Cucumber Toner: 10 ಫೇಸ್ ಕ್ರೀಮ್​ಗಳ ಕೆಲಸವನ್ನು ಸೌತೆಕಾಯಿ ಟೋನರ್ ಒಂದೇ ಮಾಡುತ್ತೆ

ಸೌತೆಕಾಯಿ ಫೇಸ್ ಟೋನರ್ ಚರ್ಮದ ಆರೈಕೆಯಲ್ಲಿ ಅತ್ಯುತ್ತಮ ಪಾತ್ರವನ್ನು ವಹಿಸುತ್ತದೆ. ಹಾಗಾದರೆ ಸೌತೆಕಾಯಿ ಫೇಸ್ ಟೋನರ್ ಮಾಡುವ ವಿಧಾನ ಮತ್ತು ಅದನ್ನು ಬಳಸುವುದರಿಂದ ಆಗುವ ಪ್ರಯೋಜನಗಳ ಬಗ್ಗೆ ಇಲ್ಲಿ ತಿಳಿಯೋಣ.

ಸೌತೆಕಾಯಿ-ರೋಸ್ ವಾಟರ್ ಫೇಸ್ ಟೋನರ್: ಸೌತೆಕಾಯಿ ಫೇಸ್ ಟೋನರ್ ಮಾಡಲು, ಸೌತೆಕಾಯಿಯನ್ನು ತುರಿದಿಟ್ಟುಕೊಳ್ಳಿ. ನಂತರ ಅದರ ರಸವನ್ನು ಹೊರತೆಗೆಯಿರಿ ಮತ್ತು ಅದಕ್ಕೆ ಸಮಾನ ಪ್ರಮಾಣದ ರೋಸ್ ವಾಟರ್ ಅನ್ನು ಮಿಶ್ರಣ ಮಾಡಿ. ಈಗ ಅದನ್ನು ಸ್ಪ್ರೇ ಬಾಟಲಿಯಲ್ಲಿ ತುಂಬಿಸಿ ಫ್ರಿಡ್ಜ್ ನಲ್ಲಿ ಸಂಗ್ರಹಿಸಿ. ಮುಖಕ್ಕೆ ಪ್ರತಿದಿನ ಬಳಸಿ.

ಸೌತೆಕಾಯಿ-ಗ್ರೀನ್ ಟೀ ಫೇಸ್ ಟೋನರ್ : ಸೌತೆಕಾಯಿ ಮತ್ತು ಗ್ರೀನ್ ಟೀಯ ಫೇಸ್ ಟೋನರ್ ಮಾಡಲು, ಮೊದಲು ಸೌತೆಕಾಯಿಯನ್ನು ರಸವನ್ನು ಹೊರತೆಗೆಯಿರಿ. ನಂತರ ಈ ಜ್ಯೂಸ್ ನಲ್ಲಿ ಗ್ರೀನ್ ಟೀ ಮತ್ತು ನಿಂಬೆ ರಸವನ್ನು ಮಿಕ್ಸ್ ಮಾಡಿ. ಈಗ ಈ ಮಿಶ್ರಣವನ್ನು ಸ್ಪ್ರೇ ಬಾಟಲಿಯಲ್ಲಿ ತುಂಬಿಸಿ ಫ್ರಿಡ್ಜ್ ನಲ್ಲಿ ಸಂಗ್ರಹಿಸಿ. ನಂತರ ನಿಮಗೆ ಬೇಕಾದಾಗ ಬಳಸಿ.

