Work From Home Jobs: ಕ್ಯಾಪ್ಜೆಮಿನಿ ಕಂಪನಿಯಲ್ಲಿ ವರ್ಕ್ ಫ್ರಂ ಹೋಂ ಅವಕಾಶ- ಆಸಕ್ತರು ಈಗಲೇ ಅಪ್ಲೈ ಮಾಡಿ

ಜಗತ್ತಿನಾದ್ಯಂತ ಐಟಿ ಕ್ಷೇತ್ರ ತತ್ತರಿಸಿದೆ. ಆರ್ಥಿಕ ಹಿಂಜರಿತದ ಭೀತಿಯಿಂದ ಐಟಿ ಕಂಪನಿಗಳು ಉದ್ಯೋಗಿಗಳನ್ನು ವಜಾಗೊಳಿಸುತ್ತಿವೆ. ವೆಚ್ಚವನ್ನು ಕಡಿತಗೊಳಿಸಲು ಈ ರೀತಿಯ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ.

ಇದರಿಂದಾಗಿ ಈ ವಲಯದಲ್ಲಿ ನೇಮಕಾತಿ ಪ್ರಕ್ರಿಯೆ ನಿರೀಕ್ಷಿತ ವೇಗ ಪಡೆಯುತ್ತಿಲ್ಲ. ಫ್ರೆಂಚ್ ಮಲ್ಟಿನ್ಯಾಷನಲ್ ಐಟಿ ಸರ್ವೀಸಸ್ & ಕನ್ಸಲ್ಟಿಂಗ್ ಕಂಪನಿಯಾದ ಕ್ಯಾಪ್ಜೆಮಿನಿ (Capgemini) ಇಂತಹ ಸಂದರ್ಭಗಳಲ್ಲಿ ನಿರುದ್ಯೋಗಿಗಳಿಗೆ ಒಳ್ಳೆಯ ಸುದ್ದಿಯನ್ನು ನೀಡಿದೆ. ವಿವಿಧ ಇಲಾಖೆಗಳಲ್ಲಿ ಐಟಿ ಉದ್ಯೋಗಗಳ ಭರ್ತಿಗೆ ನೇಮಕಾತಿ ಪ್ರಕಟಿಸಲಾಗಿದೆ.

ಈ ನೇಮಕಾತಿಯಲ್ಲಿ ಭರ್ತಿ ಮಾಡಲಿರುವ ಹುದ್ದೆಗಳ ಹೆಸರನ್ನು ಕ್ಯಾಪ್ಜೆಮಿನಿ ಕಂಪನಿಯು ಬಹಿರಂಗಪಡಿಸಿದೆ. ಕಂಪನಿಯು ಮುಖ್ಯವಾಗಿ ಇನ್‌ವಾಯ್ಸ್ ಪ್ರೊಸೆಸಿಂಗ್, ಬ್ಯುಸಿನೆಸ್ ಅನಾಲಿಸ್ಟ್, ಡೇಟಾ ಅನಾಲಿಸ್ಟ್​, ಮ್ಯಾನುಯಲ್ ಟೆಸ್ಟರ್, ಪ್ರಾಜೆಕ್ಟ್ ಮ್ಯಾನೇಜರ್, ಗ್ರಾಜುಯೇಟ್ ಸಾಫ್ಟ್‌ವೇರ್ ಎಂಜಿನಿಯರ್, ಜೂನಿಯರ್ ಬ್ಯುಸಿನೆಸ್ ಅನಾಲಿಸ್ಟ್, ಮೆಕ್ಯಾನಿಕಲ್ ಮತ್ತು ಫಿಸಿಕಲ್ ಇಂಜಿನಿಯರ್, ಮಾರ್ಕೆಟಿಂಗ್ ಮತ್ತು ಕಮ್ಯುನಿಕೇಷನ್ ಇಂಟರ್ನ್, ಸ್ಕ್ರಮ್ ಮಾಸ್ಟರ್, ಕ್ಲೈಂಟ್ ಪಾರ್ಟ್‌ನರ್, ಫೈನಾನ್ಷಿಯಲ್ ಅನಾಲಿಸ್ಟ್ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳುತ್ತಿದೆ. ಆಯಾ ಹುದ್ದೆಗೆ ಅನುಗುಣವಾಗಿ ಅಭ್ಯರ್ಥಿಗಳ ಅರ್ಹತೆ & ಅನುಭವವನ್ನು ಕೇಳಲಾಗುತ್ತದೆ.

