Office Atmosphere: ಕಂಪನಿಗಳಲ್ಲಿ ಉದ್ಯೋಗಿಗಳ ಸುರಕ್ಷತೆ ಹೇಗಿರಬೇಕು? ಈ ಬಗ್ಗೆ ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆ ಕ್ರಮಗಳೇನು?

ನಮ್ಮಲ್ಲಿ ಅನೇಕ ಮಂದಿ ಮೂಕ್ಕಾಲು ದಿನವನ್ನು ಕಚೇರಿಯಲ್ಲಿಯೇ ಕಳೆಯುತ್ತಾರೆ. ಪ್ರತಿದಿನ ನಾವು ನಮ್ಮ ಜೀವನದ ಬಹುತೇಕ ಭಾಗವನ್ನು ಕಚೇರಿಯ ಕೆಲಸಕ್ಕೆ ಮೀಸಲಿಡುತ್ತೇವೆ. ಹಾಗಾಗಿ ಇಂತಹ ಸ್ಥಳದಲ್ಲಿ ನಮಗೆ ಒತ್ತಡ ಉಂಟು ಮಾಡದಂತೆ ಸುರಕ್ಷಿತವಾಗಿರಬೇಕು.

ಕಚೇರಿ ಕಟ್ಟುವಾಗ, ಅದರ ಗಾತ್ರವನ್ನು ಲೆಕ್ಕಿಸದೇ ಅಲ್ಲಿ ಕೆಲಸ ಮಾಡುವ ಉದ್ಯೋಗಿಗಳಿಗೆ ಸುರಕ್ಷತಾ ಕ್ರಮಗಳು ಗಮನದಲ್ಲಿಟ್ಟುಕೊಳ್ಳಬೇಕು. ಮೇಲಧಿಕಾರಿಗಳೊಂದಿಗೆ ಸಂವಹನ ನಡೆಸುವ ನಿಯಮಗಳು ಮತ್ತು ಇತರ ಹಲವು ಅಂಶಗಳನ್ನು ಪರಿಗಣಿಸುವುದು ಅವಶ್ಯಕ. ನಿಮ್ಮ ಕಛೇರಿಯ ಕೆಲಸಗಾರರನ್ನು ಒತ್ತಡದಿಂದ ಮುಕ್ತವಾಗಿ ಮತ್ತು ಸುರಕ್ಷಿತವಾಗಿರಿಸಲು ನೀವು ಮಾಡಬೇಕಾಗಿರುವುದು ಈ ಕೆಳಗಿನ ಟಿಪ್ಸ್ಗಳನ್ನು ಫಾಲೋ ಮಾಡುವುದಾಗಿದೆ.

ಒಂದಕ್ಕಿಂತ ಹೆಚ್ಚು ನಿರ್ಗಮನ ವ್ಯವಸ್ಥೆ: ಇದರಿಂದ ನೌಕರರು ತುರ್ತು ಪರಿಸ್ಥಿತಿಯಲ್ಲಿ ತ್ವರಿತವಾಗಿ ನಿರ್ಗಮಿಸಬಹುದು. ಭೂಕಂಪದಂತಹ ನೈಸರ್ಗಿಕ ವಿಕೋಪಗಳ ಸಮಯದಲ್ಲಿ ಉದ್ಯೋಗಿಗಳನ್ನು ತ್ವರಿತವಾಗಿ ಸ್ಥಳಾಂತರಿಸಲು ಇದು ಸಹಾಯಕವಾಗುತ್ತದೆ. ತುರ್ತು ಸಂದರ್ಭದಲ್ಲಿ ನೌಕರರನ್ನು ಸ್ಥಳಾಂತರಿಸಲು ಅಗತ್ಯ ತರಬೇತಿ ನೀಡುವುದು ಸಹ ಅಗತ್ಯವಾಗಿದೆ.

ಅಪಘಾತಗಳ ನಿವಾರಣೆ: ಕೆಲಸದ ಸ್ಥಳದಲ್ಲಿ ಅನಗತ್ಯ ಅಪಘಾತಗಳು ಸಂಭವಿಸದಂತೆ ಎಚ್ಚರಿಕೆ ವಹಿಸುವುದು ಬಹಳ ಮುಖ್ಯ. ಉದಾಹರಣೆಗೆ, ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಇದು ವಿದ್ಯುತ್ ತಂತಿಗಳು, ವಿದ್ಯುತ್ ಉಪಕರಣಗಳ ದೈನಂದಿನ ಪರೀಕ್ಷೆ ಮತ್ತು ಕೆಲಸದ ಸ್ಥಳದಲ್ಲಿ ಚಾಲನೆಯಲ್ಲಿರುವ ಯಂತ್ರಗಳ ಪರೀಕ್ಷೆಯನ್ನು ನಡೆಸಬೇಕು.