ಸೌತೆಕಾಯಿ-ಪುದೀನಾ ಫೇಸ್ ಟೋನರ್ : ಸೌತೆಕಾಯಿ ಮತ್ತು ಪುದೀನಾ ಫೇಸ್ ಟೋನರ್ ಮಾಡಲು, ಮೊದಲು ಸೌತೆಕಾಯಿ ಚೂರುಗಳನ್ನು ಕತ್ತರಿಸಿ. ನಂತರ ಸೌತೆಕಾಯಿ ತುಂಡುಗಳು ಮತ್ತು ಪುದೀನ ಎಲೆಗಳನ್ನು ಒಂದು ಪಾತ್ರೆಯಲ್ಲಿ ಹಾಕಿ ಮತ್ತು ಈ ನೀರನ್ನು 24 ಗಂಟೆಗಳ ಕಾಲ ಫ್ರಿಜ್ನಲ್ಲಿಡಿ. ಈಗ ಈ ನೀರನ್ನು ಫಿಲ್ಟರ್ ಮಾಡಿ ಮತ್ತು ಸ್ಪ್ರೇ ಬಾಟಲಿಯಲ್ಲಿ ತುಂಬಿಸಿ. ಚರ್ಮದ ಆರೈಕೆಗಾಗಿ ದಿನಕ್ಕೆ ಎರಡು ಬಾರಿ ಈ ಫೇಸ್ ಟೋನರ್ ಅನ್ನು ಬಳಸಿ.

ಸೌತೆಕಾಯಿ ಫೇಸ್ ಟೋನರ್ ಅನ್ನು ಈ ರೀತಿ ಬಳಸಿ: ಈ ಟೋನರ್ ಅನ್ನು ಬಳಸಲು, ಹತ್ತಿ ಉಂಡೆಯನ್ನು ತೆಗೆದುಕೊಂಡು ಅದನ್ನು ಟೋನರ್ ನಲ್ಲಿ ಅದ್ದಿ. ನಂತರ ಮುಖ ಮತ್ತು ಕುತ್ತಿಗೆಗೆ ಹಚ್ಚಿ. ಇದರ ನಂತರ, ಈ ಟೋನರ್ ಅನ್ನು ಸ್ವಲ್ಪ ಸಮಯದವರೆಗೆ ಬಿಡಿ. ಅದು ಒಣಗಿದಾಗ, ನಿಮ್ಮ ಮುಖವನ್ನು ನೀರಿನಿಂದ ತೊಳೆಯಿರಿ. ಮಾಯಿಶ್ಚರೈಸರ್ ಅನ್ನು ಹಚ್ಚಿ. ಉತ್ತಮ ತ್ವಚೆಯ ಆರೈಕೆಗಾಗಿ ಈ ಟೋನರ್ ಅನ್ನು ದಿನಕ್ಕೆ ಎರಡು ಬಾರಿ ಬೆಳಿಗ್ಗೆ ಮತ್ತು ಸಂಜೆ ಬಳಸಿ.

ಫೇಸ್ ಟೋನರ್ ಪ್ರಯೋಜನಗಳು: ಸೌತೆಕಾಯಿ ಫೇಸ್ ಟೋನರ್ ಅನ್ನು ತ್ವಚೆಯ ಆರೈಕೆಯಲ್ಲಿ ಬಳಸುವುದರಿಂದ ತ್ವಚೆಯು ತೇವಾಂಶದಿಂದ ಕೂಡಿರುತ್ತದೆ. ಇದರೊಂದಿಗೆ, ಸೌತೆಕಾಯಿಯ ಈ ಟೋನರ್ ಟಾರ್ಕ್ ಸರ್ಕಲ್, ಟ್ಯಾನಿಂಗ್, ಸನ್ ಬರ್ನ್ ಮತ್ತು ಮುಖದ ಮೇಲಿನ ಕಲೆಗಳನ್ನು ತೆಗೆದುಹಾಕುತ್ತದೆ.

ಅಷ್ಟೇ ಅಲ್ಲ, ಸೌತೆಕಾಯಿ ಫೇಸ್ ಟೋನರ್ ತ್ವಚೆಯ ಪಿಹೆಚ್ ಮಟ್ಟವನ್ನು ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ. ಜೊತೆಗೆ ತ್ವಚೆಯ ಹೊಳಪನ್ನು ಕಾಪಾಡುತ್ತದೆ.