Communication: ವಿದ್ಯಾರ್ಥಿಗಳೊಂದಿಗೆ ಶಿಕ್ಷಕರು ಈ ರೀತಿ ಮಾತನಾಡಿದರೆ ಉತ್ತಮ

ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರ ನಡುವೆ ಇರುವ ಒಂದು ಸಂಬಂಧ ಅವರ ಶೈಕ್ಷಣಿಕ ಪ್ರಗತಿಯ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ ಶಿಕ್ಷಕರೊಡನೆ ಮಕ್ಕಳು ಉತ್ತಮ ಸಂವಹನ ಹೊಂದಿರುವುದು ಮುಖ್ಯವಾಗುತ್ತದೆ.

ಶಿಕ್ಷಕರು ಮಾತಿನ ಮೂಲಕ ಯಾವಾಗ ವಿದ್ಯಾರ್ಥಿಗಳನ್ನು ಹೊಗಳುತ್ತಾರೋ ಆ ಸಂದರ್ಭದಲ್ಲಿ ವಿದ್ಯಾರ್ಥಿಗಳ ಕಲಿಕಾ ಆಸಕ್ತಿ ತುಂಬಾ ಹೆಚ್ಚಿರುತ್ತದೆ. ಆದ್ದರಿಂದ ಮಕ್ಕಳೊಟ್ಟಿಗೆ ಶಿಕ್ಷಕರು ಮಾತನಾಡುವ ಅವಶ್ಯಕಥೆ ಇದೆ.

ಪಾಠದ ವಿಚಾರ ಬಿಟ್ಟು ದಿನಚರಿ, ಹವ್ಯಾಸ ಹಾಗೂ ಕುತೂಹಲಕಾರಿ ಹೊಸ ವಿಚಾರಗಳನ್ನು ವಿದ್ಯಾರ್ಥಿಗಳೊಂದಿಗೆ ಹಂಚಿಕೊಳ್ಳುವುದು ಮುಖ್ಯವಾಗುತ್ತದೆ. ಇದರಿಂದ ಮಕ್ಕಳು ಹೊಸತನ್ನು ಕಲಿಯುತ್ತಾರೆ.

ಶಿಕ್ಷಕರಿಂದ ಋಣಾತ್ಮಕ ಕಾಮೆಂಟ್‌ಗಳನ್ನು ಸ್ವೀಕರಿಸುವ ವಿದ್ಯಾರ್ಥಿಗಳು ಖಿನ್ನತೆಗೆ ಒಳಗಾಗುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಮಾತನಾಡುವಾಗ ಎಚ್ಚರಿಕೆಯಿಂದ ವಿದ್ಯಾರ್ಥಿಗಳ ಮನಸ್ಸಿಗೆ ಘಾಸಿಯಾಗದಂತೆ ಮಾತನಾಡುವುದು ಮುಖ್ಯ.

ಶಾಲೆಯಲ್ಲಿ ವಿದ್ಯಾರ್ಥಿಯ ಮೇಲೆ ಹಣಕಾಸಿ ಮತ್ತು ಆರ್ಥಿಕವಾದ ಹೋಲಿಕೆ ಮಾಡುವುದು ಉತ್ತಮವಲ್ಲ. ಕೆಲವು ವಿಷಯಗಳು ನಿಮಗೇ ತಿಳಿಯದತೆ ಮಕ್ಕಳಿಗೆ ಹಾನಿಯುಂಟು ಮಾಡುತ್ತದೆ.

ಏನೇ ತಪ್ಪು ಮಾಡಿದ್ದರೂ ಇತರ ವಿದ್ಯಾರ್ಥಿಗಳ ಎದುರು ಅವರನ್ನು ನಿಂದಿಸಬಾರದು. ಪರಿಣಾಮಕಾರಿ ಸಂವಹನ ಕೌಶಲ್ಯಗಳು ಜೀವನದ ಹಲವಾರು ಅಂಶಗಳಲ್ಲಿ ಯಶಸ್ಸಿಗೆ ಕಾರಣವಾಗುತ್ತದೆ. ಅದೇರೀತಿ ಪರಿಣಾಮಕಾರಿಯಾಗಿಲ್ಲದಿದ್ದರೆ ಹಾನಿಗೂ ಕಾರಣವಾಗುತ್ತದೆ. 

ಇನ್ನು ಕೆಲವು ವಿದ್ಯಾರ್ಥಿಗಳು ಮಾತೇ ಆಡುವುದಿಲ್ಲ. ಅಂತಹ ವಿದ್ಯಾರ್ಥಿಗಳನ್ನು ಆಗಾಗ ಮಾತನಾಡಿಸುವ ಕೆಲಸವನ್ನು ನೀವೆ ಮಾಡಬೇಕು.