SSLC Students: 10 ನೇ ಕ್ಲಾಸ್​ ಮುಗೀತು, ಮುಂದೇನು ಮಾಡೋದು? ಇಲ್ಲಿದೆ ಒಂದಷ್ಟು ಸಲಹೆಗಳು

ಹತ್ತನೆಯ ತರಗತಿ ಓದುತ್ತಾ ಇರುವವರಿಗೆ ಪರೀಕ್ಷೆ ಇನ್ನೇನು ಕೆಲವೇ ತಿಂಗಳಲ್ಲಿ ಆರಂಭವಾಗಲಿದೆ. ನಿಮಗೆ ಯಾವುದೇ ರೀತಿಯ ಭಯ ಬೇಡ ಮತ್ತು ಕಂಫ್ಯೂಷನ್​ ಬೇಡ. ರಿಲ್ಯಾಕ್ಸ್​ ಆಗಿ ಓದಿ.

ಸಾಮಾನ್ಯವಾಗಿ ಎಸ್ಎಸ್ಎಲ್​ಸಿ ಮುಗಿದ ನಂತರ ಇನ್ನೂ ತಲೆಬಿಸಿ ಹೆಚ್ಚಾಗುತ್ತದೆ. ಯಾಕೆಂದರೆ, ಯಾವ ಕೋರ್ಸ್​ಗಳನ್ನು ಮಾಡಲಿ, ಯಾವುದು ನಂಗೆ ಬೆಸ್ಟ್, ವೃತ್ತಿ ಮಾಡಲು ಆಗುತ್ತಾ​ ಈ ರೀತಿಯ ನೂರಾರು ರೀತಿಯ ಗೊಂದಲಗಳು ಸೃಷ್ಠಿ ಆಗುವುದು ಸಾಮಾನ್ಯ. ಹೀಗಾಗಿ ನಿಮಗಾಗಿಯೇ ಈ ಲೇಖನ.

ಡಿಜಿಟಲ್​ ಮಾರ್ಕೆಟಿಂಗ್​: ಈ ಕೋರ್ಸ್​ ನಿಮಗೆ SEO, SEM, SMM, ಇಮೇಲ್​ ಮಾರ್ಕೆಟಿಂಗ್​, ಬ್ಲಾಗಿಂಗ್​, ವಿಡಿಯೋ ಮಾರ್ಕೆಟಿಂಗ್​​ ಹೀಗೆ ಹಲವಾರು ಕ್ಷೇತ್ರದಲ್ಲಿಯೇ ಮುಂದುವರೆಯಲು ಹೆಲ್ಪ್​ ಮಾಡುತ್ತದೆ. ಟೆಕ್ನಿಕಲ್​ ಕ್ಷೇತ್ರದಲ್ಲಿ ಮುಂದುವರಿಯಲು ಬೆಸ್ಟ್​ ಕೋರ್ಸ್​ ಇದು.

ವೆಬ್​ ಡಿಸೈನಿಂಗ್​: ಸಾಫ್ಟ್​ವೇರ್​ ಹಾಗೆಯೇ ವೆಬ್​ಸೈಟ್​ಗಳನ್ನು ಹ್ಯಾಂಡಲ್​ ಮಾಡಲು ಇಷ್ಟವಿದ್ದರೆ ಅದರಲ್ಲಿಯೂ ಉತ್ತಮವಾಗಿ 10ನೇ ತರಗತಿಯ ನಂತರ ಮಾಡಬಹುದು. ಉತ್ತಮ ವೃತ್ತಿಯಾಗಿದೆ ಜೊತೆಗೆ ಚೆನ್ನಾಗಿ ಹಣವನ್ನೂ ಗಳಿಸಬಹುದು.

