Classroom Tips: ಮಕ್ಕಳ ಗಮನ ಪಾಠದ ಮೇಲಿರಬೇಕು ಅಂದ್ರೆ ಈ ರೀತಿ ಕ್ಲಾಸ್​ ರೂಮ್​ ಇರಬೇಕು

ಸರಿಯಾದ ರೀತಿಯಲ್ಲಿ ವಿದ್ಯಾರ್ಥಿಗಳು ಅಭ್ಯಾಸ ಮಾಡಬೇಕು ಎಂದರೆ ನೀವು ಸರಿಯಾದ ರೀತಿಯಲ್ಲಿ ಅವರ ತರಗತಿಯ ವಾತಾವರಣವನ್ನು ನಿರ್ಮಾಣ ಮಾಡಬೇಕು. ಹಾಗಾದ್ರೆ ಯಾವ ರೀತಿ ಕ್ಲಾಸ್​ ರೂಮ್​ ಇರ್ಬೇಕು ಎನ್ನೋದಕ್ಕೆ ಇಲ್ಲಿದೆ ಮಾಹಿತಿ.

ತರಗತಿಯ ತುಂಬೆಲ್ಲಾ ಗಾಳಿ ಮತ್ತು ಬೆಳಕು ಸಮರ್ಪಕವಾಗಿ ಬರುವಂತಿರಬೇಕು. ಆದರೆ ಕಿಟಕಿಯಿಂದ ರಸ್ತೆ ಅಥವಾ ಗಾಡಿಗಳ ಓಡಾಟ ಮಕ್ಕಳ ಕಣ್ಣಿಗೆ ಕಾಣದಂತಿರಬೇಕು. ಕಾಣುವಂತಿದ್ದರೆ ಮಕ್ಕಳ ಗಮನ ಬೇರೆ ಕಡೆ ಸಾಗುತ್ತದೆ.

ಶಾಂತವಾದ ವಾತಾವರಣ ತರಗತಿಯಲ್ಲಿ ನಿರ್ಮಾಣವಾಗಿರಬೇಕು. ಏಕಾಗ್ರತೆ ಹೆಚ್ಚಿಸುವಂತ ಶಕ್ತಿ ತರಗತಿಗಿರಬೇಕು ಆ ರೀತಿಯಲ್ಲಿ ತರಗತಿಯನ್ನು ಸಿದ್ದ ಪಡಿಸಿರಬೇಕು.

ತರಗತಿಯಲ್ಲಿ ವಿದ್ಯಾರ್ಥಿಗಳಿಗೆ ಬೇಕಾದ ಎಲ್ಲಾ ಪರಿಕರಿಗಳು ಸಿದ್ದವಾಗಿರಬೇಕು. ಅವರು ಯಾವುದನ್ನೂ ಪಾಠದ ಸಮಯದಲ್ಲಿ ಹುಡುಕಾಡುವಂತಿರಬಾರದು. ಟೀಚರ್​​ ಯಾವಾಗಲೂ ನಗುಮೊಗದಿಂದ ತರಗತಿಗೆ ಆಗಮಿಸಬೇಕು.

ಪ್ರಾಥಮಿಕ ಶಾಲಾ ಮಕ್ಕಳ ತರಗತಿಯಾದರೆ ಕಲರ್​​ಫುಲ್​ ಆಗಿರಬೇಕು. ಆ ವಯಸ್ಸಿನ ಮಕ್ಕಳು ಹೆಚ್ಚಾಗಿ ಬಣ್ಣಗಳನ್ನು ಇಷ್ಟಪಡುತ್ತಾರೆ. ಇನ್ನು ಪ್ರೌಢಶಾಲಾ ಮಕ್ಕಳಾದರೆ ಅದು ಬಿಳಿ ಬಣ್ಣದ ಗೋಡೆ ಹೊಂದಿರಬೇಕು.

ಕಾಲ ಬದಲಾಗುತ್ತಿದ್ದಂತೆ ಶಾಲಾ ಮಕ್ಕಳ ಕಲಿಕೆ ಹಾಗೂ ತರಗತಿಗಳೂ ಸಹ ಬದಲಾಗುತ್ತಿದೆ. ಈಗಿನ ಕಾಲಮಾನಕ್ಕೆ ತಕ್ಕಂತೆ ತರಗತಿಗಳನ್ನು ನಿರ್ಮಾಣ ಮಾಡಲಾಗುತ್ತಿದೆ. ಮೊದಲೆಲ್ಲಾ ಕಪ್ಪು ಹಲಿಗೆ ಚಾಕ್​ಪೀಸ್​ ಇರುತ್ತಿದ್ದ ಜಾಗಕ್ಕೆ ಈಗ ಪವರ್​ ಪಾಂಯ್ಟ್​, ಕಂಪ್ಯೂಟರ್​ ಲಗ್ಗೆ ಇಟ್ಟಿದೆ.

ಸಮಾಜ ಮತ್ತು ಆರ್ಥಿಕತೆಯು ಬದಲಾದಂತೆ, ಕೌಶಲ್ಯ ಮತ್ತು ಜ್ಞಾನದ ವಿದ್ಯಾರ್ಥಿಗಳು ಯಶಸ್ವಿಯಾಗಬೇಕು. ಆದ್ದರಿಂದ, ಆಧುನಿಕ ಜಗತ್ತಿನಲ್ಲಿ ಕಲಿಯಲು ಮತ್ತು ಅಭಿವೃದ್ಧಿ ಹೊಂದಲು ಅಗತ್ಯವಿರುವ ಪರಿಕರಗಳು ಮತ್ತು ಸಂಪನ್ಮೂಲಗಳೊಂದಿಗೆ ವಿದ್ಯಾರ್ಥಿಗಳಿಗೆ ಹೊಂದಿಕೊಳ್ಳುವಂತ ತರಗತಿ ಕೋಣೆಗಳಿರುವುದು ಮುಖ್ಯ.

ಏಕಾಗ್ರತೆ ವಿದ್ಯಾರ್ಥಿಗಳಿಗೆ ಇಲ್ಲ ಎಂದಾದರೆ ನೀವು ಪವರ್​ ಪಾಂಯ್ಟ್​​ ಹಾಕುವುದರ ಮೂಲಕ ಕಲಿಸುವುದು ಉತ್ತಮ ಕಪ್ಪು ಕೋಣೆಯಲ್ಲಿ ಅವರ ಸಂಪೂರ್ಣ ಗಮನ ಸ್ಕ್ರೀನ್​ ಮೇಲೆ ಇರುತ್ತದೆ.