲ್ಲಿ ಉತ್ತಮವಾಗಿ ಕಾಣುತ್ತಾರೆ? ಯಾವುದರಲ್ಲಿ ದಪ್ಪಗೆ ಕಾಣುವುದಿಲ್ಲ ಎಂದು ಬಟ್ಟೆಯನ್ನು ಹುಡುಕುವುದು ಸಾಮಾನ್ಯ ಸಂಗತಿಯಾಗಿದೆ. ನಿಮ್ಮ ದೇಹಕ್ಕೆ ಶೇಪ್ ನೀಡಲು ನೀವು ಬಯಸಿದರೆ, ವಿ-ನೆಕ್ಲೈನ್ ಹೊಂದಿರುವ ಉಡುಪುಗಳನ್ನು ಆಯ್ಕೆ ಮಾಡಬಹುದು. ಇದು ನಿಮ್ಮ ತಲೆ ಎತ್ತರವಾಗಿ ಕಾಣುವಂತೆ ಮಾಡುತ್ತದೆ ಮತ್ತು ನಿಮಗೆ ತೆಳ್ಳಗಿನ ಲುಕ್ ನೀಡುತ್ತದೆ.

ಎ-ಲೈನ್ ಉಡುಪುಗಳನ್ನು ಆಯ್ಕೆ ಮಾಡುವುದು: ಎ-ಲೈನ್ ಉಡುಪುಗಳು ನಿಸ್ಸಂದೇಹವಾಗಿ ಎಲ್ಲಾ ಮಹಿಳೆಯರಿಗೆ ಅತ್ಯುತ್ತಮ ಆಯ್ಕೆಯಾಗಿದೆ. ಉದ್ದನೆಯ ಉಡುಪುಗಳು ನಿಮ್ಮ ಸೊಂಟವನ್ನು ತೆಳ್ಳಗೆ ಕಾಣುವಂತೆ ಮಾಡಬಹುದು. ಆದ್ದರಿಂದ ಇದು ಬೇಸಿಗೆಯಲ್ಲಿ ಪರಿಪೂರ್ಣ ಉಡುಗೆಯಾಗಿದೆ ಮತ್ತು ನಿಮ್ಮ ದೇಹವನ್ನು ಸ್ಲಿಮ್ ಆಗಿ ಕಾಣಲು ಸಹಾಯ ಮಾಡುತ್ತದೆ.

ಹೆಚ್ಚಿನ ಸೊಂಟದ ಜೀನ್ಸ್ ಧರಿಸುವುದು : ಕಪ್ಪು ಅಥವಾ ಗಾಢ ಬಣ್ಣದ, ದೊಡ್ಡ ಸೊಂಟದ ಸೈಜ್, ಸ್ಲಿಮ್ ಫಿಟ್ ಜೀನ್ಸ್ ಅನ್ನು ಟ್ರೈ ಮಾಡಿ. ಶಾರ್ಟ್ ಟಾಪ್ ಅಥವಾ ಕ್ರಾಪ್ ಟಾಪ್ ಜೊತೆಗೆ ಈ ಜೀನ್ಸ್ ಪ್ಯಾಂಟ್ ಧರಿಸಿದಾಗ, ಇದು ನಿಮ್ಮ ಕಾಲುಗಳನ್ನು ಸ್ಲಿಮ್ ಕಾಣಲು ಸಹಾಯ ಮಾಡುತ್ತದೆ.

ಶೇಪ್ ವೇರ್ ಗಳನ್ನು ಬಳಸಿ: ದಪ್ಪಗಿರುವ ಮಹಿಳೆಯರು ಶೇಪ್ವೇರ್ಗಳನ್ನು ಧರಿಸಲು ಬಯಸಿದರೆ ಶೇಪ್ವೇರ್ಗಳನ್ನು ಆಯ್ಕೆ ಮಾಡುತ್ತಾರೆ. ವಿಶೇಷವಾಗಿ ಬೇಸಿಗೆಯಲ್ಲಿ ಕಾಟನ್ ಸೀರೆಗಳನ್ನು ಧರಿಸುವಾಗ ನೀವು ದಪ್ಪಗಿರುವಂತೆ ಕಾಣದಿರಲು ಬಯಸಿದರೆ ಇದು ನಿಮಗೆ ಬೆಸ್ಟ್ ಅಂತ ಹೇಳಬಹುದು. ಸೊಂಟ, ತೊಡೆ ಮತ್ತು ಹೊಟ್ಟೆಯಲ್ಲಿ ದೇಹದ ಕೊಬ್ಬನ್ನು ಕಡಿಮೆ ಮಾಡಲು ಈ ಉಡುಗೆ ಸಹಕಾರಿಯಾಗಿದೆ.

ತಿಳಿ ಬಣ್ಣದ ಬಟ್ಟೆಗಳು: ತಿಳಿ ಬಣ್ಣದ ಬಟ್ಟೆಗಳು ಬೇಸಿಗೆಯಲ್ಲಿ ತೆಳ್ಳಗೆ ಕಾಣಲು ನಿಮಗೆ ಸಹಾಯ ಮಾಡುತ್ತದೆ. ಮೃದುವಾದ ಬಣ್ಣಗಳು ಆರ್ದ್ರ ವಾತಾವರಣದೊಂದಿಗೆ ಚೆನ್ನಾಗಿ ಹೊಂದಿಕೊಳ್ಳುತ್ತವೆ ಮತ್ತು ನಿಮ್ಮ ಲುಕ್ ಅನ್ನೇ ಚೇಂಜ್ ಮಾಡುತ್ತದೆ.

ಈ ರೀತಿಯ ಬಟ್ಟೆಯ ಆಯ್ಕೆಗಳು ನಿಮ್ಮ ದೇಹವನ್ನು ಸ್ಲಿಮ್ ಆಗಿ ಕಾಣುವಂತೆ ಮಾಡಲು ಖಂಡಿತವಾಗಿಯೂ ನಿಮಗೆ ಸಹಾಯ ಮಾಡುತ್ತದೆ. (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)