ಜಾಹಿರಾತು ಹಾಗು ಮಾರ್ಕೆಟಿಂಗ್​: ಈ ಕ್ಷೇತ್ರವಂತೂ ಪ್ರಸ್ತುತ ಸಖತ್​ ಕಾಂಪಿಟೇಷನ್​ ಹಾಗೆಯೇ ಉತ್ತಮ ಅವಕಾಶಗಳನ್ನು ಕಲ್ಪಿಸಿಕೊಡುತ್ತಿದೆ. ಕ್ರಿಯಾತ್ಮಕ ಬರವಣಿಗೆಯ ಜೊತೆಗೆ ಒಂದಷ್ಟು ಸೂಪರ್​ ಐಡಿಯಾಗಳು ಇದ್ರೆ ಈ ಕ್ಷೇತ್ರ ನಿಮಗಾಗಿಯೇ. ಕಂಪನಿಗಳು ಮತ್ತು ಬ್ರ್ಯಾಂಡ್​ಗಳು ಯಾವಾಗಲೂ ಪ್ರಷಾರಗಳನ್ನು ಎದ್ದು ಕಾಣುವಂತೆ ಆಡ್ಸ್​ ಮತ್ತು ಮಾರ್ಕೆಟಿಂಗ್​ ವೃತ್ತಿಪರರನ್ನು ಸರ್ಚ್​ ಮಾಡುತ್ತನೇ ಇರುತ್ತವೆ.

ಈವೆಂಟ್​ ಮ್ಯಾನೆಜ್​ಮೆಂಟ್​: ಸಣ್ಣ ಸಣ್ಣ ಗುಂಪುಗಳಾಗಿ ಆರಂಭವಾದ ಅದೆಷ್ಟೋ ಈವೆಂಟ್​ ಮ್ಯಾನೆಜ್​ಮೆಂಟ್​ ಗ್ರೂಪ್​ ತಂಡಗಳು ಇದೀಗ ದೊಡ್ಡ ಬ್ಯುಸಿನೆಸ್​ ಆರಂಭ ಮಾಡಿಬಿಟ್ಟಿವೆ. ಕಾರ್ಯಕ್ರಮಗಳನ್ನು ಯೋಜಿಸುವುದು, ಆಯೋಜಿಸುವುದು ಮತ್ತು ನಡೆಸುವುದು ಇದರ ಜೊತೆಗೆ ಇತರ ಹಲವು ಕ್ರಿಯಾತ್ಮಕವಾಗಿ ಪ್ರೋಗ್ರಾಮ್ಸ್​ಗಳನ್ನು ನಡೆಸುವುದನ್ನು ಈ ಕೋರ್ಸ್​ನಲ್ಲಿ ಹೇಳಿಕೊಡಲಾಗುತ್ತದೆ.

ಫೋಟೋಗ್ರಫಿ: ನೀವು ಉತ್ತಮ ಫೋಟೋಗ್ರಾಫರ್​ ಆಗಿದ್ರೆ ಅಥವಾ ಆಗಬೇಕು ಅಂತ ಇದ್ರೆ ಈ ಕೋರ್ಸ್​ಗೆ ಸೇರಬಹುದು. ವಿವಿಧ ಕಾರ್ಯಕ್ರಮ ಮತ್ತು ಮಾಧ್ಯಮದಲ್ಲಿ ಛಾಯಾಗ್ರಾಹಕರ ಅಗತ್ಯವೂ ಇರುತ್ತದೆ. ಹೀಗಾಗಿ ಇದು ಉತ್ತಮ ಕೋರ್ಸ್​ ಆಗಿದೆ.

ಟೈಪಿಂಗ್​: ಉತ್ತಮ ಟೈಪಿಂಗ್​​ ಜೊತೆಗೆ ವೇಗದಿಂದ ಟೈಪಿಂಗ್​ ಈ ಕೋರ್ಸ್​ಗಳಲ್ಲಿ ಕಲಿಯಬಹುದಾಗಿದೆ. 3 ತಿಂಗಳ ಕೋರ್ಸ್​, ಆರು ತಿಂಗಳ ಕೋರ್ಸ್​ಗಳು ಇರುತ್ತವೆ. ಹಾಗೇಯೇ ಇದರಿಂದ ಉತ್ತಮ ಹಣವನ್ನು ಸಂಪಾದಿಸಬಹುದು.