Mulbagal Dosa: ಪ್ರಧಾನಿ ಮೋದಿ ಬಾಯಲ್ಲಿ ಮುಳಬಾಗಿಲು ದೋಸೆ!

ಮುಳಬಾಗಿಲು ದೋಸೆ! ಈ ಹೆಸರನ್ನು ಕೇಳದವರಿಲ್ಲ, ದೋಸೆಯನ್ನು ತಿನ್ನದವರಿಲ್ಲ! ಬೆಣ್ಣೆ ದೋಸೆಯಿಂದ ದಾವಣಗೆರೆ ಹೇಗೆ ಜಗತ್ಪ್ರಸಿದ್ಧವಾಯ್ತೋ, ಪೇಡೆಯಿಂದ ಹೇಗೆ ಧಾರವಾಡ ಫೇಮಸ್ ಆಯ್ತೋ ಅದೇ ರೀತಿ ಮುಳಬಾಗಿಲು ಫೇಮಸ್ ಆಗಲು ಇದೇ ದೋಸೆ ಕಾರಣವಾಯ್ತು!

ಪ್ರಧಾನಿ ನರೇಂದ್ರ ಮೋದಿ ಸಹ ಕೋಲಾರದಲ್ಲಿ ಮಾಡಿದ ತಮ್ಮ ಭಾಷಣದಲ್ಲಿ ಮುಳಬಾಗಿಲು ದೋಸೆಯನ್ನು ಪ್ರಸ್ತಾಪಿಸಿದ್ದಾರೆ. ಈ ಮೂಲಕ ಇಡೀ ದೇಶ ಮುಳಬಾಗಿಲು ದೋಸೆಯ ಹೆಸರು ವೈರಲ್ ಆಗುವಂತೆ ಮಾಡಿದ್ದಾರೆ.

ಅಭಿವೃದ್ಧಿ ವೇಗವಾಗಿ ನಡೆಯುತ್ತಿರುವ ಕಾರಣ ಇಡೀ ದೇಶದಲ್ಲಿ ಮುಳಬಾಗಿಲು ದೋಸೆ ಸಿಗುವಂತಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದ್ದಾರೆ.

ಮುಳಬಾಗಿಲು ಕೋಲಾರ ಜಿಲ್ಲೆಯ ಒಂದು ತಾಲೂಕು. ಒಂದು ಕಡೆ ಮಾತ್ರ ಬೇಯಿಸಲಾಗುವ ಈ ದೋಸೆಯ ಇನ್ನೊಂದು ಭಾಗ ನಯವಾಗಿರುತ್ತದೆ.

ನಂತರ ಕೆಂಪು ಮಸಾಲೆ ಚಟ್ನಿಯನ್ನು ದೋಸೆಯ ಮೇಲೆ ಹೊದಿಸಲಾಗುತ್ತದೆ. ಈ ದೋಸೆ ತಿನ್ನುವ ಮಜವೇ ಬೇರೆ ಎಂತಾರೆ ಆಹಾರ ಪ್ರಿಯರು!

ಒಟ್ಟಾರೆ ಪ್ರಧಾನಿ ನರೇಂದ್ರ ಮೋದಿಯವರ ಭಾಷಣದಲ್ಲಿ ಮುಳಬಾಗಿಲು ದೋಸೆ ಪ್ರಸ್ತಾಪಿಸಿರುವುದು ತಾಲೂಕಿನ ಜನರ ಖುಷಿಗೆ ಕಾರಣವಾಗಿದೆ. ಆದರೆ ಈ ಖುಷಿ ಎಷ್ಟರಮಟ್ಟಿಗೆ ವೋಟ್ ಆಗಿ ಪರಿವರ್ತನೆಯಾಗಲಿದೆ ಎಂದು ಕಾದುನೋಡಬೇಕಿದೆ.