ಇದಲ್ಲದೇ ಕೂಡಲೇ ಕಚೇರಿಯಲ್ಲಿನ ಗುಣಮಟ್ಟವಿಲ್ಲದ ಯಂತ್ರಗಳನ್ನು ತೆಗೆದು ದುರಸ್ತಿಗೆ ಪ್ರಯತ್ನಿಸಬೇಕು. ಅಲ್ಲದೇ, ಕೆಲಸದ ಸ್ಥಳದಲ್ಲಿ ಬೆಂಕಿಯ ಹೊತ್ತಿಕೊಂಡರೆ, ಅಗತ್ಯವಿರುವ ಅಗ್ನಿಶಾಮಕಗಳು ಲಭ್ಯವಿವೆ ಎಂದು ಖಚಿತಪಡಿಸಿಕೊಳ್ಳಿ.

ಶೂನ್ಯ ಸಹಿಷ್ಣುತೆ ನೀತಿ: ಉದ್ಯೋಗಿಗಳ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಸಂಸ್ಥೆಗಳು ನೀತಿಗಳನ್ನು ರಚಿಸಬೇಕು. ಅನಗತ್ಯ ಕಿರುಕುಳ ನೀಡುವ ನೌಕರರನ್ನು ಕೂಡಲೇ ಶಿಕ್ಷಿಸಿ ಮಾದರಿಯಾಗಬೇಕು. ಇದು ಕಚೇರಿಯಲ್ಲಿ ಕೆಲಸ ಮಾಡುವ ಉದ್ಯೋಗಿಗಳನ್ನು ಸುರಕ್ಷಿತವಾಗಿರಿಸುವುದು ಮಾತ್ರವಲ್ಲದೇ, ಕಂಪನಿಯ ಖ್ಯಾತಿ ಹೆಚ್ಚಾಗುತ್ತದೆ.

ಸುರಕ್ಷತಾ ಸೌಲಭ್ಯ ಕಲ್ಪಿಸಬೇಕು: ಕಚೇರಿಯಲ್ಲಿ ಕೆಲಸ ಮಾಡುವ ನೌಕರರಿಗೆ ವಿಮೆ ಸೌಲಭ್ಯ, ಅನಾರೋಗ್ಯದ ಸಂದರ್ಭದಲ್ಲಿ ವೈದ್ಯಕೀಯ ಸೌಲಭ್ಯ, ಅನಾರೋಗ್ಯ ಪೀಡಿತರಿಗೆ ರಜೆ ಮುಂತಾದ ಸುರಕ್ಷತಾ ಸೌಲಭ್ಯಗಳನ್ನು ಕಚೇರಿಯಲ್ಲಿ ಒದಗಿಸಬೇಕು. ಇದು ನೌಕರರು ಅನಗತ್ಯ ಒತ್ತಡವಿಲ್ಲದೇ ಶಾಂತವಾಗಿ ಕೆಲಸ ಮಾಡಲು ಅನುವು ಮಾಡಿಕೊಡುತ್ತದೆ.

ಸುರಕ್ಷತಾ ಜಾಗೃತಿ ಸಮಿತಿ: ಕೆಲಸದ ಸ್ಥಳದಲ್ಲಿ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು, ಸುರಕ್ಷತಾ ಜಾಗೃತಿ ಸಮಿತಿಯನ್ನು ರಚಿಸಬೇಕು. ಪ್ರತಿಯೊಬ್ಬ ವ್ಯಕ್ತಿಗೂ ನಿರ್ದಿಷ್ಟ ಜವಾಬ್ದಾರಿಗಳನ್ನು ನೀಡಬೇಕು. ಉದಾಹರಣೆಗೆ, ನೌಕರರಿಂದ ಯಾವುದೇ ಅಪಘಾತ ಅಥವಾ ಯಾವುದೇ ದೂರು ಬಂದಾಗ, ಅವರನ್ನು ತನಿಖೆ ಮಾಡಲು ಸಮರ್ಥ ತಂಡವನ್ನು ರಚಿಸಬೇಕು, ಸಮಸ್ಯೆಯ ಮೂಲ ಕಾರಣವನ್ನು ಕಂಡುಹಿಡಿಯಬೇಕು ಮತ್ತು ಅದನ್ನು ಆಡಳಿತಕ್ಕೆ ವರದಿ ಮಾಡಬೇಕು. ಸಮಿತಿಯು ನಿಷ್ಪಕ್ಷಪಾತ ಮತ್ತು ಗೌಪ್ಯವಾಗಿರುವುದು ಅತ್ಯಗತ್ಯ. (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)