30 ಸೆಕೆಂಡ್​ಗಳಲ್ಲಿ ನೀವು ಈ 3 ಕೆಲಸ ಮಾಡೋಕೆ ಸಾಧ್ಯ ಆದ್ರೆ ನಿಮ್ಮ ಆರೋಗ್ಯ ಸಖತ್ತಾಗಿದೆ ಎಂದರ್ಥ, ಟ್ರೈ ಮಾಡಿ

ಆಗಾಗ ನಿಯಮಿತವಾಗಿ ಎಲ್ಲರೂ ಆರೋಗ್ಯ ಪರೀಕ್ಷೆಗಳನ್ನು ಅಂದ್ರೆ ಹೆಲ್ತ್ ಚೆಕಪ್​ಗಳನ್ನು ಮಾಡಿಸಿಕೊಳ್ಳಬೇಕು ಎಂದು ವೈದ್ಯರು ಹೇಳುತ್ತಾರೆ. ಆದ್ರೆ ಹಾಗಂತ ಎಲ್ಲರಿಗೂ ಇದು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಮನೆಯಲ್ಲೇ ಸರಳವಾಗಿ ಮಾಡಬಹುದಾದ ಕೆಲವು ಪರೀಕ್ಷೆಗಳು ಇಲ್ಲಿವೆ

ಮುಷ್ಠಿ ಪರೀಕ್ಷೆ: ನಿಮ್ಮ ಎಲ್ಲಾ ಬೆರಳುಗಳನ್ನು ಒಟ್ಟಾಗಿಸಿ ಮುಷ್ಠಿ ಮಾಡಿರಿ. ಗಟ್ಟಿಯಾಗಿ ಹಿಡಿದ ನಂತರ ಕೈಯನ್ನು ಉದ್ದಕ್ಕೆ ಚಾಚಿ. ಈ ರೀತಿ 30 ಸೆಕೆಂಡ್​ಗಳವರಗೆ ಹಿಡಿದಿರಿ. ನಂತರ ಅದನ್ನು ಬಿಡಿ, ಬೆರಳುಗಳನ್ನು ಬಿಡಿಸಿ. ಕೂಡಲೇ ನಿಮ್ಮ ಅಂಗೈಯನ್ನು ಗಮನಿಸಿ. ನಿಮ್ಮ ಅಂಗೈ ಬಿಳುಚಿಕೊಂಡಿದೆಯಾ, ಅಥವಾ ಕೈ ಜೋಮು ಹಿಡಿದಿದೆಯಾ ಗಮನಿಸಿ. ರಕ್ತ ಎಷ್ಟು ವೇಗವಾಗಿ ಹರಿಯುತ್ತದೆ ಮತ್ತು ಎಷ್ಟು ಸಮರ್ಪಕವಾಗಿ ಆಕ್ಸಿಜನ್ ಕೊಂಡೊಯ್ಯುತ್ತದೆ ಎನ್ನುವುದನ್ನು ಇದು ತಿಳಿಸುತ್ತದೆ. ಹೆಚ್ಚು ಕಾಲ ಕೈ ಬಿಳುಚಿಕೊಂಡಿದ್ದರೆ ಅಥವಾ ಜೋಮು ಗಟ್ಟಿದರೆ ವೈದ್ಯರನ್ನು ಕಾಣಿರಿ

