Students Motivation: ಪರೀಕ್ಷೆ ಬರೆಯಲಿರುವ ವಿದ್ಯಾರ್ಥಿಗಳ ಬಳಿ ಈ ರೀತಿ ಮಾತನಾಡಿ, ಅವರ ಆತ್ಮವಿಶ್ವಾಸ ಹೆಚ್ಚಿಸಿ

ನಿಮ್ಮ ಮಕ್ಕಳ ಸಾಮರ್ಥ್ಯ ಎಷ್ಟಿದೆ ಎಂಬುದರ ಅಂದಾಜು ನಿಮಗಿರುತ್ತದೆ. ಆದ್ದರಿಂದ ಅವರಿಗೆ ಒತ್ತಡ ಹೇರಿ ಇಷ್ಟು ಅಂಕಗಳಿಸಲೇ ಬೇಕು ಗಳಿಸದಿದ್ದರೆ ನಮ್ಮ ಮಾನ ಹೋಗುತ್ತದೆ ಈ ರೀತಿ ಮಾತನಾಡಿ ಅವರಲ್ಲಿ ಆತಂಕ ಸೃಷ್ಟಿಸಬೇಡಿ.

ನಿಮ್ಮ ಮಕ್ಕಳನ್ನು ಇತರರೊಂದಿಗೆ ಹೋಲಿಸಬೇಡಿ. ಅವನು/ಅವಳನ್ನು ನಿಮ್ಮ ಪರಿಚಯದವರ ಮುಂದೆ ನಿಂದಿಸಬೇಡಿ. ಇತತರಿಗೂ ನಿಮ್ಮ ಮಕ್ಕಳನ್ನು ನಿಂದಿಸಲು ಬಿಡಬೇಡಿ. ನೀನು ಈ ಕೋರ್ಸ್​ನ್ನೇ ಮಾಡಬೇಕು ಎಂಬ ಹೇರಿಕೆ ಬೇಡ.

ಮಕ್ಕಳು ಏನನ್ನೂ ಹೇಳದೆ ಉದ್ವಿಗ್ನತೆ ತೋರುತ್ತಿದ್ದರೆ, ಕಡಿಮೆ ಮಾತನಾಡುತ್ತಿದ್ದರೆ, ತನ್ನಷ್ಟಕ್ಕೆ ತಾನೇ ಇಟ್ಟುಕೊಳ್ಳುತ್ತಿದ್ದರೆ ಅಥವಾ ತಾನು ಹಿಂದೆಂದೂ ಮಾಡದ ಕೆಲಸವನ್ನು ಮಾಡಿಲು ಆರಂಭಿಸಿದರೆ ಜಾಗರೂಕರಾಗಿರಿ. ಅದರ ಬಗ್ಗೆ ಅವನೊಂದಿಗೆ ಮಾತನಾಡಿ.

ಅವರೊಂದಿಗೆ ನೀವು ಇವನ್ನೆಲ್ಲ ಮಾಡಿದರೂ ಮಗುವಿನ ಒತ್ತಡ ಕಡಿಮೆಯಾಗದಿದ್ದರೆ ತಜ್ಞರನ್ನು ಸಂಪರ್ಕಿಸಿ.ಆ ಸಮಯದಲ್ಲಿ ಕೌನ್ಸೆಲಿಂಗ್ ಕೂಡ ಮಗುವಿಗೆ ಸಹಾಯ ಮಾಡಬಹುದು.

ಮಕ್ಕಳು ನಿಮ್ಮ ಮಾತನ್ನು ಕೇಳದಿದ್ದರೆ, ಅವನು ಇಷ್ಟಪಡುವ ಯಾರನ್ನಾದರೂ, ಅದು ಶಿಕ್ಷಕರಾಗಿರಲಿ, ಕುಟುಂಬದ ಇನ್ನೊಬ್ಬ ಸದಸ್ಯರಾಗಿರಲಿ ಅಥವಾ ಹಿರಿಯರಾಗಿರಲಿ ಮಗುವಿನೊಂದಿಗೆ ಮಾತನಾಡಲು ಕೇಳಿ.

ಮಕ್ಕಳ ಒತ್ತಡ ಕಡಿಮೆಯಾಗದಿದ್ದರೆ. ಕಡಿಮೆ ಅಂಕ ಬಂದರೂ ಜೀವನದಲ್ಲಿ ಒಳ್ಳೆಯ ಸ್ಥಾನದಲ್ಲಿರುವವರ ಬಗ್ಗೆ ಹೇಳಿ. ಸ್ಫೂರ್ತಿ ಪಡೆಯಲು ಹೇಳಿ.

ಮಕ್ಕಳೊಂದಿಗೆ ಸಂಪರ್ಕದಲ್ಲಿರಿ. ಅವರೊಂದಿಗೆ ಮಾತನಾಡುತ್ತಲೇ ಇರಿ. ಅವರ ಸ್ನೇಹಿತರು ಮತ್ತು ಶಿಕ್ಷಕರಿಂದಲೂ ಪ್ರತಿಕ್ರಿಯೆಯನ್ನು ತೆಗೆದುಕೊಳ್ಳಿ. ಮಕ್ಕಳು ಸಾಮಾನ್ಯವಾಗಿ ತಮ್ಮ ಮನಸ್ಸಿನಲ್ಲಿರುವುದನ್ನು ಸ್ನೇಹಿತರೊಂದಿಗೆ ಮಾತ್ರ ಮಾತನಾಡುತ್ತಾರೆ.