SSLC Fail: ಹತ್ತನೇ ಕ್ಲಾಸ್ ಫೇಲ್​ ಆಗಿದ್ದೀರಾ? ಡೋಂಟ್ ವರಿ, ನಿಮಗೂ ಇವೆ ಒಂದಷ್ಟು ಬೆಸ್ಟ್​ ಕೋರ್ಸ್​!

ವಿದ್ಯಾರ್ಥಿಗಳು ತಾನು ಹತ್ತನೆಯ ತರಗತಿಯಲ್ಲಿ ಫೇಲ್​ ಆದೆ ಅಂತ ಸುಸೈಡ್​ ಮಾಡಿಕೊಂಡ ಅದೆಷ್ಟೋ ಉದಾಹರಣೆಗಳಿವೆ. ಹಾಗಾದ್ರೆ ಜೀವನ ಅಂದ್ರೆ ಇಷ್ಟೇನಾ? ಸೋಲನ್ನು ಎದುರಿಸಲು ಆಗಲ್ವಾ? ಫೇಲ್​ ಆದ್ರೆ ಸಾಯೋದು ಒಂದೇ ಅಲ್ಲ ಮಾರ್ಗ. ಅದನ್ನು ಎದುರಿಸುವ ಛಲ ಇರಬೇಕು.

ಹತ್ತನೆಯ ತರಗತಿಯ ವಿದ್ಯಾರ್ಥಿಗಳಿಗೆ ನಾನಾರೀತಿಯ ಕೋರ್ಸ್​ಗಳು, ನೈಟ್​ ಕ್ಲಾಸ್​, ಸ್ಪೆಷಲ್​ ಕ್ಲಾಸ್​ ಗಳು ಆರಂಭ ಆಗುತ್ತವೆ. ಕೇವಲ ಪಾಸ್​ ಆಗುವ ಟ್ರೈನಿಂಗ್​ ಕೊಟ್ಟರೆ ಸಾಲದು, ವಿದ್ಯಾರ್ಥಿಗಳು ಫೇಲ್​ ಆದ್ರೆ ಏನು ಮಾಡಬಹುದು, ಇನ್ನೂ ಜೀವನದಲ್ಲಿ ಏನು ಸಾಧನೆ ಮಾಡಬಹುದು ಎಂಬ ಮೋಟಿವೇಷ್ನಲ್​ ಮಾತುಗಳು, ಉದಾಹರಣೆಗಳನ್ನೂ ಕೂಡ ಕೊಡಬೇಕು. ಫೇಲ್​ ಆದ್ರೆ ಏನೆಲ್ಲಾ ಬೇರೆ ಕೋರ್ಸ್​ಗಳು ಇದೆ?

ಜೇನುಸಾಕಾಣೆ ತರಬೇತಿ: ಜೇನುಸಾಕಾಣೆ ಮಾಡಿ ಅದೆಷ್ಟೋ ಜನರು ಜೀವನವನ್ನು ಚೆನ್ನಾಗಿ ಕಲ್ಪಿಸಿಕೊಂಡಿದ್ದಾರೆ. ಈ ಬಗ್ಗೆ ಎಸ್​ಎಸ್​ಎಲ್​ಸಿ ಫೇಲಾದವರು ಮುಂದೆ ಓದಲು ಇಚ್ಛಿಸಿದವರು ಈ ಕೋರ್ಸ್​ಗಳನ್ನು ಮಾಡಬಹುದು.

ಡ್ರೈವಿಂಗ್​ ಟ್ರೈನಿಂಗ್​: ಈಸಿಯಾಗಿ ನೀವು ವಾಹನ ಚಾಲನೆ ತರಬೇತಿ ಪಡೆದು ಸ್ವಯಂ ಉದ್ಯೋಗ ಮಾಡಬಹುದು. ಸರ್ಕಾರದಿಂದ ವಾಹನ ಚಾಲನೆ ತರಬೇತಿಯನ್ನು ನೀಡಲಾಗುತ್ತೆ. ಈಸಿಯಾಗಿ ಜೀವನ ಸಾಗಿಸ್ಬೋದು.