ಮುಂದಿನ ಪರೀಕ್ಷೆ ಉಗುರಿನದ್ದು. ಉಗುರು ಬೆರಳನ್ನು ಸೇರುವ ಕೊನೆಯ ಭಾಗವನ್ನು ಗಟ್ಟಿಯಾಗಿ ಒತ್ತಿ ಹಿಡಿದುಕೊಳ್ಳಿ. 5 ಸೆಕೆಂಡ್​ಗಳವರಗೆ ಹಿಡಿದು ನಂತರ ಬಿಡಿ. ಒಂದರಿಂದ ಮೂರು ಸೆಕೆಂಡ್​ಗಳ ಒಳಗೆ ಬಿಳಿಯಾದ ಉಗುರಿನ ಭಾಗಕ್ಕೆ ರಕ್ತ ಹರಿದು ಮತ್ತೆ ನಾರ್ಮಲ್ ಬಣ್ಣ ಬರಬೇಕು, ಆಗ ನೀವು ಆರೋಗ್ಯವಾಗಿದ್ದೀರಾ ಎಂದರ್ಥ. ರಕ್ತ ಮರಳಿ ಹರಿಯಲು ಹೆಚ್ಚು ಸಮಯ ತೆಗೆದುಕೊಂಡರೆ ಅಥವಾ ನೋವು-ಉರಿ ಉಂಟಾದರೆ ವೈದ್ಯರನ್ನು ಕಾಣಿರಿ.

ಯಾವುದೇ ಪೆಟ್ಟಾಗದೆ ಅಥವಾ ಗಾಯವಿಲ್ಲದೆ ಬೆರಳುಗಳು ನೋಯುತ್ತಿದ್ದರೆ ಆಗ ಅದು ಆರೋಗ್ಯದ ನಾನಾ ವಿಚಾರಗಳ ಸೂಚಕ. ಹೆಬ್ಬೆರಳು ನೋಯುತ್ತಿದ್ದರೆ ಉಸಿರಾಟದ ಅಂಗಗಳ ಸಮಸ್ಯೆ ಸೂಚಿಸುತ್ತದೆ. ತೋರುಬೆರಳು ನೋವಾದರೆ ಜೀರ್ಣಕ್ರಿಯೆಯಲ್ಲಿ ಅಥವಾ ದೊಡ್ಡ ಕರುಳಿನಲ್ಲಿ ಸಮಸ್ಯೆ. ಮಧ್ಯದ ಬೆರಳು ನೋವಾದರೆ ರಕ್ತನಾಳಗಳ ಸಮಸ್ಯೆ ಇದೆ ಎಂದರ್ಥ. ಉಂಗುರದ ಬೆರಳಿನಲ್ಲಿ ನೋವುಂಟಾದರೆ ಹೃದಯದ ಆರೋಗ್ಯ ಸಮಸ್ಯೆ ಮತ್ತು ಕಿರುಬೆರಳಿನಲ್ಲಿ ನೋವಿದ್ದರೆ ಸಣ್ಣ ಕರುಳಿನಲ್ಲಿ ಸಮಸ್ಯೆ ಇದೆ ಎಂದರ್ಥ.

ಕಾಲುಗಳ ಮೂಲಕ ಪರೀಕ್ಷೆ: ನೆಲದ ಮೇಲೆ ಆರಾಮಾಗಿ ಮಲಗಿ. ಕೈಗಳನ್ನು ಪಕ್ಕದಲ್ಲಿ ಇರಿಸಿ ಎರಡೂ ಕಾಲುಗಳನ್ನು ಜೊತೆಯಾಗಿ ಮೇಲಕ್ಕೆ ಎತ್ತಿ. ಎಷ್ಟು ಸಾಧ್ಯವೋ ಅಷ್ಟು ಮೇಲಕ್ಕೆ ಎತ್ತಿ 30 ಸೆಕೆಂಡ್​ಗಳವರಗೆ ಹಾಗೇ ಇರಿ. ಒಂದು ವೇಳೆ ನಿಮಗೆ 30 ಸೆಕೆಂಡ್ ಹೀಗೆ ಇಟ್ಟುಕೊಳ್ಳೋದು ವಿಪರೀತ ಕಷ್ಟವಾಗ್ತಿದ್ರೆ ಅಥವಾ ತಡೆಯಲಸಾಧ್ಯವಾದಷ್ಟು ನೋವು ಉಂಟಾಗ್ತಿದ್ರೆ ನಿಮಗೆ ಬೆನ್ನು ಮತ್ತು ಕಿಬ್ಬೊಟ್ಟೆಗೆ ಸಂಬಂಧಿಸಿದ ಸಮಸ್ಯೆ ಇದೆ ಎಂದರ್ಥ.