World Sparrow Day: ಅಳಿವಿನಂಚಿನಲ್ಲಿರುವ ಗುಬ್ಬಚ್ಚಿ ರಕ್ಷಣೆ ನಮ್ಮೆಲ್ಲರ ಹೊಣೆ, ಜಾಗೃತಿಗಾಗಿ ವಿದ್ಯಾರ್ಥಿಗಳು ಬಿಡಿಸಿದ ಚಿತ್ರ ಹೇಗಿದೆ ನೋಡಿ

ಒಂದು ಚಿತ್ರ ನೂರಾರು ಭಾವನೆಗಳನ್ನು ತಿಳಿಸುತ್ತದೆ. ಒಂದು ಚಿತ್ರ ಸಾವಿರ ಕಲ್ಪನೆಗಳನ್ನು ಹುಟ್ಟುಹಾಕುತ್ತದೆ. ಒಂದು ಚಿತ್ರ ಲಕ್ಷಾಂತರ ಹೃದಯಗಳನ್ನು ಮುಟ್ಟುತ್ತದೆ. ಒಂದು ಚಿತ್ರವು ಅನೇಕ ಮನಸ್ಸುಗಳನ್ನು ಚುರುಕುಗೊಳಿಸುತ್ತದೆ

ಅದೇ ಚಿತ್ರಗಳ ಮೂಲಕ ಗುಬ್ಬಚ್ಚಿ ರಕ್ಷಣೆಯ ಬಗ್ಗೆ ಜಾಗೃತಿ ಮೂಡಿಸಲುವ ಕೆಲ ಚಿತ್ರಗಳನ್ನು ವಿದ್ಯಾರ್ಥಿಗಳು ಸ್ಪರ್ಧೆಯಲ್ಲಿ ಬಿಡಿಸಿದ್ದಾರೆ ಆ ಚಿತ್ರಗಳನ್ನು ಇಲ್ಲಿ ನೀಡಲಾಗಿದೆ ಗಮನಿಸಿ. ನೀವೂ ಪಕ್ಷಿ ರಕ್ಷಿಸಿ.

ವಿಶ್ವ ಗುಬ್ಬಚ್ಚಿ ದಿನಾಚರಣೆ (ಮಾರ್ಚ್ 20) ನಿಮಿತ್ತ ಗುಬ್ಬಚ್ಚಿ ಪ್ರೇಮಿಗಳಿಂದ ಚಿತ್ರಕಲಾ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು. ಅಲ್ಲಿ ಕಂಡುಬಂದ ಚಿತ್ರಗಳು ಹಲವಾರು ಪಕ್ಷಿಗಳ ನೋವನ್ನು ಸಾರುತ್ತಿದೆ.

ನಮ್ಮ ಸುತ್ತಲಿನ ಪರಿಸರದಲ್ಲಿ, ಪ್ರಕೃತಿಯಲ್ಲಿ ನಮ್ಮೊಂದಿಗೆ ವಿಹರಿಸುವ ಗುಬ್ಬಚ್ಚಿ ಜಾಗತೀಕರಣ ಮತ್ತು ತಂತ್ರಜ್ಞಾನದಿಂದ ಜೀವ ಕಳೆದುಕೊಳ್ಳುತ್ತಿರುವ ಸಂದರ್ಭದಲ್ಲಿ ನಾವೆಲ್ಲರೂ ಮತ್ತೆ ಪೃಕ್ರತಿಯಲ್ಲಿ ಗುಬ್ಬಿ ಚಿಲಿಪಿಲಿಗುಟ್ಟುವಂತೆ ಮಾಡಬೇಕಿದೆ.

ರೈತರ ಒಡನಾಡಿಯಾಗಿ ಪ್ರತಿಯೊಬ್ಬರ ಮನೆ ಜಗುಲಿಗೂ ಹಾರಾಡಿ ಗೂಡು ಕಟ್ಟಿಕೊಂಡಿರುತ್ತಿದ್ದ ಪಕ್ಷಿಗಳು ಈಗ ಬಹಳ ಅಪರೂಪವಾಗಿ ಬಿಟ್ಟಿದೆ. ಈ ಪಕ್ಷಿಗಳನ್ನು ಕಾಪಾಡುವುದು ನಮ್ಮ ಹೊಣೆಯಾಗಿದೆ.

