Babysitter: ನಿಮ್ಮ ಮಕ್ಕಳನ್ನು ಬೇಬಿಸಿಟ್ಟರ್​ಗೆ ಕಳಿಸ್ತಿದ್ದೀರಾ? ಹಾಗಾದ್ರೆ ಇದನ್ನು ಗಮನಿಸಿ

ಪಾಲಕರು ಬೇಬಿಸಿಟ್ಟರ್​ಗಳಿಗೆ ತಮ್ಮ ಮಕ್ಕಳನ್ನು ಕಳಿಸುತ್ತಾರೆ. ಇದಕ್ಕೆಲ್ಲಾ ಕಾರಣ ಪಾಲಕರಿಗಿರುವ ಒತ್ತಡ ಆದರೆ ಮಕ್ಕಳನ್ನು ಮನೆಯಲ್ಲೇ ಇಟ್ಟುಕೊಂಡು ಅವರಿಗೆ ಅಗತ್ಯವಿರುವ ಪ್ರಾಥಮಿಕ ಶಿಕ್ಷಣ ಪಾಲಕರಿಂದಲೇ ಸಿಗಬೇಕಿತ್ತು. ಒತ್ತಡದ ಜೀವನದಿಂದಾಗಿ ಅದು ಲಭ್ಯವಾಗುತ್ತಿಲ್ಲ.

ಆದರೆ ನಿಮ್ಮ ಮಕ್ಕಳು ಇಲ್ಲಿ ಕಲಿಯುವ ಕೆಲವು ಅಂಶಗಳೂ ಸಹ ಅವರ ಜೀವನಕ್ಕೆ ಮುಖ್ಯವಾಗಿರುತ್ತದೆ. ಈಗೆಲ್ಲಾ ಒಂದೊಂದೇ ಮಕ್ಕಳಿರುವುದರಿಂದ ಆಟ ಆಡಲು ಯಾರೂ ಇಲ್ಲದೆ ಮಕ್ಕಳು ಮಂಕಾಗುವ ಸಾಧ್ಯತೆ ಇರುತ್ತದೆ ಅದನ್ನು ತಪ್ಪಿಸಲು ಮಕ್ಕಳನ್ನು ಬೇಬಿಸಿಟ್ಟರ್​ಗಳಿಗೆ ಕಳಿಸುವ ಅವಶ್ಯಕತೆ ಇರುತ್ತದೆ.

ನಿಮ್ಮ ಮಕ್ಕಳು ಇದ್ದಾಗ ಮಾಡಲಾಗದ ಎಷ್ಟೋ ಕೆಲಸವನ್ನು ನೀವು ಈ ಸಮಯದಲ್ಲಿ ಮಾಡಬಹುದು. ಯೋಗ ತರಗತಿಯನ್ನು ತೆಗೆದುಕೊಳ್ಳಿ, ಓಟಕ್ಕೆ ಹೋಗಿ ಅಥವಾ ನೀವು ಇಷ್ಟಪಡುವ ಹವ್ಯಾಸವನ್ನು ಮಾಡಲು ಸಮಯ ಪಡೆದುಕೊಳ್ಳಿ.

ಶಿಶುಪಾಲನಾ ಕೇಂದ್ರವು ಮಗುವಿನ ಬೆಳವಣಿಗೆ ಕಾರಣವಾಗುತ್ತದೆ. ಅವರು ಆಟವಾಡಲು ಮತ್ತು ಇತರ ವಸ್ತುಗಳನ್ನು ಗುರುತಿಸಲು ಮಕ್ಕಳು ಕಲಿಯುತ್ತಾರೆ ಇತರ ಪುಟ್ಟ ಮಕ್ಕಳೊಂದಿಗೆ ಬೆರೆಯುವ ಸಾಮರ್ಥ್ಯ ಹೊಂದುತ್ತಾರೆ.

ಒಬ್ಬ ಪಾಲಕರಾಗಿ ಮೊದಲು ಮಗುವಿನ ಅಗತ್ಯ ಏನಿದೆಯೋ ಅದನ್ನು ಪೂರೈಸ ಬೇಕು. ಆ ಕಾರಣಕ್ಕೆ ಅವರಿಗೆ ಬೇಕಾದ ಎಲ್ಲಾ ಸೌಲಭ್ಯಗಳನ್ನು ನೀಡಬೇಕಾಗುತ್ತದೆ. ಅವರು ಮೊದಲು ತೊದಲು ನುಡಿ ಆಡುತ್ತಿದ್ದಾಗಲೇ ಅವರಿಗೆ ಪಾಠ ಹೇಳಿಕೊಡುವುದು ಬಣ್ಣ ಗುರುತಿಸಲು ಕಲಿಸುವುದು ಮುಖ್ಯ.

ನೀವು ಹೊರಗೆ ಹೋಗುವಾಗ ಹತ್ತಿರದಲ್ಲಿ ವಾಸಿಸುವ ಸ್ನೇಹಿತ ಅಥವಾ ಸಂಬಂಧಿಕರು ನಿಮ್ಮ ಮಗುವನ್ನು ನೋಡಿಕೊಳ್ಳಬಹುದು. ಆದರೆ ಅದಕ್ಕಿಂತ ಬೇಬಿಸಿಟ್ಟರ್​ಗೆ ಕಳಿಸುವುದು ಸುರಕ್ಷಿತ.

ನಿಮ್ಮ ಮಕ್ಕಳ ಆರಂಭಿಕ ಆಸಕ್ತಿ ಯಾವ ವಿಷಯದ ಮೇಲಿರುತ್ತದೆ ಎಂಬುದನ್ನು ಕಂಡುಕೊಳ್ಳಲು ಇದು ಪ್ರಾಥಮಿಕ ಹಂತದ ಶಿಕ್ಷಣವಾಗಿರುತ್ತದೆ. ನೀವು ನಿಮ್ಮ ಮಕ್ಕಳನ್ನು ಶಿಶುಪಾಲನಾ ಗೃಹಕ್ಕೆ ಕಳುಹಿಸಬಹುದು.