ವರ್ಕ್​ ಫ್ರಂ ಹೋಂ ಜಾಬ್ಸ್​: ಕ್ಯಾಪ್ಜೆಮಿನಿ ಕಂಪನಿಯಲ್ಲಿ ಮನೆಯಿಂದ ಕೆಲಸ ಮಾಡುವ ಅವಕಾಶವವಿದೆ. ServiceNow ಟೆಸ್ಟರ್, ಸೇವಿಯಂಟ್ ಡೆವಲಪರ್, ಅಜೂರ್ ಡೇಟಾ ಇಂಜಿನಿಯರ್, ಸೋರ್ ಆರ್ಕಿಟೆಕ್ಟ್, MySQL ಡೇಟಾ ಬೇಸ್, ಸೇಲ್ಸ್‌ಫೋರ್ಸ್ ಲೈಟ್ನಿಂಗ್ ಡೆವಲಪರ್ ಮುಂತಾದ ಹುದ್ದೆಗಳಿಗೆ ವರ್ಕ್​ ಫ್ರಂ ಹೋಮ್ ಅವಕಾಶ ನೀಡಲಾಗುತ್ತದೆ. ಹೆಚ್ಚಿನ ವಿವರಗಳಿಗಾಗಿ ಕಂಪನಿಯ ಅಧಿಕೃತ ವೆಬ್‌ಸೈಟ್​ನ್ನು ಪರಿಶೀಲಿಸಬಹುದು.

Capgemini ಕಂಪನಿಯು ವಿಶ್ವಾದ್ಯಂತ ಒಟ್ಟು 3,60,000 ಉದ್ಯೋಗಿಗಳನ್ನು ಹೊಂದಿದೆ. ಭಾರತದಲ್ಲಿ 1,85,000 ಉದ್ಯೋಗಿಗಳೊಂದಿಗೆ ಕಾರ್ಯನಿರ್ವಹಿಸುತ್ತಿದೆ. ಕಂಪನಿಯ ವೆಬ್​ಸೈಟ್​​ನಲ್ಲಿ ನೇಮಕಾತಿಯ ವಿವರಗಳನ್ನು ನೋಡಬಹುದು.

ನೀವು ಸವಾಲನ್ನು ಸ್ವೀಕರಿಸಲು ಸಿದ್ಧರಿದ್ದೀರಾ? ಹಾಗಿದ್ರೆ ಕ್ಯಾಪ್ಜೆಮಿನಿ ಕಂಪನಿಗೆ ಸೇರಿ ನಿಮ್ಮ ಉಜ್ವಲ ಭವಿಷ್ಯವನ್ನು ರೂಪಿಸಿಕೊಳ್ಳಿ. ಜೊತೆಗೆ ಗ್ರಾಹಕರ ಬೆಳವಣಿಗೆಗೆ ಕೊಡುಗೆ ನೀಡಿ. Capgemini ಯಲ್ಲಿ ಮುಕ್ತ-ಚಿಂತಕರು, ಉದ್ಯಮಿಗಳು, ಉದ್ಯಮ ತಜ್ಞರೊಂದಿಗೆ ಕೆಲಸ ಮಾಡಿ ಎಂದು ಕ್ಯಾಪ್ಜೆಮಿನಿ ಇಂಡಿಯಾ ಬ್ಯುಸಿನೆಸ್ ಯೂನಿಟ್ ಎಂಡಿ ಅನಂತ್ ಚಂದ್ರಮೌಳಿ ಹೇಳಿದ್ದಾರೆ.

ಮುಂದುವರೆದ ಅವರು, Global Inc ಗಿಂತ ನಮ್ಮ ಕಂಪನಿ ಭಾರತದಲ್ಲಿ ಹೆಚ್ಚು ಬೆಳವಣಿಗೆ ದಾಖಲಿಸುತ್ತಿದೆ. ಆದ್ದರಿಂದ ಇಲ್ಲಿ ತಂತ್ರಜ್ಞಾನ ಅಳವಡಿಕೆಗೆ ವೇಗ ನೀಡಲಾಗುವುದು ಎಂದು ಹೇಳಿದರು.

ದೇಶದಲ್ಲಿ ಸಾರಿಗೆ, ಉತ್ಪಾದನೆ, ಟೆಲಿಕಾಂ, ಗ್ರಾಹಕ ಉತ್ಪನ್ನಗಳು ಮತ್ತು ಚಿಲ್ಲರೆ ಕ್ಷೇತ್ರಗಳಲ್ಲಿ ಕಂಪನಿಯು ಭಾರೀ ಪ್ರಗತಿ ಸಾಧಿಸಲು ಅವಕಾಶಗಳಿವೆ ಎಂದರು. ಸಾರಿಗೆ ವಲಯದಲ್ಲಿ ಆಟೋಮೋಟಿವ್ ಮತ್ತು ರೈಲ್​ರೋಡ್ ಉಪವಿಭಾಗಗಳು ಪ್ರಮುಖ ಪಾತ್ರವನ್ನು ವಹಿಸುತ್ತವೆ. 5ಜಿ ರೋಲ್‌ಔಟ್ ಟೆಲಿಕಾಂ ವಲಯದಲ್ಲಿ ಬೇಡಿಕೆಯನ್ನು ಉತ್ತೇಜಿಸುತ್ತಿದೆ ಎಂದು ಚಂದ್ರಮೌಳಿ ಹೇಳಿದರು.