ನರ್ಸಿಂಗ್​: ಈ ಕೋರ್ಸ್​ ಓದಲು ಸಾಕಷ್ಟು ಅವಕಾಶಗಳಿವೆ. ಒಂದು ವರ್ಷ, ಆರು ತಿಂಗಳು, ಮೂರು ತಿಂಗಳು, ಡಿಪ್ಲೊಮೋ ಕೋರ್ಸ್​ ಅಧ್ಯಯನಗಳ ಮೂಲಕ ಮಾಡಬಹುದು. ಒಳ್ಳೆಯ ಸಂಪಾಧನೆಯನ್ನು ಗಳಿಸಬಹುದು.

ಬೇಕರಿ ತಂತ್ರಜ್ಞಾನ ಕೋರ್ಸ್​: ಎಸ್​, ಹಲವು ಕೃಷಿಗೆ ಸಂಬಂಧ ಪಟ್ಟ ಯೂನಿವರ್ಸಿಟಿಗಳಲ್ಲಿ ಈ ತರಬೇತಿಗಳನ್ನು ನೀಡಲಾಗುತ್ತದೆ. ಹತ್ತನೆಯ ತರಗತಿಯವರು ಪಾಸ್​ ಆದವ್ರೂ ಅಥವಾ ಪೇಲ್​ ಆದವ್ರೂ ಕೂಡ ಈ ಕೋರ್ಸ್​ ಪಡೆಯಬಹುದಾಗಿದೆ. ಹೊಟೆಲ್​ ಮ್ಯಾನೆಜ್​ಮೆಂಟ್​ ಅಂತನೂ ಕರೆಯಲಾಗುತ್ತದೆ.

ಅರಣ್ಯ ಕೃಷಿ ತರಬೇತಿ: ಭಾರತೀಯ ಉದ್ಯೋಗಿಗಳ ಪೈಕಿ 45 ಪ್ರತಿಶತದಷ್ಟು ಜನರು ಕೃಷಿ ಸಂಭಂಧಿತ ಚಟುವಟಿಕೆಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಅರಣ್ಯೀಕರಣದ ಬಗ್ಗೆ ಹೆಚ್ಚಿನ ಜಾಗೃತಿಯನ್ನು ಈ ಕೋರ್ಸ್​ನಲ್ಲಿ ತಿಳಿಸಲಾಗುತ್ತೆ.

ಹೈನುಗಾರಿಕೆ ಕೋರ್ಸ್​: ಈ ಉದ್ಯಮಕ್ಕಂತೂ ಹೆಚ್ಚು ಬೇಡಿಕೆ ಇದೆ. ನೀವು ಓದಬಹುದಾದ ಬೆಸ್ಟ್​ ಕೋರ್ಸ್​ ಅಂತಾನೇ ಹೇಳಬಹುದು. ಹೈನುಗಾರಿಕೆ ಒಂದು ಲಾಭದಾಯಕ ಸ್ವಯಂ ಉದ್ಯಮವಾಗಿದೆ. ಸರ್ಕಾರದಿಂದಲೇ ಹೈನುಗಾರಿಕೆ ಬಗ್ಗೆ ತರಬೇತಿ ನೀಡಲಾಗುತ್ತದೆ.

ಬ್ಯೂಟಿಷನ್​ ಕೋರ್ಸ್​ಗಳು: ಇದಂತೂ ಪ್ರಸ್ತುತ ಸಖತ್​ ಟ್ರಿಂಡಿಂಗ್​ನಲ್ಲಿ ಇರುವ ಕೋರ್ಸ್​ ಅಂತಾನೇ ಹೇಳಬಹುದು. ಒಂದು ವರ್ಷದ ಕೋರ್ಸ್​,ಆರು ತಿಂಗಳ ಕೋರ್ಸ್​ಗಳನ್ನು ಮಾಡಲಾಗುತ್ತದೆ. ಇದು ಕೇವಲ ಹುಡುಗಿಯರಿಗೆ ಮಾತ್ರ ಸೀಮಿತವಲ್ಲ. ಹುಡುಗರೂ ಕೂಡ ಈ ಕೋರ್ಸ್​ಗಳನ್ನು ಮಾಡಬಹುದು. ಕೈ ತುಂಬಾ ಹಣವನ್ನು ಸಂಪಾದಿಸಬಹುದು.