UGCET: ಫಾರ್ಮ್ ಸೈನ್ಸ್, ವೆಟರಿನರಿ ಕೋರ್ಸ್‌ಗಳ ಸೀಟು ಹಂಚಿಕೆ ಮಾಹಿತಿ ಇಲ್ಲಿದೆ

ಫಾರ್ಮ್ ಸೈನ್ಸ್, ವೆಟರಿನರಿ ಕೋರ್ಸ್‌ಗಳ ಸೀಟು ಹಂಚಿಕೆ ವೇಳಾಪಟ್ಟಿ ಪ್ರಕಟಮಾಡಲಾಗುತ್ತದೆ. ಫಾರ್ಮ್ ಸೈನ್ಸ್, ವೆಟರಿನರಿ ಕೋರ್ಸ್‌ಗಳ ಸೀಟು ಹಂಚಿಕೆ ಸಂಬಂಧಿಸಿದಂತೆ ಕಾಲೇಜುವಾರು ಕೋರ್ಸ್‌ಗಳು ಮತ್ತು ಕ್ಯಾಟಗರಿ ವಿವರಗಳನ್ನು ಸೀಟ್‌ ಮ್ಯಾಟ್ರಿಕ್ಸ್ ಅನ್ನು ಕೆಇಎ ವೆಬ್‌ಸೈಟ್‌ ನಲ್ಲಿ ಪ್ರಕಟಿಸಲಾಗುವುದು.

ನಿಮಗೂ ಸಹ ಈ ಕೋರ್ಸ್​ಗಳನ್ನು ಮಾಡಲು ಆಸಕ್ತಿ ಇದ್ದರೆ ಇಲ್ಲಿ ನೀಡಿರುವ ದಿನಾಂಕಗಳನ್ನು ಗಮನಿಸಿ ಅದರ ಪ್ರಕಾರ ನೀವು ಅಪ್ಲೈ ಮಾಡಿ. ಸೀಟು ಪಡೆಯಬಹುದು. ಅಧಿಕೃತ ಜಾಲತಾಣದ ಮಾಹಿತಿಯನ್ನೂ ಸಹ ಇಲ್ಲಿ ನೀಡಲಾಗಿದೆ.

ಎರಡನೇ ಸುತ್ತಿನ ಸೀಟು ಹಂಚಿಕೆಯಲ್ಲಿ ರದ್ದುಪಡಿಸಿಕೊಂಡಿರುವ ಕಾಲೇಜಿಗೆ ಪ್ರವೇಶ ಪಡೆಯದೆ ಇರುವ ಫಾರ್ಮ್‌ ಸೈನ್ಸ್ ಅಂದರೆ ಬಿ.ಎಸ್ಸಿ (ಆನರ್ಸ್) ಕೃಷಿ, ಬಿ.ಎಸ್ಸಿ (ಆನರ್ಸ್) ಅರಣ್ಯ ವಿಜ್ಞಾನ, ಬಿ.ಎಸ್ಸಿ (ಆನರ್ಸ್) ರೇಷ್ಮೆಕೃಷಿ ಮುಂತಾದ ಹಾಗೂ ಪಶು ವೈದ್ಯಕೀಯ ಮತ್ತು ಪಶುಸಂಗೋಪನೆ(BVSC ಮತ್ತು AH) ಸೀಟುಗಳನ್ನು 2022ನೇ ಸಾಲಿನಲ್ಲಿ ರ್ಯಾಂಕ್ ಪಡೆದಿರುವ ಅಭ್ಯರ್ಥಿಗಳಿಗೆ ಈ ಸುತ್ತಿನಲ್ಲಿ ವೇಳಾಪಟ್ಟಿಯಂತೆ ಆಯ್ಕೆಗೆ ಅವಕಾಶ ಕಲ್ಪಿಸಲಾಗುವದು.

ಕಾಲೇಜುವಾರು ಕೋರ್ಸ್‌ಗಳು ಮತ್ತು ಕ್ಯಾಟಗರಿವಾರು ವಿವರಗಳನ್ನು ಸೀಟ್‌ ಮ್ಯಾಟ್ರಿಕ್ಸ್ ಅನ್ನು ಕೆಇಎ ವೆಬ್‌ಸೈಟ್‌ ನಲ್ಲಿ ಪ್ರಕಟಿಸಲಾಗುವುದು. ಇಚ್ಚೆಯುಳ್ಳ ಅರ್ಹ ಅಭ್ಯರ್ಥಿಗಳು ವೇಳಾಪಟ್ಟಿಯಂತೆ ಹೊಸದಾಗಿ ತಮ್ಮ ಆಯ್ಕೆಗಳನ್ನು ದಾಖಲಿಸಬಹುದು.

ವೇಳಾಪಟ್ಟಿ -ಸೀಟ್‌ ಮ್ಯಾಟ್ರಿಕ್ಸ್ ವಿವರಗಳ ಪ್ರಕಟಣೆ ದಿನಾಂಕ - 09-01-2023. ಅರ್ಹ ಅಭ್ಯರ್ಥಿಗಳು ಇಚ್ಚೆ ಹಾಗೂ ಆಯ್ಕೆಗಳನ್ನು ದಾಖಲಿಸುವ ದಿನಾಂಕ - 10-01-2023 ರಿಂದ 12-01-2023ರ ವರೆಗೆ. ಸೀಟು ಹಂಚಿಕೆ ಫಲಿತಾಂಶ - 12-01-2023.

ಸೀಟು ಹಂಚಿಕೆ ಮಾಡಿಕೊಂಡ ಅಭ್ಯರ್ಥಿಗಳು ಶುಲ್ಕ ಪಾವತಿ, ಪ್ರವೇಶ ಆದೇಶವನ್ನು ಡೌನ್‌ಲೋಡ್‌ ಮಾಡಿಕೊಳ್ಳುವ ದಿನಾಂಕ - 13-01-2023 ರಿಂದ 16-01-2023 ರವರೆಗೆ. ಕಾಲೇಜಿನಲ್ಲಿ ಪ್ರವೇಶ ಪಡೆಯಲು ಕೊನೆಯ ದಿನಾಂಕ- 18-01-2023.

ಈಗಾಗಲೇ ಕಾಲೇಜುಗಳಲ್ಲಿ ಪ್ರವೇಶ ಪಡೆದಿರುವ ಅಭ್ಯರ್ಥಿಗಳು,ಈ ಮೇಲ್ಕಂಡ ಕೋರ್ಸುಗಳಿಗೆ ಆಸಕ್ತಿ ಇದ್ದರೆ ಮಾತ್ರ ಅಪ್ಲೈ ಮಾಡಿ. ನಿಗದಿತ ದಿನಾಂಕದೊಳಗೆ ನೀವು ಇಲ್ಲಿ ಅಪ್ಲೈ ಮಾಡಿ.