School Reopen: ಈ ಬಾರಿ ಶಾಲೆ ಆರಂಭವಾದ ದಿನವೇ ವಿದ್ಯಾರ್ಥಿಗಳಿಗೆ ಸಿಗಲಿದೆ ಪಠ್ಯ ಪುಸ್ತಕ

ವಿದ್ಯಾರ್ಥಿಗಳೇ ಗಮನಿಸಿ ನಿಮಗೆ ಇಲ್ಲಿದೆ ಖುಚಿಯ ಸಂಗತಿ. ಇದೇನೆಂದರೆ ನೀವು ಈ ಬಾರಿ ಮೇ 29 ರಿಂದ ಶಾಲೆಗಳು ಆರಂಭವಾಗುತ್ತಿದೆ. ಅದರ ಬೆನ್ನಲೇ ಮಕ್ಕಳು ಶಾಲೆಗೆ ಬಂದ ದಿನವೇ ಪುಸ್ತಕ ವಿತರಣೆಗೆ ಸಿದ್ಧತೆ ನಡೆಸಲಾಗಿದೆ.

ಹಿಂದಿನ ವರ್ಷ ನಾಲ್ಕು ತಿಂಗಳು ಕಳೆದರು ವಿದ್ಯಾರ್ಥಿಗಳು ಪಠ್ಯ ಪುಸ್ತಕ ಸಿಗದೆ ಪರದಾಡುವ ಸಂದರ್ಭ ಬಂದಿತ್ತು. ಆದರೆ ಈ ಬಾರಿ ಹೀಗಾಗುವುದಿಲ್ಲ

ಈಗಾಗಲೇ ಕ್ಷೇತ್ರ ಶಿಕ್ಷಣಾಧಿಕಾರಿ ಕಚೇರಿಗೆ ಶೇ. 86 ರಷ್ಟು ಪುಸ್ತಕಗಳು ಸರಬರಾಜಾಗಿದ್ದು, ವಿದ್ಯಾರ್ಥಿಗಳಿಗೆ ಶಾಲಾ ಆರಂಭದ ಸಮಯಕ್ಕೆ ಪಠ್ಯಪುಸ್ತಕಗಳು ಸಿಗಲಿವೆ.

ಪ್ರಸಕ್ತ ಸಾಲಿನಲ್ಲಿ ಮಕ್ಕಳಿಗೆ ಅಂದಾಜು 6.39 ಲಕ್ಷ ಪಠ್ಯಪುಸ್ತಕಗಳ ಅವಶ್ಯಕತೆ ಇದ್ದು, ಈಗಾಗಲೇ 5.91 ಲಕ್ಷ ಪಠ್ಯಪುಸ್ತಕಗಳನ್ನು ಮುದ್ರಣ ಮಾಡಲಾಗಿದೆ. ಈ ಪೈಕಿ ಬಿಇಒಗಳ ಹಂತದಲ್ಲಿ 5.53 ಲಕ್ಷ ಪಠ್ಯಪುಸ್ತಕಗಳು ಸರಬರಾಜುಗೊಂಡಿವೆ.

ಉಳಿದ ಶೇ.7.52 ರಷ್ಟು ಮುದ್ರಣ ಹಂತದಲ್ಲಿದ್ದು, ಇವು ಕೂಡ ಶೀಘ್ರದಲ್ಲೇ ಬಿಇಒ ಕಚೇರಿಗೆ ತಲುಪಲಿವೆ ಎಂದು ವರದಿಯಾಗಿದೆ.

ಈ ಹಿಂದೆ ಶಾಲೆ ಆರಂಭವಾದ ದಿನವೇ ಸಮವಸ್ತ್ರವನ್ನೂ ನೀಡುತ್ತೇವೆ ಎಂಬ ಮಾತು ಶಿಕ್ಷಣ ಇಲಾಖೆಯಿಂದ ಕೇಳಿ ಬಂದಿತ್ತು. ಆದರೆ ಈಗ ಆ ಬಗ್ಗೆ ಏನೂ ಸ್ಪಷ್ಟಣೆ ಇಲ್ಲ.

ಕಳೆದ ವರ್ಷ ಸಮವಸ್ತ್ರ ಹಾಗೂ ಪಠ್ಯಪುಸ್ತಕವನ್ನು ಸಕಾಲಕ್ಕೆ ಪೂರೈಸದೇ ಟೀಕೆ ಎದುರಿಸಿದ್ದ ಶಿಕ್ಷಣ ಇಲಾಖೆ, ಈ ಶೈಕ್ಷಣಿಕ ವರ್ಷದಲ್ಲಿ ಶಾಲೆ ಆರಂಭದ ದಿನವೇ ವಿದ್ಯಾರ್ಥಿಗಳಿಗೆ ಸಮವಸ್ತ್ರ, ಪಠ್ಯಪುಸ್ತಕ ವಿತರಿಸಲು ಮುಂದಾಗಿದೆ.