ವಿವಿಧ ಬೆಳೆಗಳಿಗೆ ಹಾನಿ ಮಾಡುವ ಕೀಟಗಳನ್ನು ತಮ್ಮ ಆಹಾರವಾಗಿ ತಿನ್ನುತ್ತಿದ್ದವು ಮತ್ತು ಕೃಷಿಗೆ ಸಾಕಷ್ಟು ಸಹಾಯ ಮಾಡುತ್ತಿದ್ದವು. ಆದರೆ ಈಗ? ಅವೆಲ್ಲಾ ಎಲ್ಲಿ ಹೋದವೂ ಎಂಬುದೇ ತಿಳಿಯದಂತಾಗಿದೆ.

ವಿಕಿರಣ, ವಾಯು ಮಾಲಿನ್ಯ ಮತ್ತು ಹೆಚ್ಚುತ್ತಿರುವ ಆಧುನಿಕತೆಯಿಂದಾಗಿ ಸೆಲ್ ಟವರ್‌ಗಳಿಂದ ತಮ್ಮ ಸಂತಾನೋತ್ಪತ್ತಿ ಸಾಮರ್ಥ್ಯವನ್ನು ಕಳೆದುಕೊಳ್ಳುತ್ತಿವೆ. ಗಾಳಿಪಟಗಳ ತಂತಿಗೆ ಸಿಕ್ಕಿ ಸಾಯುತ್ತಿವೆ.

ಅಪಾರ್ಟ್‌ಮೆಂಟ್‌ ಸಂಸ್ಕೃತಿ ಹೆಚ್ಚಿರುವುದರಿಂದ ವಸತಿ ನಷ್ಟವಾಗುತ್ತಿದೆ. ಗುಬ್ಬಚ್ಚಿಗಳು ವಿನಾಶದ ಅಂಚಿನಲ್ಲಿವೆ.

ಇದಲ್ಲದೇ ಹಣ್ಣಿನ ಉತ್ಪಾದನೆಯಲ್ಲಿ ರಾಸಾಯನಿಕಗಳ ಬಳಕೆ, ಮರಗಳನ್ನು ಕಡಿಯುವುದು, ಆಹಾರ ಧಾನ್ಯಗಳಲ್ಲಿ ಅನೇಕ ಕೃತಕ ಗೊಬ್ಬರಗಳ ಬಳಕೆಯಿಂದ ಗುಬ್ಬಚ್ಚಿ ಪ್ರಭೇದಗಳು ನಾಶವಾಗುತ್ತಿವೆ ಎಂದು ಸಂಶೋಧನೆಯಿಂದ ತಿಳಿದುಬಂದಿದೆ.

ಪ್ರತಿ ವರ್ಷ ಮಾರ್ಚ್ 20 ರಂದು ವಿಶ್ವ ಗುಬ್ಬಚ್ಚಿ ದಿನವನ್ನು ಆಚರಿಸಲಾಗುತ್ತದೆ. ಇದರೊಂದಿಗೆ ಪಕ್ಷಿಗಳ ಕುರಿತು ಜಾಗೃತಿ ಮೂಡಿಸಲಾಗುತ್ತಿದೆ.

ಇದಲ್ಲದೇ ಗುಬ್ಬಚ್ಚಿಗಳನ್ನು ಹೇಗೆ ಸಂರಕ್ಷಿಸಬೇಕು ಎಂಬುದರ ಕುರಿತು ಜಾಗೃತಿ ಮೂಡಿಸಲು ಚಿತ್ರಕಲಾ ಸ್ಪರ್ಧೆ ಆಯೋಜಿಸಿ ಚಿಕ್ಕ ಮಕ್ಕಳಲ್ಲೂ ಕೂಡಾ ಈ ಬಗ್ಗೆ ಅರಿವು ಮೂಡಿಸಲಾಗುತ್ತಿದೆ.